ভাতৃবৎ জন্মৰ ক্ৰম আৰু পুৰুষৰ যৌন অভিমুখিতা
| যৌন অভিমুখিতা |
|---|
.svg) |
| যৌন অভিমুখিতাসমূহ |
| সম্পৰ্কীয় |
| গৱেষণা |
| জীৱ-জন্তু |
| সম্পৰ্কীয় বিষয় |
ভাতৃবৎ জন্মৰ ক্ৰম (ইংৰাজী: Fraternal birth order) আৰু পুৰুষৰ যৌন অভিমুখিতা হৈছে জৈৱিকভাৱে জন্মৰ ক্ৰম আৰু যৌন অভিমুখিতাৰ এক সম্পৰ্ক। বিভিন্ন গৱেষণাৰ পৰা দেখা গৈছে যে একে মাতৃৰ সন্তানৰ ক্ষেত্ৰত যিমানেই পুৰুষ সন্তানৰ সংখ্যা অধিক হয় সিমানেই সৰুজন সহোদৰৰ যৌন অভিমুখিতা সমকামী হোৱাৰ সম্ভাৱনা বেছি। ৰে ব্লেনচাৰ্ড আৰু এন্থনী বগাৰ্টে প্ৰথমবাৰৰ বাবে ১৯৯০ চনত এই গুণকটো চিনাক্ত কৰিছিল আৰু ইয়াক ভাতৃবৎ জন্মৰ ক্ৰমৰ প্ৰভাৱ বুলি নাম দিছিল। বিজ্ঞানীসকলৰ মতে এই প্ৰভাৱৰ কাৰণ প্ৰসৱৰ পূৰ্বৰ জৈৱিক ব্যৱস্থা। কিয়নো এই সংযোগ কেৱল ডাঙৰ জৈৱিক ভাতৃ থকা পুৰুষৰ ক্ষেত্ৰতহে থাকে, যিটো ডাঙৰ সতি-সন্ততি আৰু দত্তক ভাতৃ থকা পুৰুষৰ মাজত দেখা নাযায়। এই ব্যৱস্থাটো পুৰুষ ভ্ৰুণৰ প্ৰতি মাতৃৰ প্ৰতিৰোধ ক্ষমতাৰ প্ৰতিক্ৰিয়া বুলি ভবা হয়, য’ত এণ্টিব’ডিয়ে বিকাশৰ সময়ত যৌন পাৰ্থক্যত ভূমিকা লোৱা বুলি ভবা পুৰুষ ৱাই-প্ৰ'টিনক নিষ্ক্ৰিয় কৰে। ইয়াৰ ফলত মগজুৰ কিছুমান অঞ্চল ‘মহিলাৰ সাধাৰণ’ ব্যৱস্থাৰে যৌন অভিমুখৰ সৈতে জড়িত হৈ থাকিব পাৰে বা পুৰুষৰ প্ৰতি আকৰ্ষিত হ’ব। এই ধাৰণাটোৰ জৈৱৰাসায়নিক প্ৰমাণ ২০১৭ চনত চিনাক্ত কৰা হৈছিল, য'ত সমকামী পুত্ৰ থকা মাতৃসকলৰ বিশেষকৈ কেইবাজনো পুত্ৰ সন্তান থকা মাতৃসকলৰ NLGN4Y Y-প্ৰ'টিনৰ প্ৰতি এণ্টিব'ডিৰ মাত্ৰা বিপৰীতকামী পুত্ৰ থকা মাতৃসকলতকৈ অধিক হোৱা দেখা গৈছিল।[1][2]
প্ৰতিজন অতিৰিক্ত পুৰুষৰ গৰ্ভাৱস্থাৰ লগে লগে ইয়াৰ প্ৰভাৱ অধিক শক্তিশালী হৈ পৰে আৰু পৰৱৰ্তী পুত্ৰ সমকামী হোৱাৰ সম্ভাৱনা ৩৮–৪৮% বৃদ্ধি পায়। ইয়াৰ অৰ্থ এইটো নহয় যে কেইবাবাৰো পুৰুষ গৰ্ভাৱস্থাৰ পিছত সকলো বা বেছিভাগ পুত্ৰই সমকামী হ’ব, বৰঞ্চ সমকামী পুত্ৰ সন্তান জন্ম দিয়াৰ সম্ভাৱনা প্ৰথম জন্ম লোৱা পুত্ৰৰ বাবে প্ৰায় ২%ৰ পৰা দ্বিতীয়জন পুত্ৰৰ বাবে ৩%, তৃতীয়ৰ বাবে ৫%লৈ বৃদ্ধি পায়।[1][3] দুটা গৱেষণাৰ অনুমানৰ ভিত্তিত ১৫%ৰ পৰা ২৯% সমকামী পুৰুষে এই প্ৰভাৱৰ বাবে যৌন অভীৰুচিৰ ঋণী, অৱশ্যে এই সংখ্যা অধিক হ’ব পাৰে কাৰণ পূৰ্বৰ গৰ্ভপাত আৰু স্বতঃস্ফূৰ্ত গৰ্ভপাতৰ ফলত তেওঁলোকৰ মাতৃয়ে ৱাই-লিংকড এণ্টিজেনৰ সংস্পৰ্শলৈ আহিব পাৰে। সাধাৰণতে ভবা হয় যে এই মাতৃৰ সঁহাৰি প্ৰথম জন্ম হোৱা সমকামী পুত্ৰৰ ক্ষেত্ৰত প্ৰযোজ্য নহ'ব আৰু তেওঁলোকৰ অভিমুখীতা জিন, প্ৰসৱৰ পূৰ্বে হৰম'ন আৰু অন্যান্য মাতৃৰ প্ৰতিৰোধ ক্ষমতাৰ প্ৰতিক্ৰিয়াৰ বাবেও দায়ী হ'ব পাৰে যিয়ে মগজুৰ বিকাশকো প্ৰভাৱিত কৰে।[2] কিন্তু ২০১৭ চনৰ এক অধ্যয়নত দেখা গৈছে যে কোনো পুত্ৰ নথকা মাতৃসকলৰ পুৰুষ কোষৰ প্ৰতি এণ্টিব'ডি থাকে, যিটো সাধাৰণ আগতীয়া গৰ্ভপাতৰ ফলত হ'ব পাৰে, আৰু এইদৰে প্ৰথম জীৱিত পুত্ৰৰ বাবে ইয়াৰ প্ৰভাৱক প্ৰৰোচিত কৰে।[4] এই সঁহাৰি কিয় অটুট থাকে তাৰ বিভিন্ন বিৱৰ্তনৰ ব্যাখ্যা বিজ্ঞানীসকলে আগবঢ়াইছে।[5]
সমকামী পুৰুষ আৰু জন্মৰ ক্ৰমৰ মাজত কোনো সম্পৰ্ক পৰ্যবেক্ষণ নকৰা কেইটামান অধ্যয়নক সাধাৰণতে পদ্ধতিগত ভুল আৰু নমুনা সংগ্ৰহৰ পদ্ধতিৰ বাবে সমালোচনাও কৰা হৈছে।[6] জে মাইকেল বেইলীয়ে কৈছে যে মাতৃৰ প্ৰতিৰোধ ক্ষমতাৰ প্ৰতিক্ৰিয়াৰ বাহিৰে আন কোনো যুক্তিযুক্ত অনুমান চিনাক্ত কৰা হোৱা নাই।[6]
তথ্যসূত্ৰ[সম্পাদনা কৰক]
- ↑ 1.0 1.1 Balthazart, Jacques (2018-01-09). "Fraternal birth order effect on sexual orientation explained". Proceedings of the National Academy of Sciences of the United States of America খণ্ড 115 (2): 234–236. doi:10.1073/pnas.1719534115. ISSN 0027-8424. PMID 29259109.
- ↑ 2.0 2.1 Bogaert, Anthony F.; Skorska, Malvina N.; Wang, Chao; Gabrie, José; MacNeil, Adam J.; Hoffarth, Mark R.; VanderLaan, Doug P.; Zucker, Kenneth J. et al. (2018-01-09). "Male homosexuality and maternal immune responsivity to the Y-linked protein NLGN4Y". Proceedings of the National Academy of Sciences of the United States of America খণ্ড 115 (2): 302–306. doi:10.1073/pnas.1705895114. ISSN 0027-8424. PMID 29229842.
- ↑ Blanchard R (1997). "Birth order and sibling sex ratio in homosexual versus heterosexual males and females". Annual Review of Sex Research খণ্ড 8: 27–67. PMID 10051890.
- ↑ Coghlan, Andy (December 2017). "We may know why younger brothers are more likely to be gay" (en-US ভাষাত). New Scientist. https://www.newscientist.com/article/2156010-we-may-know-why-younger-brothers-are-more-likely-to-be-gay/। আহৰণ কৰা হৈছে: 2020-08-03.
- ↑ Bailey, J. Michael; Vasey, Paul L.; Diamond, Lisa M.; Breedlove, S. Marc; Vilain, Eric; Epprecht, Marc (2016). "Sexual Orientation, Controversy, and Science" (en ভাষাত). Psychological Science in the Public Interest খণ্ড 17 (2): 78–79. doi:10.1177/1529100616637616. ISSN 1529-1006. PMID 27113562.
- ↑ 6.0 6.1 Bailey, J. Michael (2018-01-01). "The Fraternal Birth Order Effect Is Robust and Important" (en ভাষাত). Archives of Sexual Behavior খণ্ড 47 (1): 18. doi:10.1007/s10508-017-1115-1. ISSN 1573-2800. PMID 29159754.