সমললৈ যাওক

ব্ৰেকিং ড'ন (উপন্যাস)

অসমীয়া ৱিকিপিডিয়াৰ পৰা
ব্ৰেকিং ড'ন  
ষ্টিফেনি মেয়াৰৰ ব্ৰেকিং ড'ন
লেখক ষ্টিফেনি মেয়াৰ
প্ৰচ্ছদ শিল্পী গেইল ডুবিনিন (শৈলী)
ৰজাৰ হেগাডন (চিত্ৰ)
দেশ আমেৰিকা যুক্তৰাষ্ট্ৰ
ভাষা ইংৰাজী
শৃংখলা টোৱাইলাইট শৃংখলা
প্ৰকাৰ অপ্ৰাকৃতিক প্ৰেমকাহিনী, চেমনীয়া কল্পকাহিনী
প্ৰকাশক লিটল, ব্ৰাউন এণ্ড কোম্পানী
প্ৰকাশ ২০০৮ চনৰ ২ আগষ্ট (আমেৰিকা যুক্তৰাষ্ট্ৰ)
২০০৮ চনৰ ৪ আগষ্ট (যুক্তৰাজ্য, অষ্ট্ৰেলিয়া)
মিডিয়া প্ৰকাৰ মুদ্ৰণ (পকাবন্ধা, কেচাঁবন্ধা)
পৃষ্ঠা সংখ্যা ৭৫৬ (পকাবন্ধা)
আই.এচ.বি.এন. ISBN 0-316-06792-X
পূৰ্বৱৰ্তী ইক্লিপ্স

ব্ৰেকিং ড'ন (ইংৰাজী: Breaking Dawn) আমেৰিকান ঔপন্যাসিকা ষ্টিফেনি মেয়াৰৰ টোৱাইলাইট শৃংখলাৰ চতুৰ্থ আৰু অন্তিমখনি উপন্যাস। তিনিটা খণ্ডত বিভক্ত এই উপন্যাসখনৰ প্ৰথম আৰু তৃতীয় খণ্ডটি বেলা স্বানৰ দৃষ্টিকোণৰ পৰা আৰু দ্বিতীয় খণ্ডটি জেকব ব্লেকৰ দৃষ্টিকোণৰ পৰা ৰচনা কৰা হৈছে। তৃতীয় উপন্যাস ইক্লিপ্সৰ ঠিক পিছৰেপৰাই ইয়াৰ কাহিনীভাগ আৰম্ভ হৈছে য'ত বেলা আৰু এডৱাৰ্ড কালেন বিবাহপাশত আৱদ্ধ হয় ফলত জেকব ব্লেক মৰ্মাহত হৈ পৰে। যেতিয়া বেলাই এক অপ্ৰত্যাশিত পৰিস্থিতিৰ সন্মুখীন হয়,তাইৰ পৰিৱৰ্তনৰ বাবে কৰণীয়খিনি কৰে আৰু তাইৰ প্ৰেমৰ হকে অন্তিম যুদ্ধখন যুঁজিবলৈ সাজু হয়।

মেয়াৰে ২০০৩ চনতেই কিতাপখনৰ খচৰা লিখি উলিয়াই যদিও ইয়াক বিকশিত আৰু পৰিৱৰ্তিত কৰে কাৰণ ইয়াৰ মাজতে তেওঁ নিউ মুন আৰু ইক্লিপ্স লিখে, অৱশ্যে মুখ্য আৰু বিশেষ গুৰুত্বপূৰ্ণ অংশখিনিৰ কোনো পৰিৱৰ্তন নহয়। লিটল,ব্ৰাউন এণ্ড কোম্পানীয়ে কিতাপখনৰ কথাবোৰ বাহিৰ হৈ নাযাবলৈ বিভিন্ন ব্যৱস্থা হাতত লয়।

২০০৮ চনৰ ২ আগষ্টত আমেৰিকাৰ প্ৰায় ৪,০০০ কিতাপৰ দোকানত মধ্যৰাত্ৰিৰ প্ৰকাশ অনুষ্ঠানত ব্ৰেকিং ড'নে মুক্তি লাভ কৰে।[1] প্ৰথম ২৪ ঘন্টাতেই ব্ৰেকিং ড'নৰ প্ৰথম প্ৰকাশৰ ৩.৭ মিলিয়নৰ ১.৩ মিলিয়ন কিতাপ কেৱল আমেৰিকা আৰু ২০,০০০ কিতাপ য়ুকেত বিক্ৰী হয়। ইয়াৰ দ্বাৰা ই হেচ্চেটে বুক গ্ৰুপ য়ুএচএ ৰ বাবে প্ৰথম দিনৰ বিক্ৰীৰ এক অভিলেখ গঢ়ে।[2] এই কিতাপখন যথেষ্ট সফল হয়। ২০০৮ত ইয়াৰ ৬ মিলিয়ন কিতাপ বিক্ৰী হয় আৰু টোৱাইলাইট, নিউ মুনৰ পিছত ২০০৮ৰ তৃতীয় সৰ্বাধিক বিক্ৰী হোৱা কিতাপ হিচাপে পৰিগণিত হয়। ব্ৰেকিং ড'নে সমালোচকৰ পৰা মিশ্ৰিত সঁহাৰি লাভ কৰে আৰু অধিক বয়স্ক বিষয় তথা ধাৰণা সম্পন্ন হোৱা হেতুকে শৃংখলাটিৰ আটাইতকৈ বিতৰ্কিত কিতাপ হৈ পৰে। অৱশ্যে কিতাপখনে "চিলড্ৰেনছ বুক অফ দ্য ইয়েৰ"ৰ "ব্ৰিটিছ বুক এৱাৰ্ড" লাভ কৰে। ই প্ৰায় ৩৮টা ভাষালৈ অনুদিত হয় আৰু ইয়াৰ স্বত্ব প্ৰায় ৫০খন দেশত বিক্ৰী হয়। এই কিতাপখনৰ পৰা দুটা খণ্ডৰ এখন চলচ্চিত্ৰ নিৰ্মিত হয় যাৰ প্ৰথম খণ্ডটিয়ে ১৮ নৱেম্বৰ, ২০১১ত আৰু দ্বিতীয় খণ্ডটিয়ে ১৬ নৱেম্বৰ, ২০১২ত মুক্তি লাভ কৰে।

কাহিনীৰ সাৰাংশ

[সম্পাদনা কৰক]

ব্ৰেকিং ড'ন তিনিটা ভাগত বিভক্ত। ইয়াৰ প্ৰথম ভাগত বেলা আৰু এডৱাৰ্ডৰ বিয়া তথা ব্ৰাজিলৰ উপকূলীয় অঞ্চলত অৱস্থিত,কাৰ্লাইলে এস্মেৰ কাৰণে কিনা এক ব্যক্তিগত দ্বীপ 'আইলেণ্ড এস্মে'ত তেওঁলোকে কটোৱা মধুচন্দ্ৰিকাৰ বৰ্ণনা আছে। মধুচন্দ্ৰিকাৰ দ্বিতীয় সপ্তাহতেই বেলাই আৱিষ্কাৰ কৰে যে আধা-মানুহ আধা-ভেম্পায়াৰ সন্তান এটিৰে তাই গৰ্ভৱতী আৰু এই ভ্ৰূণটি এক অপ্ৰাকৃতিক গতিত বাঢ়িবলৈ ধৰিছে। কাৰ্লাইলৰ সৈতে সম্পৰ্ক কৰাত তেওঁ বেলাৰ গৰ্ভাৱস্থা নিশ্চিত কৰে আৰু দুয়ো লগে লগে ফোৰ্কছ,ৱাছিংটনলৈ ঘূৰি আহে। ভ্ৰূণটি অসাধাৰণ গতিত বাঢ়িবলৈ ধৰা দেখি এডৱাৰ্ড বেলাৰ স্বাস্থ্য সম্পৰ্কে সজাগ হয় আৰু ভ্ৰূণটিয়ে বেলাক ধ্বংস কৰি পেলাব বুলি ভাবি বেলাক গৰ্ভপাত কৰাবলৈ জোৰ কৰে। কিন্তু গৰ্ভস্থ সন্তানটিৰ লগত এক সম্পৰ্ক অনুভৱ কৰি বেলাই গৰ্ভপাত কৰাবলৈ অমান্তি হয়।

কিতাপখনৰ দ্বিতীয় খণ্ডটি আকাৰ পৰিৱৰ্তক জেকব ব্লেকৰ দৃষ্টিকোণৰ পৰা ৰচিত আৰু ই বেলাৰ গৰ্ভাৱস্থা তথা সন্তানজন্মক সামৰি লয়। ইপিনে জেকবৰ কুইলেট কুকুৰনেছীয়া বাঘৰ দলটিয়ে নিৰাপত্তাৰ খাতিৰত বেলা আৰু সন্তানটিক হত্যা কৰিবলৈ থিৰ কৰে। জেকব এই সিদ্ধান্তত মান্তি নহয় আৰু ছেথ তথা লী ক্লিয়েৰৱাটাৰেৰে সৈতে নিজাকৈ এক দল গঠন কৰে। এটা সময়ত বেলাই সন্তান জন্ম দিয়ে। ই বেলাৰ ৰাজহাড়কে ধৰি বেছিভাগ হাড়েই ভাগি পেলাই লগতে বেলাই এক বুজন পৰিমাণৰ তেজ হেৰুৱাই। বেলাক জীয়াই ৰাখিবলৈ এডৱাৰ্ডে বেলাৰ কলিজাত নিজৰ বিষ বিয়পাই দিয়ে। বেলাক মৃত বুলি ভাবি জেকবে নৱজাতিকা ৰেণেস্মেক হত্যা কৰিবলৈ আহে কিন্তু ৰেণেস্মেত সি নিজৰ সাঁচ অংকিত হোৱা (Imprint) দেখা পায়-যি হ'ল এটা প্ৰক্ৰিয়া যাৰ দ্বাৰা স্বয়ংক্ৰিয় ভাৱে কুকুৰনেছীয়া মানুহবোৰে সিহঁতৰ জীৱনসংগী বিচাৰি পায়।

বেলাৰ দৃষ্টিকোণৰ পৰা ৰচিত তৃতীয় খণ্ডটিত এক ভেম্পায়াৰলৈ বেলাৰ যন্ত্ৰণাময় ৰূপান্তৰ তথা নতুন জীৱনত বেলাই নিজৰ নতুন শক্তিসমূহক লৈ কৰা অনুভৱৰ বৰ্ণনা আছে। ইপিনে ইৰিণা নামৰ ভেম্পায়াৰ এজনীয়ে ৰেণেস্মেক ভুলক্ৰমে "অমৰ শিশু" অৰ্থাৎ জন্মৰ পিছত ভেম্পায়াৰ হোৱা শিশু বুলি ভাবে। অমৰ শিশুবোৰ অনিয়ন্ত্ৰণশীল হোৱা বাবে "অমৰ শিশু"ৰ নিৰ্মাণ ভল্ট্চুৰিৰ মতে অপৰাধ। ইৰিণাই ৰেণেস্মেৰ কথা ভল্ট্চুৰিক কোৱাত ভল্ট্চুৰিয়ে ৰেণেস্মেৰ লগতে কালেন পৰিয়ালক ধ্বংস কৰিবলৈ সিদ্ধান্ত কৰে। ৰেণেস্মে যে "অমৰ শিশু" নহয় সেয়া ভল্ট্চুৰিক বিশ্বাস জন্মাবলৈ কালেন পৰিয়ালে গোটেই পৃথিৱীৰ পৰা বিভিন্ন ভেম্পায়াৰ দলক নিমন্ত্ৰণ কৰে। সকলো সাক্ষ্য গ্ৰহণৰ পিছত ভল্ট্চুৰিয়ে তেওঁলোকক যে ভুল তথ্য দিয়া হৈছিল সেয়া বুজি পায় আৰু ইৰিণাক মৃত্যুদণ্ড দিয়া হয়। অৱশ্যে ভল্ট্চুৰিয়ে ৰেণেস্মেক হত্যা কৰা উচিত নে অনুচিত তাক লৈ সন্দিহান হয়। সেই সময়তে এলিছ আৰু জেস্পাৰে নেহুৱেল নামৰ ১৫০ বছৰীয়া ৰেণেস্মেৰ দৰে মানুহ আৰু ভেম্পায়াৰৰ বৰ্ণসংকৰ এজনক লগত লৈ তাত উপস্থিত হয়। নেহুৱেলে কয় যে বৰ্ণসংকৰবোৰে কোনো বিপদ কঢ়িয়াই নানে আৰু তেতিয়া ভল্ট্চুৰি সেই ঠাই এৰি গুচি যায়। এডৱাৰ্ড,বেলা আৰু ৰেণেস্মেয়ে সম্প্ৰীতিৰে ঘৰমুৱা হয়।

পটভূমি

[সম্পাদনা কৰক]

বিকাশ

[সম্পাদনা কৰক]

প্ৰথমতে মেয়াৰে ফৰেভাৰ ড'ন নামৰ এখন কিতাপ লিখিছিল যি আছিল টোৱাইলাইটৰ ছিকুৱেল।[3] মূল কাহিনীটো একে ৰাখি ফৰেভাৰ ড'ন সম্পূৰ্ণৰূপে বেলাৰ দৃষ্টিকোণৰ পৰা ৰচিত হৈছিল য'ত জেকব আৰু কুকুৰনেছীয়া মানুহৰ কথাবোৰ সামান্যতম হে উল্লেখিত হৈছিল,য'ত ভিক্টোৰিয়া আৰু লৰেণ্ট জীৱিত আছিল আৰু ইয়াৰ এক উপসংহাৰো আছিল।[4] কিতাপখনৰ যিটো অংশ লিখিবলৈ মেয়াৰক আটাইতকৈ বেছি সময় লাগিছিল সেইখিনি আছিল এক ভেম্পায়াৰলৈ বেলাৰ ৰূপান্তৰৰ পিছৰ তিনিমাহৰ বৰ্ণনা,কাৰণ "সেই অংশৰ প্ৰতিটো শব্দ লিখিবলৈ যিমান সময় খৰচ কৰা হৈছিল সেয়া সম্ভৱতঃ বাকী অংশত খৰচ কৰা সময়ৰ প্ৰায় দহগুণ আছিল"।[5] ২০০৩ চনত ভেম্পায়াৰৰ বিষয়ে গৱেষণা কৰি থাকোতে তেওঁৰ ইনকিউবাচ নামৰ এক সন্তান জন্ম দিব পৰা পিশাচৰ লগত পৰিচিতি ঘটে আৰু তেতিয়াই তেওঁৰ মনলৈ বেলা গৰ্ভৱতী হোৱাৰ চিন্তা আহে।[4] নিজৰ সন্তানটিক হত্যা নকৰিবলৈ বেলাৰ সিদ্ধান্ত মেয়াৰৰ পৰাই অনুপ্ৰাণিত আছিল কাৰণ মেয়াৰক যদি কোনোবাই তেওঁ নিজে জীয়াই থাকিবলৈ তেওঁৰ সন্তানটিক হত্যা কৰিবলৈ ক'লেহেতেন,তেওঁ ফলাফলৰ কথা চিন্তা নকৰি কেৱল তাক জন্ম দিলেহেতেন।[6] মেয়াৰে বেলাৰ ভেম্পায়াৰ হোৱাৰ পিছৰ অনুভৱ বোৰৰ বিষয়ে আৰু অধিক লিখিব খুজিছিল। সেয়া লিখি তেওঁ "খুব আনন্দ পাইছিল" আৰু কিতাপখন বেলাৰ দৃষ্টিকোণৰ পৰা শেষ কৰিব বিচাৰিছিল কিন্তু ইয়াক "কিছু কঠিন" বুলিও ভাবিছিল কাৰণ তেওঁ কাহিনীটো আৰু সলনি কৰিব নোৱাৰে।[7]

ৰেণেস্মেৰ ব্যতিক্ৰম নামটোৰ কথা সোধাত মেয়াৰে কয় যে "তাইৰ নাম জেনিফাৰ বা এছলী ৰাখিব নোৱাৰি। পৃথিৱীৰ আটাইতকৈ বেছি ব্যতিক্ৰমী শিশুটোক তুমি কি নাম দিবা? বহুতো শিশু নামৰ ৱেবচাইট বিচাৰি মই চলাথ কৰিছিলো। কিন্তু শেষত ভাবিলো যে কোনো মানুহৰ নামেই ইয়াত খাপ নাখাব আৰু প্ৰয়োজনীয়তাৰ ওচৰত আত্মসমৰ্পণ কৰি নিজেই নামটি সৃষ্টি কৰিলো। "[4] শৃংখলাটি শেষ হোৱাৰ প্ৰসংগত মেয়াৰে কয়

টোৱাইলাইট শৃংখলাটি প্ৰকৃতাৰ্থত বেলাৰ কাহিনী আৰু তাইৰ কাহিনী শেষ হোৱাৰ ইয়েই স্বাভাৱিক ঠাই। পথৰ সকলো বাধা আঁতৰাই অৱশেষত তাই চিৰবাঞ্চিত ঠাইত উপস্থিত হয়। মই এই কাহিনীটো আৰু দীঘল কৰি নিব পাৰিলোহেতেন কিন্তু আৰু লিখি থকাটো মোৰ বাবে আনন্দদায়ক নহ'লহেতেন। কাহিনীবোৰত সংঘাত থকাটো প্ৰয়োজনীয় আৰু বেলা কেন্দ্ৰিত সকলো সংঘাতৰ মীমাংসা হৈ গ'ল।[4]

প্ৰভাৱ

[সম্পাদনা কৰক]

শ্বেইকছপীয়েৰৰ মাৰ্চেন্ট অৱ ভেনিচ আৰু এ মিডছামাৰ নাইটছ ড্ৰীমে ব্ৰেকিং ড'নক প্ৰভাৱান্বিত কৰিছে।[8] মেয়াৰে সিদ্ধান্ত কৰে যে এলিছে তেওঁৰ নিৰ্দেশসমূহ মাৰ্চেন্ট অৱ ভেনিচৰ পৃষ্ঠা এটাত লিখিব আৰু ইয়াৰ দ্বাৰা এয়া ঈংগিত দিয়া হয় যে নাটক খনৰ দৰেই কিতাপখনৰো শেষত এক মানসিক যুঁজ হে হ'ব,শাৰীৰিক নহয়, তদুপৰি মাৰ্চেন্ট অৱ ভেনিচৰ দৰেই ইয়াতো সকলোৰে এক সুখময় পৰিসমাপ্তি ঘটিব। প্ৰথমতে এলিছে চাৰ্লট ব্ৰন্টেৰ জেন আয়াৰ উপন্যাসৰ এটা পৃষ্ঠা ছিঙা কথা আছিল যদিও কাহিনীৰ লগত জেন আয়াৰৰ কোনো সম্পৰ্ক নথকা বাবে মেয়াৰে ইয়াক সলনি কৰে।[9]

ফৰেভাৰ ড'নতো উল্লেখ থকা সাঁচ অংকিত হোৱা (Imprint) ধাৰণা টো এ মিডছামাৰ নাইটছ ড্ৰীমৰ পৰা লোৱা। মেয়াৰৰ মতে এয়া "সকলো সমস্যা ঠিক কৰি পেলোৱা এক যাদু-যি বাস্তৱ জীৱনত সংঘটিত নহয়,যি এক অলীক কল্পনা" আৰু তেওঁ ইয়াক ইক্লিপ্সতেই প্ৰকাশ কৰিব বিচাৰে যাতে পিছত আৰু বৰ্ণনা কৰিবলগীয়া নহয়।[10]

বেটুপাত

[সম্পাদনা কৰক]

মেয়াৰে কয় যে ইয়াৰ "বেটুপাতটি খুবেই অৰ্থপূৰ্ণ" আৰু ইয়াক দেখি তেওঁ "খুবেই আনন্দিত" হৈছিল।[11] বেটুপাতটো প্ৰকৃতাৰ্থত গোটেই শৃংখলাটিত বেলাৰ উত্তৰণৰ এক প্ৰতীক,দবাখেলৰ সকলোতকৈ দূৰ্বল খেলুৱৈ এটা সৈনিক ৰূপে যাত্ৰাৰম্ভ কৰি বেলাই শেষত আটাইতকৈ শক্তিশালী খেলুৱৈ,ৰাণী হৈ পৰে।[4] বেটুপাতৰ ডবাখেলৰ পৃষ্ঠখনেও এয়া সূচায় যে "ভল্ট্চুৰিৰে সৈতে শেষৰ যুজঁখন বুদ্ধি আৰু যুক্তিৰেহে যুঁজিব পৰা যাব,শাৰীৰিক শক্তিৰে নহয়। "[12]

শীৰ্ষক

[সম্পাদনা কৰক]

"ব্ৰেকিং ড'ন" অৰ্থাৎ দোকমোকালিয়ে এক নৱজন্মা ভেম্পায়াৰ ৰূপে বেলাৰ নতুন জীৱনৰ আৰম্ভণিৰ কথা বুজাইছে।[4] প্ৰথমতে মেয়াৰে ইয়াৰ নাম ফৰেভাৰ ড'ন ৰাখিব খুজিছিল যদিও নামটো খুব "সস্তীয়া" যেন লগাত তাক বাদ দিয়ে। কিতাপখনৰ কাহিনী অনুসৰি ইয়াৰ নামটোত এক "বিপদৰ উমান" দিবলৈ তেওঁ "ব্ৰেকিং ড'ন" নামটো পছন্দ কৰে। কিতাপখনৰ এইটো নাম ৰখাৰ অন্য এক কাৰণ হ'ল ই কিতাপখনৰ কাহিনীভাগৰ লগত মিল খায়,যিটো কেন্দ্ৰিত হয় "এক নৱজাগৰণ তথা নতুন দিনৰ দিশে আৰু য'ত বহুতো সমস্যা লুকাই আছে"।[11]

মুক্তি

[সম্পাদনা কৰক]

ব্যৱসায়

[সম্পাদনা কৰক]

৩০ মে',২০০৮ত এণ্টাৰটেইনমেণ্ট ৱিকলী আলোচনীয়ে ব্ৰেকিং ড'নৰ এক ঊদ্ধৃতি প্ৰকাশ কৰে।[13] ২ আগষ্ট,২০০৮ত ইয়াৰ প্ৰকাশৰ প্ৰায় তিনিসপ্তাহ আগৰে পৰা মেয়াৰে ব্ৰেকিং ড'নৰ পৰা "দিনটোৰ উক্তি" হিচাপে প্ৰতিদিনে একোটা উক্তি প্ৰকাশ কৰে। ইয়াৰে প্ৰথম উক্তিটো মেয়াৰৰ ৱেবচাইটত ১২ জুলাই তাৰিখে প্ৰকাশিত হয়।[14] ইক্লিপ্সৰ এক বিশেষ সংস্কৰণত ব্ৰেকিং ড'নৰ প্ৰথম অধ্যায় "এংগেজ্ড" প্ৰকাশ কৰা হয়।[15] ২ আগষ্ট,২০০৮ত প্ৰায় ৪,০০০ কিতাপৰ দোকানত মধ্যৰাত্ৰি প্ৰকাশ অনুষ্ঠান পাতি আনুষ্ঠানিক ভাৱে ব্ৰেকিং ড'নক মুক্তি দিয়া হয়[1] যাৰ অধিকাংশতেই সাজ-সজ্জা,তথ্য প্ৰতিযোগিতা,হস্তকলা,ফেচ পেইণ্টিং আদি অনুষ্ঠিত হৈছিল।[16] চকলেট নিৰ্মাণকাৰী সংস্থা গ'ডিভা ই টোৱাইলাইটক বিষয় হিচাপে লৈ এক চকলেট বাৰো নিৰ্মাণ কৰে যাক বাৰ্ণছ এণ্ড নোবেলছৰ কিতাপৰ দোকানত প্ৰকাশ অনুষ্ঠানৰ দিনা মুকলি কৰা হয়।[17]

প্ৰকাশ

[সম্পাদনা কৰক]

ব্ৰেকিং ড'ন মুকলি হোৱাৰ আগতেই টোৱাইলাইট শৃংখলাৰ অন্য তিনিখন কিতাপৰ আমেৰিকাত ৮.৫ মিলিয়ন[2] আৰু য়ুকেত ২ মিলিয়ন[18] কিতাপ বিক্ৰী হৈছিল। ব্ৰেকিং ড'ন ২০০৮ৰ এক অতি প্ৰত্যাশিত উপন্যাস আছিল যাৰ কথা দ্য গাৰ্ডিয়ানে এনেদৰে লিখিছিল "গোটেই পৃথিৱীৰ চেমনীয়াসকলে ষ্টিফেনি মেয়াৰৰ ভেম্পায়াৰ শৃংখলাৰ পৰৱৰ্তী উপন্যাসখনৰ বাবে অধীৰ আগ্ৰহেৰে বাট চাই আছে"।[1] এই উচ্চ চাহিদা পূৰাবলৈ লিটল,ব্ৰাউন এণ্ড কোম্পানীয়ে ৫০০,০০০খন কিতাপ বেচিকৈ প্ৰকাশ কৰি প্ৰথম প্ৰকাশতেই ৩.৭ মিলিয়ন কিতাপ মুকলি কৰি দিয়ে।[2] প্ৰথম ২৪ ঘন্টাতেই ইয়াৰ আমেৰিকাত ১.৩ মিলিয়ন[2] আৰু য়ুকে ত ২০,০০০ কিতাপ বিক্ৰী হয়[19]লগতে কানাডাত প্ৰথমটো সপ্তাহান্তত ১০০,০০০ কিতাপ বিক্ৰী হয়।[20] ব্ৰেকিং ড'নে ইউএচএ টুডেৰ 'শীৰ্ষ ১৫০ সৰ্বাধিক বিক্ৰী হোৱা কিতাপৰ তালিকা'ত প্ৰথম স্থানত অভিষিক্ত হয় আৰু সেই তালিকাত ই প্ৰায় ৫৮ সপ্তাহ কটায়।[21] ৬মিলিয়নতকৈও অধিক বিক্ৰীৰে ই ২০০৮ৰ সৰ্বাধিক বিক্ৰী হোৱা শিশু গ্ৰন্থ হিচাপে চিহ্নিত হয়।[22]

৪ আগষ্ট,২০০৯ত ব্ৰেকিং ড'নৰ এক বিশেষ সংস্কৰণ মুকলি হয় যাৰ লগত ব্ৰেকিং ড'ন কনচাৰ্ট শৃংখলা আৰু মেয়াৰৰ সৈতে এক সাক্ষাৎকাৰৰ ডিভিডি দিয়া হৈছিল।[23]

সঁহাৰি

[সম্পাদনা কৰক]

ব্ৰেকিং ড'নে মিশ্ৰিত সঁহাৰি লাভ কৰে। লেভ গ্ৰচমেনে লিখিছে "প্ৰথমতে,যিহেতু এমাজনত বহুতো একতাৰকাযুক্ত মতামত প্ৰকাশ পাইছে,মই সমুখ সমৰত কওঁ : মই ব্ৰেকিং ড'ন ভাল পাইছো"।[24] স্কুল লাইব্ৰেৰী জাৰ্ণালৰ কাৰা ভণ ৰেংগল কিনছেয়ে কিতাপখনক মুগ্ধকৰ বুলি কৈ ধনাত্মক মন্তব্য দিয়ে আৰু কয় "এই উপন্যাসখনি আগৰকেইখনতকৈ অধিক ৰহস্যঘন,মেয়াৰৰ কাহিনীৰ ছাকনৈয়া বোৰ চৰিত্ৰৰ বাহিৰ হৈ নাযায়"।[25] দ্য চাৰ্লট অৱজাৰ্ভাৰে ইয়াক "খুব ভালকৈ গুঠা হৈছে" বুলি কয় যদিও ইয়াৰ দৈৰ্ঘ্যক সমালোচনা কৰি কয় "মই ভাবো (ষ্টিফেনি মেয়াৰে) ইমানবোৰ কথা এখন কিতাপত লিখাটো উচিত নাছিল। ই দুখন কিতাপ হ'ব লাগিছিল। "[26] চিকাগো ট্ৰিবিউনৰ মেৰী হেৰিছ ৰাছেলে ইয়াক আনন্দদায়ক অধ্যয়ন আখ্যা দি কয় যে ষ্টিফেনি মেয়াৰে "পৰিয়াল,চেমনীয়াসকল আৰু জনপ্ৰিয় সংস্কৃতিৰ বিষয়ে তেওঁৰ ৰসাল লিখনিৰ ধাৰাবাহিকতা বজাই ৰাখিছে",[27] য'তনেকি টাইমে ইয়াক "বেলা আৰু এডৱাৰ্ডৰ মালিতাৰ এক বন্য কিন্তু সন্তোষদায়ক সামৰণি" বুলি অভিহিত কৰি ইয়াক A- ৰ মৰ্যাদা দিয়ে।[28]

পাব্লিছাৰ্চ ৱিকলীৰ মতে ব্ৰেকিং ড'নৰ প্ৰধান সমস্যাটো হ'ল "আৱশ্যকীয় ভাৱে,ইয়াত সকলোৱে যি বিচাৰে তাকেই পায়,কিন্তু তেওঁলোকৰ ইচ্ছাই দৰাচলতে এক সবল চৰিত্ৰায়ণ অথবা পৃষ্ঠকাহিনীৰ এক পৰিচয় দাবী কৰে। কোনোৱে একো ত্যাগ কৰিবলগীয়া নহয় আৰু কোনোৱে দীঘলীয়া সময়ৰ কাৰণে একো সহিব লগীয়াও নহয়,এক কথাত ক'বলৈ গ'লে ইয়াৰ কোনো মহত্ত্ব নাই"।[29] দ্য এছোছিয়েটেড প্ৰেছ ত প্ৰকাশিত এক প্ৰবন্ধত সাংবাদিক ছাৰা ৰোজে কয় যে এই শৃংখলাৰ অনুৰাগীসকলে "ব্যস্ত চৰিত্ৰবোৰ,উৎকৃষ্ট হাস্যৰস,মনোযোগ আড়ষ্ট কৰা এক ধুনীয়া চিন্তাগ্ৰস্ততা,অনুভূতিৰ খুটিনাটিত প্ৰয়োগ কৰা মনোযোগ" ভাল পাব যদিও "সাধাৰণ পাঠকসকলে অধিক নিৰ্মাণ আৰু কম কাৰ্য্য দেখি হতাশ হ'ব পাৰে"।[30] এন্টাৰটেইনমেন্ট ৱিকলীয়ে ইয়াক 'D'ৰ মৰ্যাদা দিয়ে আৰু জন্মৰ দৃশ্যটো সমালোচনা কৰি কয় যে বেলাৰ মাত্ৰ "এডৱাৰ্ডৰ বাবে এক স্থিৰ অনুৰাগ" আছে, তাৰ বাহিৰে অন্য উদ্দেশ্য নাই।[31] দ্য ৱাছিংটন পোষ্টেও ইয়াক ঋণাত্মক ভাৱে সমালোচনা কৰি "মেয়াৰে তেওঁৰ নিজৰে প্ৰিয় সৃষ্টিৰ কলিজাৰে এডাল শেল মাৰি পঠিয়াইছে","ব্ৰেকিং ড'নত এটা শিশুৰ জন্মৰ দৃশ্য আছে যিয়ে সংবেদনশীল লিখনিক জীৱনজুৰি বৰ্জন কৰিবলৈ ইচ্ছা জগাব পাৰে" আদি মন্তব্য দিয়ে।[32]

এন্টাৰটেইনমেন্ট ৱিকলীৰ সৈতে হোৱা এক সাক্ষাৎকাৰত মেয়াৰে কিতাপখনৰ প্ৰতি বহু অনুৰাগীৰ ঋণাত্মক সঁহাৰিক "ৰব প্ৰভাৱ" বুলি অভিহিত কৰে,অৰ্থাং যিদৰে অনুৰাগীসকলে ৰবাৰ্ট পেটিনছনে টোৱাইলাইট চলচ্চিত্ৰত এডৱাৰ্ডৰ ভূমিকাত অভিনয় কৰা কথাটো সহজভাৱে লব পৰা নাছিল,একেদৰে ব্ৰেকিং ডনৰ সামৰণিটো গ্ৰহণ কৰিবলৈও তেওঁলোকক কিছু সময় লাগিব।[33]

পুৰস্কাৰ আৰু সন্মান

[সম্পাদনা কৰক]

ব্ৰেকিং ড'নে "চিলড্ৰেনছ বুক অফ দ্য ইয়েৰ"ৰ "ব্ৰিটিছ বুক এৱাৰ্ড" লাভ কৰে।[34] ২০০৯ৰ "চিলড্ৰেনছ চইজ বুক এৱাৰ্ডছ"ত এই উপন্যাসখন "টীন চইজ বুক অৱ দ্য ইয়েৰ" হিচাপে নিৰ্বাচিত হয় আৰু মেয়াৰে 'বছৰটোৰ লেখক' বা 'অথৰ অৱ দ্য ইয়েৰ' বঁটা লাভ কৰে।[35]

চলচ্চিত্ৰ অভিযোজন

[সম্পাদনা কৰক]

ছাম্মিট এন্টাৰটেইনমেন্টে ২০০৮ চনৰ নৱেম্বৰ মাহত ঘোষণা কৰে যে তেওঁলোকে মেয়াৰৰ চতুৰ্থ উপন্যাস ব্ৰেকিং ড'নৰ স্বত্ব লাভ কৰিছে।[36] এপ্ৰিল,২০১০ত তেওঁলোকে "টোৱাইলাইট ছাগা : ব্ৰেকিং ড'ন"ৰ চলচ্চিত্ৰ অভিযোজন নিৰ্মাণৰ সেউজ সংকেত দিয়ে। এই ছবিখন দুটা ভাগত নিৰ্মিত হয় যাৰ প্ৰথম ভাগটিয়ে ১৮ নৱেম্বৰ,২০১১ মুক্তি লাভ কৰে।[37] ৬ আগষ্ট,২০১০,শুক্ৰবাৰে ছাম্মিট এন্টাৰটেইনমেন্টে ঘোষণা কৰে যে ইয়াৰ দ্বিতীয় ভাগটি ১৬ নৱেম্বৰ,২০১২ ত মুকলি হ'ব।[38]

বিল কনডনে ইয়াৰ দুয়োটা ভাগৰ নিৰ্দেশনা কৰিব আৰু কাৰেন ৰোজেনফেল্ট তথা ৱিক গডফ্ৰেইৰ লগতে ষ্টিফেনি মেয়াৰেও ইয়াৰ সহঃপ্ৰযোজনা কৰিব।[39] অভিনেত্ৰী মেগী গ্ৰেচে ইয়াত ইৰিণাৰ চৰিত্ৰত অভিনয় কৰিবলৈ চুক্তিবদ্ধ হৈছে আৰু মেকেঞ্জি ফয়ে এডৱাৰ্ড-বেলাৰ আধা ভেম্পায়াৰ-আধা মানুহ সন্তান ৰেণেস্মেৰ চৰিত্ৰত অভিনয় কৰিবলৈ চুক্তিবদ্ধ হৈছে।[40]

তথ্য সংগ্ৰহ

[সম্পাদনা কৰক]
  1. ↑ 1.0 1.1 1.2 Dan Glaister and Sarah Falconer (2008-07-20). "Mormon who put new life into vampires". প্ৰকাশক London: The Observer. http://www.guardian.co.uk/books/2008/jul/20/news.booksforchildrenandteenagers। আহৰণ কৰা হৈছে: 2009-09-19. 
  2. ↑ 2.0 2.1 2.2 2.3 Jim Milliot (2008-08-04). "'Breaking Dawn' Breaks Hachette Records". Publishers Weekly. Archived from the original on 2008-12-17. https://web.archive.org/web/20081217125306/http://www.publishersweekly.com/article/CA6584007.html?nid=2286&source=title&rid=&q=twilight। আহৰণ কৰা হৈছে: 2008-10-18. 
  3. ↑ "Forever Dawn". StephenieMeyer.com. Archived from the original on 2008-10-04. https://web.archive.org/web/20081004225340/http://www.stepheniemeyer.com/otherprojects_craptastic.html। আহৰণ কৰা হৈছে: 2008-09-07. 
  4. ↑ 4.0 4.1 4.2 4.3 4.4 4.5 "Breaking Dawn FAQ". StephenieMeyer.com. Archived from the original on 2016-07-12. https://web.archive.org/web/20160712215353/http://stepheniemeyer.com/bd_faq.html। আহৰণ কৰা হৈছে: 2008-09-07. 
  5. ↑ Meyer, Stephenie (April 2011). "A Conversation with Shannon Hale, On Finding Story Ideas". The Twilight Saga: The Official Illustrated Guide. Little, Brown and Company. ISBN 978-0-316-04312-0. 
  6. ↑ "The Breaking Dawn Concert Tour-Chicago Q&A". Twilight Lexicon. http://www.twilightlexicon.com/the-lexicon/personal-correspondence/the-breaking-dawn-concert-tour-chicago-qa/। আহৰণ কৰা হৈছে: July 6, 2011. 
  7. ↑ "The Breaking Dawn Concert Tour-Seattle Q&A". Twilight Lexicon. http://www.twilightlexicon.com/the-lexicon/personal-correspondence/the-breaking-dawn-concert-tour-seattle-qa/। আহৰণ কৰা হৈছে: July 6, 2011. 
  8. ↑ "Twilight Series - Breaking Dawn - FAQ". StephenieMeyer.com. Archived from the original on July 12, 2016. https://web.archive.org/web/20160712215353/http://stepheniemeyer.com/bd_faq.html। আহৰণ কৰা হৈছে: June 1, 2011. 
  9. ↑ Meyer, Stephenie (April 2011). "A Conversation with Shannon Hale, On Literary Inspirations". The Twilight Saga: The Official Illustrated Guide. Little, Brown and Company. ISBN 978-0-316-04312-0. 
  10. ↑ Meyer, Stephenie (April 2011). "A Conversation with Shannon Hale, On Literary Inspirations". The Twilight Saga: The Official Illustrated Guide. Little, Brown and Company. ISBN 978-0-316-04312-0. 
  11. ↑ 11.0 11.1 "Breaking Dawn Concert Tour-Los Angles Q&A". Twilight Lexicon. http://www.twilightlexicon.com/the-lexicon/personal-correspondence/breaking-dawn-concert-tour-los-angles-qa/। আহৰণ কৰা হৈছে: July 7, 2011. 
  12. ↑ Meyer, Stephenie (April 2011). "Frequently Asked Questions". The Twilight Saga: The Official Illustrated Guide. Little, Brown and Company. ISBN 978-0-316-04312-0. 
  13. ↑ "EW.com Excerpt". Entertainment Weekly. 2008-08-05. Archived from the original on 2008-09-12. https://web.archive.org/web/20080912020027/http://www.ew.com/ew/article/0,,20203238,00.html?iid=top25-20080530-Stephenie+Meyer%3A+Exclusive+book+preview। আহৰণ কৰা হৈছে: 2008-09-07. 
  14. ↑ "Breaking Dawn Quotes". StephenieMeyer.com. Archived from the original on 2008-08-20. https://web.archive.org/web/20080820071626/http://www.stepheniemeyer.com/bd_quotes.html। আহৰণ কৰা হৈছে: 2008-09-07. 
  15. ↑ "Breaking Dawn Release Party.". StephenieMeyer.com. Archived from the original on 2008-12-13. https://web.archive.org/web/20081213002514/http://www.stepheniemeyer.com/breakingdawn.html। আহৰণ কৰা হৈছে: 2008-09-07. 
  16. ↑ Lauren Wilson (2008-07-31). "Teens clamoring for the next 'Twilight' book". OC Register. Archived from the original on 2009-01-20. https://web.archive.org/web/20090120093335/http://www.ocregister.com/articles/series-breaking-dawn-2110774-book-twilight। আহৰণ কৰা হৈছে: 2009-09-19. 
  17. ↑ "Twilight Chocolate". MTV. Archived from the original on 2008-09-06. https://web.archive.org/web/20080906210932/http://moviesblog.mtv.com/2008/07/30/take-a-bite-out-of-the-twilight-chocolate-bar/। আহৰণ কৰা হৈছে: 2008-09-07. 
  18. ↑ "Breaking Dawn wins Children's Book of the Year Galaxy British Book Award for Stephenie Meyer". Little, Brown. Archived from the original on 2012-04-06. https://web.archive.org/web/20120406191554/http://www.littlebrown.co.uk/NewsEvents/News-Archive/Breaking-Dawn-wins-Children-s-Book-of-the-Year। আহৰণ কৰা হৈছে: 2009-09-19. 
  19. ↑ ,Alison Flood (2008-09-23). "Dream sales for new children's fantasy". প্ৰকাশক London: The Guardian. http://www.guardian.co.uk/books/2008/sep/23/booksforchildrenandteenagers.publishing। আহৰণ কৰা হৈছে: 2009-09-19. 
  20. ↑ "Disappointed Breaking Dawn fans organize protest". CBC News. 2008-08-08. Archived from the original on 2008-08-19. http://www.cbc.ca/arts/books/story/2008/08/08/meyer-protest.html। আহৰণ কৰা হৈছে: 2009-09-19. 
  21. ↑ "This week's top 150 best sellers". USA Today. 2009-09-13. http://content.usatoday.com/life/books/booksdatabase/default.aspx। আহৰণ কৰা হৈছে: 2009-09-19. 
  22. ↑ Diane Roback (2009-03-23). "Bestselling Children's Books 2008: Meyer's Deep Run". Publishers Weekly. Archived from the original on 2012-10-08. https://web.archive.org/web/20121008103738/http://www.publishersweekly.com/article/CA6645692.html?q=Stephenie+Meyer+। আহৰণ কৰা হৈছে: 2009-09-19. 
  23. ↑ "Breaking Dawn Special Edition". Amazon.com. 2009-08-04. http://www.amazon.com/dp/031604461X। আহৰণ কৰা হৈছে: 2009-11-15. 
  24. ↑ "Twilight of the Idols: The Breaking Dawn Review (spoilers)". Time. 2008-08-04. http://nerdworld.blogs.time.com/2008/08/04/twilight_of_the/। আহৰণ কৰা হৈছে: 2009-09-19. 
  25. ↑ Cara von Wrangel (2008-08-11). "Breaking Dawn by Stephenie Meyer". School Library Journal. http://www.schoollibraryjournal.com/article/CA6586098.html?q=breaking+dawn+captivating। আহৰণ কৰা হৈছে: 2009-09-19. 
  26. ↑ Lilah Lohr (2008-08-12). "Last 'Twilight' bite has lots to chew on". The Charlotte Observer. http://www.charlotteobserver.com/books/story/115578.html?q=stephenie%20meyer। আহৰণ কৰা হৈছে: 2009-09-19. 
  27. ↑ Mary Harris Russell (2008-08-09). ""Breaking Dawn," by Stephenie Meyer". Chicago Tribune. http://www.chicagotribune.com/entertainment/books/chi-stephenie-meyer-09aug09,0,6606840.story। আহৰণ কৰা হৈছে: 2009-09-19. 
  28. ↑ "Breaking Dawn". Time. 2009-08-07. Archived from the original on 2009-06-15. https://web.archive.org/web/20090615070032/http://www.time.com/time/specials/2007/article/0,28804,1623143_1830841_1830843,00.html। আহৰণ কৰা হৈছে: 2009-09-19. 
  29. ↑ "Publishers Weekly review". Amazon.com. http://www.amazon.com/dp/031606792X। আহৰণ কৰা হৈছে: 2008-09-07. 
  30. ↑ "NewsOK.com article". NewsOK.com. http://newsok.com/breaking-dawn-has-surprises-but-little-action-as-saga-ends/article/3280307। আহৰণ কৰা হৈছে: 2008-09-07. 
  31. ↑ "EW Review". Entertainment Weekly. 2008-08-08. Archived from the original on 2013-06-03. https://web.archive.org/web/20130603011107/http://www.ew.com/ew/article/0,,20217628,00.html?xid=rss-books-reviews-20080808-Breaking+Dawn। আহৰণ কৰা হৈছে: 2008-09-07. 
  32. ↑ Hand, Elizabeth (2008-08-10). "Washington Post Review". The Washington Post. http://www.washingtonpost.com/wp-dyn/content/article/2008/08/07/AR2008080702528.html। আহৰণ কৰা হৈছে: 2008-09-07. 
  33. ↑ "First looks". EW.com. http://www.ew.com/ew/video/exclusives?lineupId=1155151521&videoId=1717903074। আহৰণ কৰা হৈছে: 2008-09-07. 
  34. ↑ Hephzibah Anderson (2009-04-03). "Obama's 'Dreams,' Meyer's Vampires Capture 'Nibbie' Book Awards". Bloomberg.com. http://www.bloomberg.com/apps/news?pid=20601088&sid=atco4IDHLk44&refer=home। আহৰণ কৰা হৈছে: 2009-04-11. 
  35. ↑ "Children's Choice Book Award Winners Announced". Children's Book Council. 2009-05-13. Archived from the original on 2009-05-15. https://web.archive.org/web/20090515022500/http://www.cbcbooks.org/NewsEvent/details.aspx?id=17। আহৰণ কৰা হৈছে: 2009-05-14. 
  36. ↑ Steven Zeitchik (2008-11-14). "'Twilight' film franchise looks ahead". The Hollywood Reporter. Archived from the original on 2008-12-04. https://web.archive.org/web/20081204062709/http://www.hollywoodreporter.com/hr/content_display/film/news/e3ifc7bb2290700c27f4a0ada4363d9b59e। আহৰণ কৰা হৈছে: 2008-12-13. 
  37. ↑ "Breaking Legal News & Entertainment Law Blog - THR, ESQ". Thresq.hollywoodreporter.com. Archived from the original on 2010-05-14. https://web.archive.org/web/20100514143051/http://thresq.hollywoodreporter.com/2010/05/twilight-breaking-dawn-rob-pattinson-taylor-lautner.html। আহৰণ কৰা হৈছে: 2011-06-19. 
  38. ↑ "Our Twilight Chronicles: Final Installment of Breaking Dawn Release Date: 11/16/12 - Yikes!". Ourtwilightchronicles.blogspot.com. 2010-08-06. http://ourtwilightchronicles.blogspot.com/2010/08/final-installment-of-breaking-dawn.html। আহৰণ কৰা হৈছে: 2011-06-19. 
  39. ↑ Nicole Sperling (2010-04-28). "It's official: Bill Condon will direct Breaking Dawn". Entertainment Weekly. http://hollywoodinsider.ew.com/2010/04/28/bill-condon-will-direct-twilights-final-chapter-breaking-dawn/। আহৰণ কৰা হৈছে: 2010-04-28. 
  40. ↑ "Mackenzie Foy & Maggie Grace to Play in The Twilight Saga: Breaking Dawn". TheNewsOfToday.com. 2010-09-28. http://thenewsoftoday.com/mackenzie-foy-maggie-grace-to-play-in-the-twilight-saga-breaking-dawn/2795/। আহৰণ কৰা হৈছে: 2010-09-28. 

বাহ্যিক সংযোগ

[সম্পাদনা কৰক]
প্ৰ • আ • স
"https://as.wikipedia.org/w/index.php?title=ব্ৰেকিং_ড%27ন_(উপন্যাস)&oldid=434123"ৰ পৰা অনা হৈছে