বীৰেন সিংহ

বীৰেন সিংহ
জন্ম	১৯৫১ চনৰ ১৩ এপ্ৰিল কামৰূপ জিলা
পেচা	চিত্ৰশিল্পী, ভাস্কৰ
ভাষা	অসমীয়া

বীৰেন সিংহ অসমৰ এগৰাকী প্ৰসিদ্ধ চিত্ৰশিল্পী, ভাস্কৰ্য্যশিল্পী তথা চিত্ৰ পৰিচালক৷

প্ৰাৰম্ভিক জীৱন

বীৰেন সিংহৰ জন্ম হয় ১৯৫১ চনৰ ১৩ এপ্ৰিলত অবিভক্ত কামৰূপ জিলাৰ ছয়গাঁৱত৷ তেওঁৰ পিতৃয়ে শিলভঙা শ্ৰমিকৰূপে কাম কৰিছিল৷ আৰ্থিক অনাটনৰ বাবে পাঁচ বছৰ বয়সতে বীৰেন সিংহই উপাৰ্জনমুখী হ'ব লগাত পৰিছিল৷ ১৫ বছৰ বয়সত তেওঁ জীৱিকাৰ সন্ধানত গুৱাহাটীলৈ আহে৷ গুৱাহাটীত ৰিক্সা চলোৱা, চাইনবৰ্ড লিখাৰ পৰা আৰম্ভ কৰি বিভিন্ন কাম কৰি তেওঁ জীৱন নিৰ্বাহ কৰিব লগাত পৰে৷

১৯৭৮ চনত তেওঁ কাৰ্বি আংলং জিলালৈ যায়৷ ইয়াতে তেওঁৰ চিত্ৰশিল্পীৰূপে আত্মপ্ৰকাশ ঘটে৷

অৱদান

একক চিত্ৰ প্ৰদৰ্শনী

• ডিফু ক্লাব (১৯৮০)
• ডিফু চৰকাৰী মহাবিদ্যালয় (১৯৮৬)
• গুৱাহাটীৰ ৰাজ্যিক কলাবীথিকা (১৯৮০,১৯৮২,১৯৮৮)
• লিটল থিয়েটাৰ গেলাৰী, নতুন দিল্লী (১৯৮১)
• ত্ৰিবেণী আৰ্ট গেলাৰী, নতুন দিল্লী (১৯৮৮)
• একাডেমী অব ফাইন আৰ্টছ, কলকাতা (১৯৮২)

সমূহীয়া চিত্ৰ প্ৰদৰ্শনী

• গুৱাহাটী আৰ্টিষ্ট গীল্ডৰ বাৰ্ষিক প্ৰদৰ্শনী
• কলকাতাৰ একাডেমী অৱ ফাইন আৰ্টছৰ বাৰ্ষিক প্ৰদৰ্শনীৰ সোণালী জয়ন্তী
• কলকাতা আৰু গুৱাহাটীৰ পূব মাণ্ডলিক সাংস্কৃতিক কেন্দ্ৰৰ দ্বাৰা আয়োজিত আছাম-বেংগল আৰ্ট এক্সপ'জিছন
• তেজপুৰত অনুষ্ঠিত উত্তৰ-পূব চিত্ৰ প্ৰদৰ্শনী
• নতুন দিল্লী আৰু কলকাতাত ভাৰতীয় বাণিজ্যিক মহাসংঘই আয়োজন কৰা ৰাষ্ট্ৰীয় পৰ্য্যায়ৰ চিত্ৰ আৰু ভাস্কৰ্য প্ৰদৰ্শনী

কলা নিৰ্দেশনা

• কাৰ্বি চলচ্চিত্ৰ 'জিৰছং'
• ডিমাছা চলচ্চিত্ৰ 'দা আনট'ল্ড ষ্টৰী অৱ ব্লু হিলছ'
• অসমীয়া চলচ্চিত্ৰ 'পানী'
• ভালেসংখ্যক অসমীয়া ভ্ৰাম্যমাণ থিয়েটাৰ

বঁটা আৰু সন্মান

• জাতীয় শিল্পী বঁটা (১৯৯৭)
• অসম সাহিত্য সভাৰ জয়ছিং হান্সে বঁটা (২০০০)
• প্ৰণৱ বৰুৱা শিল্পী বঁটা (২০০৯)
• অসম চৰকাৰৰ বিষ্ণুপ্ৰসাদ ৰাভা বঁটা (২০১০)
• অসম সাংস্কৃতিক মহাসভাৰ 'চিত্ৰভানু উপাধি' সন্মান (২০১১)
• কাৰ্বি আংলং স্বায়ত্ত্বশাসিত পৰিষদৰ চেমছন ছিং ইংতি বঁটা (২০১২)