পঞ্জাৱ নেচনেল বেংক

পঞ্জাৱ নেচনেল ব্যাংক

ধৰণ	ৰাজহুৱা
উদ্যোগ	ব্যাংকিং, আর্থিক পৰিষেবা
প্ৰতিষ্ঠাতা	লালা লাজপত ৰায়
মুখ্য কাৰ্যালয়	নতুন দিল্লী, ভাৰত
দেশ/অঞ্চল	বিশ্বব্যাপী
নেতৃস্থানীয় ব্যক্তিত্ব	এস. এস. মল্লিকার্জুন ৰাও (এমডি এন্ড সিইও)
পণ্য	খুচুৰা ব্যাংকিং, বাণিজ্যিক ব্যাংকিং, সম্পত্তি ব্যবস্থাপনা, বীমা, বিনিয়োগ ব্যাংকিং
ৰাজহ	৭৭,৬৪১ কোটি টাকা (২০২০)
কাৰ্যকৰ আয়	১৬,৬২১ কোটি টাকা (২০২০)
মুঠ আয়	২,৩০৫ কোটি টাকা (২০২০)
মুঠ সম্পত্তি	১৪,৫৬,১৪৩ কোটি টাকা (২০২০)
Total equity	৮৮,৪৫২ কোটি টাকা (২০২০)
কৰ্মচাৰীৰ সংখ্যা	৭৫,০০০+ (২০২১)
মূল প্ৰতিষ্ঠান	ভাৰত চৰকাৰ
সহযোগী প্ৰতিষ্ঠান	পিএনবি হাউসিং ফাইন্যান্স লিমিটেড
ৱেবছাইট	https://www.pnbindia.in

পঞ্জাৱ নেচনেল বেংক (ইংৰাজী: Punjab National Bank) বা চমুকৈ পিএনবি হৈছে ভাৰতৰ নতুন দিল্লীত মুখ্য কাৰ্যালয় থকা ভাৰতীয় বহুজাতিক বেংকিং আৰু বিত্তীয় সেৱা কোম্পানী। ভাৰতৰ অন্যতম বৃহৎ ৰাজহুৱা খণ্ডৰ বেংক, সমগ্ৰ দেশতে ১১ হাজাৰৰো অধিক শাখা আৰু ১৩ হাজাৰৰো অধিক এটিএম আছে।

ইতিহাস

১৮৯৪ চনত বৰ্তমানৰ পাকিস্তানৰ লাহোৰত পঞ্জাৱ নেচনেল বেংক প্ৰতিষ্ঠা কৰা হৈছিল। লালা লাজপত ৰায়ৰ নেতৃত্বত ভাৰতীয় জাতীয়তাবাদীৰ এটা দলে ভাৰতৰ অৰ্থনৈতিক বিকাশৰ প্ৰসাৰৰ লগতে ভাৰতীয় স্বাধীনতা আন্দোলনক সমৰ্থন কৰাৰ লক্ষ্যৰে এই বেংকটো প্ৰতিষ্ঠা কৰিছিল।

প্ৰতিষ্ঠাৰ পিছৰ বছৰবোৰত এই বেংকটো দ্ৰুতগতিত বৃদ্ধি পাইছিল আৰু ১৯৪৭ চনত ভাৰত স্বাধীন হোৱাৰ সময়লৈকে ই দেশৰ অন্যতম বৃহৎ বেংকত পৰিণত হৈছিল। স্বাধীনতাৰ পিছৰ বছৰবোৰত পিএনবিয়ে ভাৰত আৰু বিদেশত নিজৰ কাম-কাজ সম্প্ৰসাৰণ কৰি আহিছে।

বেংকৰ চামিলকৰণ

ইউনাইটেড বেংক অৱ ইণ্ডিয়া আৰু অৰিয়েণ্টেল বেংক অৱ কমাৰ্চ ২০২০ চনত পঞ্জাব নেচনেল বেংক (পিএনবি)ৰ সৈতে একত্ৰিত হৈছিল।

একত্ৰীকৰণৰ পিছত পিএনবি ভাৰতৰ দ্বিতীয় বৃহত্তম ৰাজহুৱা খণ্ডৰ বেংক হিচাপে পৰিগণিত হয়, যাৰ মুঠ ব্যৱসায় ১৮ লাখ কোটি টকাৰো অধিক। এই একত্ৰীকৰণে বেংকটোৰ ভৌগোলিক প্ৰসাৰ আৰু গ্ৰাহকৰ ভিত্তিও বৃদ্ধি কৰাত সহায় কৰিছিল।