পদাৰ্থ বিজ্ঞানৰ সাতটা নাতিদীৰ্ঘ পাঠ
 | এই প্ৰবন্ধটোৰ সত্যাপনযোগ্যতা প্ৰমাণ কৰিবলৈ অধিক তথ্য-উৎসৰ প্ৰয়োজন। অনুগ্ৰহ কৰি বিশ্বাসযোগ্য উৎসৰ উল্লেখ কৰি প্ৰবন্ধটো উন্নত কৰাত সহায় কৰক। কিয়নো তথ্যৰ উৎসৰ উল্লেখ নকৰা প্ৰবন্ধক লৈ প্ৰশ্ন উঠিব পাৰে। অনুগ্ৰহ কৰি আলোচনা পৃষ্ঠাতো এই সম্পৰ্কীয় কিবা তথ্যৰ বাবে চক ফুৰাব।
অধিক সহায়ৰ বাবে কাষৰ "[দেখুৱাওক]" লিংকটোত ক্লিক কৰক।
উদ্ধৃতিৰ প্ৰয়োজনীয়তা এইবাবেই যে ৱিকিপিডিয়াত ব্যক্তিগত গৱেষণালব্ধ তথ্য গ্ৰহণযোগ্য নহয়, যদিহে ই কোনো নিৰ্ভৰযোগ্য উৎসৰ পৰা আহৰণ কৰা নহয়। মনত ৰাখিব যে ভুল তথ্যৰ বাবে পঢ়ুৱৈৰ ক্ষতিসাধন হ'ব পাৰে। তথাপিতো অসমীয়া ৱিকিপিডিয়া সৰু বাবে অনেক ক্ষেত্ৰত ঢিলাই দিয়া হয় বা কেতিয়াবা কেতিয়াবা দায়িত্বশীল সম্পাদকসকলৰ চকুৰ পৰা সাৰি যায় - তেতিয়া আপুনিয়েই প্ৰথম শাৰীত {{Reimprove}} বা {{Verify}} বুলি লিখি দিয়ে যেন। আনহাতে (অফলাইন) আলোচনীৰ বা বাতৰি কাকতৰ পৰা সহায় লৈ লিখা এটা প্ৰবন্ধৰ উত্সৰ সত্যতা নিৰূপন কৰিবৰ বাবে গৰিষ্ঠ সংখ্যক পাঠকৰ উপায় নাথাকে। তদুপৰি এই প্ৰক্ৰিয়াৰে কিছুমান দুষ্টলোকে ভুল ৰেফাৰেঞ্চৰেও পাঠকক দিগভ্ৰান্ত কৰি তুলিব পাৰে। অনলাইন উত্সৰ পৰা উদ্ধৃতিবোৰ দিলে এনে অসুবিধা নহয়। তেনে ক্ষেত্ৰত কোনোবাই আপত্তি কৰিলেও সত্যতা নিৰূপন কৰিবলৈ একো অসুবিধা নহয়। উল্লেখযোগ্য যে ব্যক্তিগত ব্লগৰ পৰা ৱিকিত উদ্ধৃতি দিয়া নিষেধ। |
| পদাৰ্থ বিজ্ঞানৰ সাতটা নাতিদীৰ্ঘ পাঠ | |
|---|---|
.jpg) | |
| লেখক | ঈশান জ্যোতি বৰা |
| প্ৰচ্ছদ শিল্পী | ৰিতুপৰ্ণ বৰা |
| দেশ | ভাৰত |
| ভাষা | অসমীয়া |
| বিষয় | অনুবাদ গ্ৰন্থ, বিজ্ঞানভিত্তিক |
| প্ৰকাৰ | প্ৰবন্ধ সংকলন |
| প্ৰকাশক | বনলতা |
| প্ৰকাশ | আগষ্ট, ২০২২ |
| মিডিয়া প্ৰকাৰ | মুদ্ৰণ |
| পৃষ্ঠা সংখ্যা | ৭২ |
| আই.এচ.বি.এন. | 978-93-91135-32-4 |
পদাৰ্থ বিজ্ঞানৰ সাতটা নাতিদীৰ্ঘ পাঠ (ইংৰাজী: Padartha Bigyanor Satta Natidirgha Paath) অসমীয়া ভাষাৰ এখন অনুবাদ গ্ৰন্থ। কাৰ্ল' ৰ'ভেল্লীৰ ইটালী ভাষাত ৰচিত ছেতে ব্ৰেভি লেজ'নি দ্য ফিজিকা নামৰ গ্ৰন্থখনৰ ইংৰাজী অনুবাদ হৈছে ছেভেন ব্ৰিফ লেছনছ অ'ন ফিজিক্স নামৰ গ্ৰন্থখন। ইংৰাজীলৈ অনুবাদ কৰিছে ছাইমন কাৰ্ণেল আৰু এৰিকা ছেগ্ৰীয়ে। এই গ্ৰন্থখন বিশ্বৰ প্ৰায় ৫২ টা ভাষালৈ অনুবাদ হৈছে। ২০২২ চনৰ আগষ্ট মাহত বনলতা প্ৰকাশনৰ পৰা এই গ্ৰন্থখনৰ অসমীয়া অনুবাদ প্ৰকাশ হৈ ওলায়। অনুবাদ কৰিছে বৈদ্যুতিক অভিযন্তা, লেখক, অনুবাদক ঈশান জ্যোতি বৰাই। এই অনুবাদ গ্ৰন্থখনৰ মুঠ পৃষ্ঠা ৭২ আৰু মূল্য ৮০ টকা। [1]
বিৱৰণ
[সম্পাদনা কৰক]কিতাপখনৰ আৰম্ভণিতে মূল লেখক কাৰ্ল' ৰ'ভেল্লীৰ আগকথা অনুবাদ কৰি দিয়া আছে। কাৰ্ল' ৰ'ভেল্লীয়ে লিখিছে, "সাতোটা পাঠৰ গ্ৰন্থখন লিখি উলিওৱা হৈছে সেইসকল ব্যক্তিৰ বাবে যাৰ আধুনিক বিজ্ঞানৰ লগত তিলমানো পৰিচয় নাই বা পৰিচয় থাকিলেও সেয়া অতি সামান্য।" অনুবাদকৰ কথা শিতানত কিতাপখন অসমীয়ালৈ অনুবাদ কৰাৰ উৎসাহৰ বিষয়ে উল্লেখ কৰি অনুবাদকে লিখিছে, "পাঠকেইটা পঢ়ি উঠিয়েই কিতাপখন অসমীয়ালৈ অনুবাদ কৰাৰ সিদ্ধান্ত এটা লৈছিলোঁ। ভাব হৈছিল, বিজ্ঞানৰ প্ৰতি কৌতূহল থকা পাঠকক কিতাপখনে উপকাৰ কৰিব।" কিতাপখন মুঠতে সাতটা পাঠত বিভক্ত। সেইকেইটা হৈছে [1] -
- প্ৰথম পাঠ - সবাতোকৈ মনোৰম তত্ত্বটো
- দ্বিতীয় পাঠ - কোৱাণ্টা
- তৃতীয় পাঠ - ব্ৰহ্মাণ্ডৰ গঠনশৈলী
- চতুৰ্থ পাঠ - কণিকা
- পঞ্চম পাঠ - মহাকাশৰ ক্ষুদ্ৰাংশ
- ষষ্ঠ পাঠ - সম্ভাৱিতা, সময় আৰু কৃষ্ণ গহ্বৰৰ তাপ
- অন্তিম পাঠ - আমি
উল্লেখযোগ্য যে সূচীপত্ৰৰ আগতে ৰ'ভেল্লীৰ বিষয়ে অধিক জানিবলৈ কাৰ্ল' ৰ'ভেল্লীৰ ৱেবপৃষ্ঠাৰ লিংক আৰু তেখেতৰ পৰিচয় আৰু কৰ্মসূচক বৃত্তান্তৰ লিংক সন্নিৱিষ্ট কৰা আছে। কিতাপখনত ব্যৱহৃত কাৰ্ল' ৰ'ভেল্লীৰ ছবিখন ৱিকিমিডিয়া কমন্সৰ পৰা সংগ্ৰহিত বুলি উল্লেখ আছে।[1]
কিতাপখনৰ বেটুপাতৰ চতুৰ্থ পৃষ্ঠাত পংকজ জ্যোতি মহন্তই লিখিছে, "কাৰ্ল' ৰ'ভেল্লীৰ 'পদাৰ্থ বিজ্ঞানৰ সাতটা নাতিদীৰ্ঘ পাঠ' শীৰ্ষক কিতাপখনত কুৰি শতিকাৰ কেইটামান যুগান্তকাৰী আৱিষ্কাৰ বৰ্ণনা কৰা হৈছে। প্ৰথমতে ইটালী আৰু পাছলৈ ইংৰাজী ভাষাত অনূদিত হোৱা অতি সহজবোধ্য কিতাপখন লিখাৰ প্ৰধান উদ্দেশ্য হ'ল বিজ্ঞানৰ সৈতে সবিশেষ পৰিচয় নথকাজনকো সেইসমূহৰ পৰিচয় কৰাই দিয়া, যিখন কিতাপ স্কুলীয়া ছাত্ৰ-ছাত্ৰীয়েও পঢ়িব পাৰে।"
লেখকৰ চমু পৰিচয়
[সম্পাদনা কৰক]কাৰ্ল' ৰ'ভেল্লী এগৰাকী তাত্ত্বিক পদাৰ্থবিজ্ঞানী আৰু লেখক। ইটালী আৰু আমেৰিকা যুক্তৰাষ্ট্ৰত কৰ্মজীৱনৰ আৰম্ভণি কৰা কাৰ্ল' ৰ'ভেল্লীয়ে ২০০০ চনৰ পৰা ফ্ৰান্সত কাম কৰি আহিছে।[2] তেওঁৰ কৰ্মই প্ৰকৃততে কোৱাণ্টাম গ্ৰেভিটিৰ ক্ষেত্ৰখনক সাঙুৰি লায়। তেওঁ লুপ কোৱাণ্টাম গ্ৰেভিটি নামৰ তত্ত্বটোৰ এজন প্ৰতিষ্ঠাপক। ইতিহাস আৰু বিজ্ঞান-দৰ্শনৰ ক্ষেত্ৰখনলৈও তেখেতে অৱদান আগবঢ়াইছে।
অসমীয়ালৈ অনুবাদ কৰা লেখক ঈশান জ্যোতি বৰা এজন বৈদ্যুতিক অভিযন্তা, লেখক আৰু অনুবাদক। লগতে তেওঁ এজন ৱিকিমিডিয়ান। শান্তনু কৌশিক বৰুৱাৰ সংক্ষিপ্ত অসম বিশ্বকোষ গ্ৰন্থখনত তেওঁ প্ৰকল্প সহযোগী হিচাপে কাম কৰিছে।[3]
তথ্যৰ উৎস
[সম্পাদনা কৰক]- ↑ 1.0 1.1 1.2 ঈশান জ্যোতি বৰা (আগষ্ট,২০২২). পদাৰ্থ বিজ্ঞানৰ সাতটা নাতিদীৰ্ঘ পাঠ. বনলতা. ISBN 978-93-91135-32-4.
- ↑ "Resume". www.cpt.univ-mrs.fr. http://www.cpt.univ-mrs.fr/~rovelli/vita.pdf.
- ↑ শান্তনু কৌশিক বৰুৱা (আগষ্ট,২০২১). সংক্ষিপ্ত অসম বিশ্বকোষ ১. সঞ্জীৱন প্ৰকাশন. ISBN 978 81 950015 4 5.