সমললৈ যাওক

ফাৰাহ(অভিনেত্ৰী)

অসমীয়া ৱিকিপিডিয়াৰ পৰা
ফাৰাহ

২০১৯ চনৰ নৱেম্বৰত
জন্ম ফাৰাহ নাজ হাছমী
হায়দৰাবাদ, টেলেংগাণা, ভাৰত
পেচা অভিনেত্ৰী
সক্ৰিয় হৈ থকা সময় ১০৮৪-২০০৫
দাম্পত্যসঙ্গী
  • বিন্দু দাৰা সিং (বি. ১৯৯৬; বিচ্ছেদ ২০০২)
  • চুমিত চাইগল (বি. ২০০৩)
সন্তান ১ (বিন্দু দাৰা সিঙৰ সৈতে)

ফাৰাহ নাজ হাছমী বা যাক সাধাৰণতে ফাৰাহ বুলি জনা যায়, ১৯৮০ চনৰ মাজভাগ আৰু ১৯৯০ চনৰ মাজভাগৰ বলীউডৰ এগৰাকী আগশাৰীৰ অভিনেত্ৰী। তেওঁ তবুৰ ডাঙৰ ভনীয়েক।

১৯৮৫ চনত যশ চোপ্ৰা ছবিৰ বেনাৰত ফাৰাহে ফাছলেৰ যোগেদি চলচ্চিত্ৰত আত্মপ্ৰকাশ কৰে। তেওঁ আশীৰ দশকৰ শেষৰ ফালে আৰু নব্বৈৰ দশকৰ মাজভাগত বলীউডৰ অন্যতম বিশিষ্ট অভিনেত্ৰী আছিল। ১৯৮৯ চনৰ বাংলা চিনেমা আমাৰ তুমিত প্ৰসেনজিৎ চেটাৰ্জীৰ সৈতে অভিনয় কৰিছিল। ফাৰহাৰ ল্যাণ্ডমাৰ্ক ছবি আছিল লাভ ৮৬(১৯৮৬), নচিব আপনা আপনা (১৯৮৬), ইমানন্দাৰ (১৯৮৭), মৰতে ডম টক (১৯৮৭), ৱহ ফিৰ আয়েগী (১৯৮৮), নকাব (১৯৮৯),[1] য়াতিম (১৯৮৮), বাপ নম্বৰী বেটা দছ নুম্বৰী (১৯৯০), বেগুনাহ (১৯৯১), ভাই হো তো এইছা (১৯৯৫) আৰু সৌতেলা ভাই (১৯৯৬)। ৰাজেশ খান্নাৰ সৈতেও তিনিখন ছবি কৰিছিল।

প্ৰথম বিবাহৰ পিছত ১৯৯৬ চনত তেওঁ অভিনয়ৰ পৰা অৱসৰ লৈছিল[2] যদিও পিছলৈ তেওঁ কেইখনমান টেলিভিছন ধাৰাবাহিক কৰে। ৰাজেশ খান্না, বিনোদ খান্না, ঋষি কাপুৰ, মিথুন চক্ৰৱৰ্তী, সঞ্জয় দত্ত, ছানি দেওল, অনিল কাপুৰ, জেকী শ্ৰফ, ৰাজ বাব্বৰ, গোবিন্দ, আদিত্য পাঞ্চোলি, আমিৰ খান, কুমাৰ গৌৰৱ, ৰাহুল ৰয়কে ধৰি তেওঁ সেই সময়ৰ প্ৰায় সকলো শীৰ্ষ অভিনেতাৰ সৈতে কাম কৰিছিল৷

আদি জীৱন[সম্পাদনা কৰক]

ফাৰাহৰ জন্ম হৈছিল এটা হায়দৰাবাদী মুছলমান পৰিয়ালৰ জামাল আলী হাচমী আৰু ৰিজৱানাৰ ঘৰত।[3][4] তাৰ পিছত তেওঁৰ পিতৃ-মাতৃৰ বিবাহ বিচ্ছেদ হয়।[5] মাক আছিল স্কুল-শিক্ষয়িত্ৰী আৰু মাতৃৰ ফালৰ পৰা ককা-আইতাক আছিল অৱসৰপ্ৰাপ্ত অধ্যাপক, যিয়ে এখন স্কুল চলাইছিল। তেওঁৰ ককাক মহম্মদ আহছান গণিতৰ অধ্যাপক আছিল আৰু আইতাক ইংৰাজী সাহিত্যৰ অধ্যাপিকা আছিল।

ফাৰাহ শ্বাবানা আজমী, তনভি আজমী আৰু বাবা আজমীৰ ভাগিনী আৰু অভিনেত্ৰী তবুৰ জ্যেষ্ঠ ভগ্নী।[6][7]

ব্যক্তিগত জীৱন[সম্পাদনা কৰক]

১৯৯৬ চনত ফাৰাহৰ বিবাহ অভিনেতা বিন্দু দাৰা সিঙৰ সৈতে হয় আৰু তেওঁলোকৰ এজন পুত্ৰ ফতেহ ৰান্ধৱাৰ জন্ম হয় ১৯৯৭ চনত। ২০০২ চনত এই দম্পতীৰ বিবাহ বিচ্ছেদ হয়।[8] পিছলৈ ২০০৩ চনত তেওঁ তেওঁৰ সহযোগী বলীউড আৰু টেলিভিছন অভিনেতা সুমিত ছাইগলৰ সৈতে পুনৰ বিবাহপাশত আৱদ্ধ হয়।[9][10]

কেৰিয়াৰ[সম্পাদনা কৰক]

১৯৮৫ চনত মহেন্দ্ৰ কাপুৰৰ পুত্ৰ ৰোহন কাপুৰৰ বিপৰীতে যশ চোপ্ৰাৰ ছবি ফাছলেৰ জৰিয়তে ফাৰাহে অভিনয় জীৱনত প্ৰৱেশ কৰে৷[11] যদিও ফাছলে হিট নহ’ল, ফাৰাহে আন বহুতো ডাঙৰ অফাৰ পাইছিল; যেনে শক্তি সমন্তৰ পলয় খান, কে.চি. বোকাদিয়াৰ নচিব অপনা অপনা আৰু প্ৰাণ লাল মেহতাৰ লাভ ৮৬

মৰতে ডম টক, নচিব অপনা অপনা, লাভ ৮৬,[12] ইমানন্দাৰ, ঘৰ ঘৰ কি কাহানি, দিলজালা, ৰাখৱালা, ৱহ ফিৰ আয়েগী, বীৰু দাদা, বাপ নম্বৰী বেটা দছ নম্বৰী আৰু বেগুনাহ আদি হিট ছবি আছিল৷

জে পি দত্তৰ য়তীমে তেওঁৰ সমালোচকৰ প্ৰশংসা লাভ কৰিছিল আৰু হামাৰা খান্দান, কাৰনামা, নাকাব, খটৰনাক আৰু পতি পাটনি ঔৰ তাৱাইফৰ দৰে ছবি তেওঁৰ অন্যতম অভিনয়মুখী চৰিত্ৰ, যদিও সেইবোৰ ব্যৱসায়িকভাৱে ব্যৰ্থ হৈছিল। হিট ছবি – ৱহ ফিৰ আয়েগী আৰু বেগুনাহত তেওঁৰ অভিনয় সমালোচকৰ প্ৰশংসা লাভ কৰে।

নব্বৈৰ দশকত আমিৰ খানৰ সৈতে দুখন ছবিত কাম কৰিছিল; জৱানী জিন্দাবাদ আৰু ইছি কা নাম জিন্দেগী; কিন্তু দুয়োখনেই বক্স অফিচত ফ্লপ হয়। খুডা গৱাহৰ বাবে তেওঁ চুক্তিবদ্ধ হৈছিল আৰু কেইটামান দৃশ্যৰ বাবে শ্বুটিং কৰিছিল যদিও প্ৰডাকচনত পলম হোৱাৰ বাবে পিছলৈ তেওঁৰ ঠাইত শিল্পা শিৰোডকাৰক নিযুক্তি দিয়া হৈছিল। অৱশ্যে আজিলৈকে ৰাজেশ খান্নাৰ সৈতে ৱহ ফিৰ আয়েগী আৰু বেগুনাহত অভিনয় কৰা অভিনয়ক তেওঁৰ শ্ৰেষ্ঠ অভিনয় বুলি গণ্য কৰা হয়। সেই সময়তে তাই দাৰা সিঙৰ পুত্ৰ বিন্দু দাৰা সিঙৰ লগত বিবাহপাশত আবদ্ধ হয়।

ইয়াৰ পিছত ফাৰাহে মুকাবলা, ধৰতীপুত্ৰ আৰু ইজ্জত কি ৰোটি আদি ছবিত সহযোগী চৰিত্ৰত অভিনয় কৰিবলৈ আৰম্ভ কৰে। মুকাবলা অতি সফল হৈছিল যদিও পিছলৈ ১৯৯৩ চনৰ পৰা ১৯৯৬ চনৰ ভিতৰত তেওঁৰ আন আন ছবিসমূহ সফল নহ’ল৷ সৌতেলা ভাই ছবি ব্যৱসায়িকভাৱে হিট আৰু সমালোচকৰ প্ৰশংসা লাভ কৰে।

পিছলৈ তেওঁ টেলিভিছন জগতলৈ আহি হৈ অমৰ প্ৰেম, আন্দজ, আহা (তিনিয়ো হিমেশ ৰেশমীয়াৰ প্ৰযোজক), বৈলাতী বাবু , অংগন , অৰ্ধংগিনী , ঔৰত তেৰী য়েহী কাহানী আৰু পাপা আদি ধাৰাবাহিকত কাম কৰে। ফাৰাহে টকদীৰ নামৰ মেগা ধাৰাবাহিক এখনৰ পৰিকল্পনাও কৰি আছিল৷ ইয়াৰ পিছত ২০০৪ চনত তেওঁ হালচালত অভিনয় কৰে।

তথ্য সূত্ৰ[সম্পাদনা কৰক]

  1. "B'wood's disappearing divas". The Times of India. http://photogallery.indiatimes.com/celebs/celeb-themes/bwoods-disappearing-divas/Farah-Naaz/articleshow/4369301.cms। আহৰণ কৰা হৈছে: 7 May 2016. 
  2. "16 Bollywood Actresses Who Mysteriously Vanished". Eros Now. Archived from the original on 10 November 2019. https://web.archive.org/web/20191110055645/http://blog.erosnow.com/2015/facts/16-bollywood-actresses-who-mysteriously-vanished/। আহৰণ কৰা হৈছে: 7 May 2016. 
  3. Nihalani, Govind; Chatterjee, Saibal (2003). Encyclopaedia of Hindi cinema. Encyclopædia Britannica (India), Popular Prakashan. পৃষ্ঠা. 634. ISBN 81-7991-066-0. https://books.google.com/books?id=8y8vN9A14nkC&pg=PT658. 
  4. Jahagirdar-Saxena, Shraddha (25 July 2007). "Nothing serious about Tabu". Verve. http://www.vervemagazine.in/people/nothing-serious-about-tabu. 
  5. Swarup, Harihar (29 April 2007). "Tabu, an actor who does not need make-up". The Tribune. http://www.tribuneindia.com/2007/20070429/edit.htm. 
  6. "When Tabu was a gawky teen". Rediff. http://www.rediff.com/movies/2007/aug/21reader.htm। আহৰণ কৰা হৈছে: 7 May 2016. 
  7. "Tabu: Lesser known facts". The Times of India. http://timesofindia.indiatimes.com/entertainment/hindi/bollywood/Tabu-Lesser-known-facts/photostory/45021207.cms। আহৰণ কৰা হৈছে: 7 May 2016. 
  8. "'I hope I'm as lucky as Shilpa'". NDTV Movies. 27 December 2009. Archived from the original on 16 July 2012. https://archive.today/20120716094015/http://movies.ndtv.com/movie_story.aspx?ID=ENTEN20090122993&keyword=television&subcatg=MOVIESINDIA। আহৰণ কৰা হৈছে: 13 June 2011. 
  9. "Tabu holds 'Haider' screening for close friends". Deccan Chronicle. 2 October 2014. http://www.deccanchronicle.com/141002/entertainment-bollywood/gallery/tabu-holds-haider-screening-close-friends?gImgId=191927। আহৰণ কৰা হৈছে: 7 May 2016. 
  10. "Farah Naaz Marriage: The Dainty Beauty's Tumultuous Love Life". 22 October 2016. http://www.thebridalbox.com/articles/farha-naaz-marriage_0036673/. 
  11. "Ruhan Kapoor enthralls India's judicial elite with a live performance in Delhi". The Times of India. 8 January 2016. http://timesofindia.indiatimes.com/city/delhi/Ruhan-Kapoor-enthralls-Indias-judicial-elite-with-a-live-performance-in-Delhi/articleshow/50484375.cms?from=mdr। আহৰণ কৰা হৈছে: 7 May 2016. 
  12. Deedwania, Bapu (11 February 2011). "Actress Farah Naaz sues TV channel". Mumbai Mirror. http://timesofindia.indiatimes.com/tv/news/hindi/Actress-Farah-Naaz-sues-TV-channel/articleshow/7473746.cms। আহৰণ কৰা হৈছে: 7 May 2016.