দেৱেন দত্ত
| দেৱেন দত্ত | |
|---|---|
 | |
| জন্ম | ৫ এপ্ৰিল, ১৯৪৪ নাজিৰা, শিৱসাগৰ, অসম |
| মৃত্যু | ১৭ আগষ্ট, ২০২৩ (৭৯ বছৰ) গুৱাহাটী চিকিৎসা মহাবিদ্যলয়, গুৱাহাটী |
| পেচা | শিক্ষাবিদ, ৰাজহুৱা কৰ্মী, লেখক |
| ভাষা | অসমীয়া |
| আত্মীয়-স্বজন | নিবাৰণ বৰা, অৰুন্ধতী দত্ত |
দেৱেন দত্ত (ইংৰাজী: Deven Dutta) অসমৰ এগৰাকী লেখক, শিক্ষাবিদ আৰু সক্ৰিয় ৰাজহুৱা কৰ্মী আছিল।[1][2] কটন কলেজৰ উপাধ্যক্ষ ৰূপে তেওঁ চাকৰিৰ পৰা অৱসৰ গ্ৰহণ কৰিছিল। তেওঁ সক্ৰিয় ৰাজনীতিৰ সৈতেও জড়িত আছিল আৰু গুৱাহাটী লোকসভা সমষ্টিৰ পৰা প্ৰতিদ্বন্দ্বিতা আগবঢ়াইছিল।[3] ভাষাৰ শুদ্ধ উচ্চাৰণৰ ক্ষেত্ৰত তেওঁ জোৰ দিছিল। স্পষ্টবাদী বুলি তেওঁৰ নাম আছিল আৰু দৈনিক কাকতত তেওঁ অকুতোভয় শীৰ্ষকেৰে নিয়মীয়া কলম লেখিছিল।
জন্ম
[সম্পাদনা কৰক]১৯৪৪ চনৰ ৫ এপ্ৰিল তাৰিখে শিৱসাগৰ জিলাৰ নাজিৰাত দেৱেন দত্তৰ জন্ম হৈছিল।[2]
শিক্ষা আৰু কৰ্মজীৱন
[সম্পাদনা কৰক]কটন কলেজৰপৰা স্নাতক পৰীক্ষাত উৰ্ত্তীণ হৈ দত্তই ১৯৬৫ চনত দিল্লীৰ ৰামযশ মহাবিদ্যালয়ৰ পৰা ইংৰাজী বিষয়ত স্নাতকোত্তৰ ডিগ্ৰী লাভ কৰে আৰু কটন মহাবিদ্যালয়ত ইংৰাজী বিষয়ৰ অধ্যাপক ৰূপে মকৰল হয়।[4] কিছুবছৰ তেওঁ গড়গাঁও মহাবিদ্যালয়তো অধ্যাপনা কৰিছিল। ২০০২ চনত কটন কলেজৰ উপাধ্যক্ষ ৰূপে চাকৰিৰ পৰা অৱসৰ গ্ৰহণ কৰে আৰু গ্ৰাহক সুৰক্ষা সমিতিৰ সভাপতি ৰূপে ৰাজহুৱা জীৱন আৰম্ভ কৰে। [4] দত্তৰ সভাপতিত্বৰ সময়ছোৱাত গ্ৰাহক সুৰক্ষা সমিতিয়ে ভালেকেইটা গুৰুত্বপূৰ্ণ সিদ্ধান্ত লৈছিল আৰু নাগৰিক অধিকাৰ ৰক্ষাৰ স্বাৰ্থত কাম কৰিছিল।
প্ৰকাশিত গ্ৰন্থ
[সম্পাদনা কৰক]- চিৰ এলাগী মোৰ ভাষা ফেদেলী (২০১৫)
- অসমীয়া ভাষাৰ ছিটিপনি
ৰাজনৈতিক জীৱন
[সম্পাদনা কৰক]দেৱেন দত্তই ২০০৪ চনৰ লোকসভা নিৰ্বাচনত গুৱাহাটী সমষ্টিৰ পৰা তৃণমূল গণ পৰিষদৰ প্ৰাৰ্থী হিচাপে অৱতীৰ্ণ হয়।[5] কিৰিপ চলিহাৰ হাতত তেওঁ নিৰ্বাচনত পৰাস্ত হয়।[6]
মৃত্যু
[সম্পাদনা কৰক]২০২৩ চনৰ ১৭ আগষ্ট তাৰিখে স্বাস্থ্য সম্পৰ্কীয় জটিলতাত ভুগি গুৱাহাটী চিকিৎসা মহাবিদ্যালয়ত তেওঁৰ মৃত্যু হয়।[2][4]
তথ্যসূত্ৰ
[সম্পাদনা কৰক]- ↑ "Assam: Noted Educationalist Deven Dutta Passes Away". The SentinelThe Sentinel. 18 August 2023. https://www.sentinelassam.com/north-east-india-news/assam-news/assam-noted-educationalist-deven-dutta-passes-away-663130। আহৰণ কৰা হৈছে: 2025-08-29.
- ↑ 2.0 2.1 2.2 "শিক্ষাবিদ তথা সক্ৰিয় ৰাজহুৱা কৰ্মী দেৱেন দত্তৰ শেষ নিশ্বাস ত্যাগ". অসমীয়া প্ৰতিদিন. ১৮ আগষ্ট, ২০২৩. https://www.asomiyapratidin.in/assam/devan-dutta-passed-away। আহৰণ কৰা হৈছে: ১৮ আগষ্ট, ২০২৩.
- ↑ "শিক্ষাবিদ তথা সক্ৰিয় ৰাজহুৱা কৰ্মী অধ্যাপক দেৱেন দত্তৰ দেহাৱসান". এন ই নাও নিউজ, গুৱাহাটী. ১৮ আগষ্ট, ২০২৩. https://assam.nenow.in/noted-academician-active-social-worker-prof-deben-dutta-passes-away/। আহৰণ কৰা হৈছে: ১৮ আগষ্ট, ২০২৩.
- ↑ 4.0 4.1 4.2 "Eminent Educationist and social activist Prof Deven Dutta passes away". নিউজ লাইভ. ১৮ আগষ্ট, ২০২৩. https://newslivetv.com/eminent-educationist-social-activist-prof-deven-dutta-passes-away/। আহৰণ কৰা হৈছে: ১৮ আগষ্ট, ২০২৩.
- ↑ "Academician in political debut – TGP fields Deven Dutta from Guwahati seat". ABP GroupThe Telegraph India. 2 March 2004. https://www.telegraphindia.com/north-east/academician-in-political-debut-tgp-fields-deven-dutta-from-guwahati-seat/cid/766358। আহৰণ কৰা হৈছে: 2025-08-29.
- ↑ "General Elections, 2004 – The 14th Lok Sabha: List of Successful Candidates". Election Commission of IndiaChief Electoral Officer, Madhya Pradesh. https://ceomadhyapradesh.nic.in/Links/Books/2004_Vol_I.pdf। আহৰণ কৰা হৈছে: 2025-08-29.