পদ্মশ্ৰী ৱাৰিৱৰ
| পদ্মশ্ৰী ৱাৰিৱৰ Padmasree Warrior పద్మశ్రీ వారియర్ | |
|---|---|
 | |
| জন্ম | য়েল্লেপেড়ি পদ্মশ্ৰী বিজয়ৱাড়া, অন্ধ্ৰপ্ৰদেশ, ভাৰত |
| শিক্ষা | আইআইটি দিল্লী, (বিজ্ঞান স্নাতক,BS) কৰ্ণেল বিশ্ববিদ্যালয় (বিজ্ঞানত স্নাতকোত্তৰ) |
| দাম্পত্যসঙ্গী | মোহনদাস ৱাৰিৱৰ |
| সন্তান | ১ |
পদ্মশ্ৰী ৱাৰিৱৰ (ইংৰাজী: Padmasree Warrior, জন্মতে- য়েল্লেপেড়ি পদ্মশ্ৰী; তেলেগু: పద్మశ్రీ వారియర్) হৈছে এগৰাকী ভাৰতীয় মূলৰ আমেৰিকান উদ্যোগী আৰু প্ৰযুক্তিবিদ্যাৰ কাৰ্যবাহী৷ ছিছকো ছিষ্টেমৰ দৰে প্ৰযুক্তিগত কোম্পানীৰ নেতৃত্ব প্ৰদান কৰি তেখেত চৰ্চালৈ আহিছে৷ এইটো কোম্পানীত তেখেতে মুখ্য কাৰিকৰী বিষয়া হিচাপে সাতবছৰৰ বাবে কৰ্মনিৰ্বাহ কৰে৷ একেটা পদতে ৱাৰিৱৰে মট'ৰ'লা কোম্পানীত পাঁচবছৰৰ বাবে কৰ্মদান কৰে৷ আমেৰিকাৰ এনআইঅ' নামৰ কোম্পানীটোত তেখেতে মুখ্য কাৰ্যবাহী বিষয়া হিচাপে জড়িত হয়৷ "এনআইঅ'" হৈছে এটা বৈদ্যুতিক বাহন-নিৰ্মাণকাৰী কোম্পানী৷ বৰ্তমান তেখেত ‘ফেবল’ নামৰ মানসিক সুস্বাস্থ্যজনিত পঢ়ন-মঞ্চখন প্ৰতিষ্ঠা কৰি মুখ্য কাৰ্যবাহী বিষয়া হিচাপে কাম কৰি আছে৷[1] পদ্মশ্ৰী ৱাৰিৱৰ মাইক্ৰ'ছফ্ট [2]আৰু ‘স্পটিফাই’ৰ [3]পৰিষদীয় সভাৰ লগতো জড়িত৷
২০১৪ চনত পদ্মশ্ৰী ৱাৰিৱৰক ‘ফৰ্বছ’ আলোচনীয়ে বিশ্বৰ এশগৰাকী শক্তিশালী নাৰীৰ তালিকাভুক্ত কৰে৷ [4] ২০১৮ চনত পদ্মশ্ৰী ৱাৰিৱৰৰ নামটো “আমেৰিকাৰ প্ৰযুক্তিত শীৰ্ষ ৫০গৰাকী নাৰী”ৰ তালিকাত অন্তৰ্ভুক্ত হয়৷[5]
প্ৰাৰম্ভিক জীৱন
[সম্পাদনা কৰক]য়েল্লেপেড়ি পদ্মশ্ৰীৰ জন্ম হৈছিল অন্ধ্ৰপ্ৰদেশ, ভাৰতৰ বিজয়ৱাড়াস্থিত এটি তেলেগু পৰিয়ালত৷ [6]বিজয়ৱাড়াতে থকা ছিলড্ৰেন'ছ মণ্টেচ্ছৰী বিদ্যালয় আৰু মেৰিছ ষ্টেলা কলেজত পদ্মশ্ৰীয়ে প্ৰাৰম্ভিক শিক্ষা গ্ৰহণ কৰে৷ ১৯৮২ চনত পদ্মশ্ৰী ৱাৰিৱৰে আইআইটি, দিল্লীৰ পৰা ৰসায়নিক অভিযান্ত্ৰিকীত স্নাতক ডিগ্ৰী অৰ্জন কৰে৷[7][8] পৰৱৰ্তী সময়ত পদ্মশ্ৰী ৱাৰিৱৰে একেটা বিষয়তে কৰ্ণেল বিশ্ববিদ্যালয়ৰ পৰা স্নাতকোত্তৰ ডিগ্ৰী অৰ্জন কৰে৷ [9]
কৰ্মজীৱন
[সম্পাদনা কৰক]ম'ট'ৰলা
[সম্পাদনা কৰক]১৯৮৪ চনত ৱাৰিৱৰে ম'ট'ৰ'লাত যোগদান কৰে৷[10] প্ৰায় তেইশ বছৰৰো অধিক সময় কোম্পানীত কাম কৰি পদ্মশ্ৰীয়ে ম'ট'ৰ'লাৰ এনাৰ্জি ছিষ্টেমছ গোটৰ ক'ৰ্পৰেট উপ-অধ্যক্ষ আৰু মহাপ্ৰবন্ধকৰ দায়িত্ব পালন কৰে৷ তেখেতে ফ্ৰিস্কেল ছেমিকণ্ডাক্টৰছ খণ্ডতো মুখ্য কাৰিকৰী বিষয়া আৰু কৰ্পোৰেট উপ-অধ্যক্ষ হিচাপে কৰ্মনিৰ্বাহ কৰে৷[10] ম'ট'ৰ'লাৰ মুখ্য কাৰিকৰী বিষয়া হোৱাৰ ঠিক আগে-আগে পদ্মশ্ৰীয়ে ম'ট'ৰ'লাৰে থটবিমত মহাপ্ৰবন্ধকৰ দায়িত্ব পালন কৰে৷ ২০০৩ চনৰ জানুৱাৰী মাহত তেখেত ম'ট'ৰ'লাৰ মুখ্য কাৰিকৰী বিষয়াৰ পদত অধিষ্ঠিত হয় আৰু কোম্পানীটোৰ জ্যেষ্ঠ উপ-অধ্যক্ষৰ আসনত বহে৷ ২০০৫ চনত তেখেত কাৰ্যবাহী উপ-অধ্যক্ষলৈ পদোন্নতি হয়৷[11][12]
চিছকো
[সম্পাদনা কৰক]২০০৭ চনৰ ৪ ডিচেম্বৰত, পদ্মশ্ৰী ৱাৰিৱৰে ম'ট'ৰলাৰ পৰা প্ৰস্থান কৰি চিছকো ছিষ্টেমছত যোগদান কৰে৷ চিছকোত তেখেত মুখ্য কাৰিকৰী বিষয়াৰ পদটো চম্ভালে৷[13] উক্ত পদত তেখেত ২০১৫ চনৰ জুন মাহ পৰ্যন্ত থাকে৷ [14]
এনআইঅ'
[সম্পাদনা কৰক]২০১৫ চনৰ ডিচেম্বৰ মাহত পদ্মশ্ৰীয়ে চীনা বৈদ্যুতিক কাৰ কোম্পানী "NIO"ত পৰিষদীয় সদস্য, মুখ্য কাৰ্যবাহী বিষয়া আৰু মুখ্য বিকাশ বিষয়া হিচাপে যোগদান কৰে৷ ২০১৮ চনৰ ডিচেম্বৰ মাহত তেখেতে এই পদ ত্যাগ কৰে৷[15]
ফেবল
[সম্পাদনা কৰক]২০১৯ চনৰ ছেপ্টেম্বৰ মাহত ৱাৰিৱৰে ‘ফেবল’ নামৰ ষ্টাৰ্ট আপ এটা আৰম্ভ কৰে৷ কোম্পানীটোত তেখেতে অধ্যক্ষ আৰু মুখ্য কাৰ্যবাহী বিষয়া হিচাপে কাম কৰি আছে৷[2] ২০২১ চনৰ জানুৱাৰীত ফেবলে এটা এপ উন্মোচন কৰে৷ এইটো এটা ছাবস্ক্ৰিপছন-ভিত্তিক কিতাপ-পৰামৰ্শৰ মঞ্চ আৰু ব্যক্তিগত ছ'ছিয়েল নেটৱৰ্ক৷[1] ৱাৰিৱৰে কৈছে যে-তেওঁলোকে মানুহৰ বোধগত সবলতা বিকাশৰ হকে কাম কৰিছে৷[16]
ব্যক্তিগত জীৱন
[সম্পাদনা কৰক]পদ্মশ্ৰী ৱাৰিৱৰে মোহনদাস ৱাৰিৱৰৰ লগত বৈবাহিক জীৱনৰ পাতনি মেলে৷ তেওঁলোকৰ এটি পুত্ৰ সন্তান আছে৷ [17][18]
তথ্যসূত্ৰ
[সম্পাদনা কৰক]- ↑ 1.0 1.1 "Can former Cisco CTO Padmasree Warrior build a better social network for book lovers?". Fortune. 14 January 2021. https://fortune.com/2021/01/14/padmasree-warrior-cisco-cto-social-media-for-book-lovers-readers/.
- ↑ 2.0 2.1 "Padmasree Warrior" (en ভাষাত). Microsoft. 2 December 2015. https://news.microsoft.com/exec/padmasree-warrior/। আহৰণ কৰা হৈছে: 2020-06-20.
- ↑ rs.spotify.com/governance/board-of-directors/person-details/default.aspx?ItemId=9f7ee6d2-b628-4247-bbf4-f7717d58204a "Padmasree Warrior" (en ভাষাত). Spotify. https://investo rs.spotify.com/governance/board-of-directors/person-details/default.aspx?ItemId=9f7ee6d2-b628-4247-bbf4-f7717d58204a। আহৰণ কৰা হৈছে: 2020-06-20.[সংযোগবিহীন উৎস]
- ↑ "The World's 100 Most Powerful Women". Forbes. https://www.forbes.com/power-women/list/2/#tab:overall। আহৰণ কৰা হৈছে: 26 June 2014.
- ↑ "Padmasree Warrior". Forbes. https://www.forbes.com/profile/padmasree-warrior/?list=top-tech-women-america.
- ↑ "NextEV's Padmasree Warrior on Studio 1.0 - Bloomberg". https://www.youtube.com/watch?v=hlpEWErMjgY&feature=youtu.be&t=553.
- ↑ "IIT-Delhi Award goes to Padmasree Warrior, CTO Motorola". The Economic Times (Bennett, Coleman & Co. Ltd). 23 August 2004.
- ↑ "IIT alumni dominate global Indian tech influencers list". The Times of India (Bennett, Coleman & Co. Ltd). 18 February 2012. http://timesofindia.indiatimes.com/home/education/news/IIT-alumni-dominate-global-Indian-tech-influencers-list/articleshow/11937509.cms?.
- ↑ Gilpin, Lyndsey. "Cisco CTO Padmasree Warrior: Engineer, Artist, Business Leader, Sage". ZDNetTechRepublic. http://www.techrepublic.com/article/cisco-cto-padmasree-warrior-engineer-artist-business-leader-sage/। আহৰণ কৰা হৈছে: 28 June 2014.
- ↑ 10.0 10.1 "Padmasree Warrior". VideoLectures.Net. VideoLectures.Net. http://videolectures.net/padmasree_warrior/। আহৰণ কৰা হৈছে: 27 June 2012.
- ↑ Padmasree Warrior Biography from Motorola Archived 8 July 2011 at the Wayback Machine
- ↑ WITI – Hall of Fame
- ↑ Savitz, Eric. "Cisco Names Padmasree Warrior Chief Technology Officer". Barron'sTech Trader Daily. http://blogs.barrons.com/techtraderdaily/2007/12/04/cisco-names-padmasree-warrior-chief-technology-officer/। আহৰণ কৰা হৈছে: 28 June 2014.
- ↑ "Report: Cisco CTO Warrior is leaving the company". http://fortune.com/2015/06/02/report-cisco-cto-warrior-is-leaving-the-company/.
- ↑ "Chinese Tesla competitor NIO loses its US chief executive, Padmasree Warrior". https://www.businessinsider.com/nio-us-ceo-padmasree-warrior-resigns-2018-11.
- ↑ "Fable is working to improve cognitive fitness, says CEO Padmasree Warrior" (en ভাষাত). Business Insider. https://www.business-standard.com/article/technology/fable-is-working-to-improve-cognitive-fitness-says-ceo-padmasree-warrior-119111300028_1.html। আহৰণ কৰা হৈছে: 2020-06-20.
- ↑ McAlone, Nathan. "12 spouses who are lucky to be married to the most powerful women in Silicon Valley". Business Insider. https://www.businessinsider.com/the-men-standing-behind-the-most-powerful-women-in-tech-2015-8?r=US&IR=T#mohandas-warrior-is-married-to-padmasree-warrior-former-cto-of-cisco-systems-and-former-cto-of-motorola-1110.
- ↑ "5 things you didn't know about Cisco's Warrior". CNN. https://edition.cnn.com/2014/05/20/tech/5-things-you-didnt-warrior/index.html। আহৰণ কৰা হৈছে: 9 July 2019.