মাহ প্ৰসাদ

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক


নামঘৰত ভকতসকলক দিয়া এবিধ মাহ-প্ৰসাদ। পৰম্পৰাগতভাৱে কলপাত নাইবা কলৰ দোন প্ৰভৃত্তি বস্তু মাহ প্ৰসাদ দিয়া পাত্ৰ হিচাপে ব্যৱহাৰ কৰা হয়। এই চিত্ৰত এনে এখন কলপাত পাত্ৰ হিছাপে দিয়া দেখা গৈছে।

মাহ প্ৰসাদ হল অসমৰ নামঘৰ আৰু মন্দিৰ সমুহত নৈবদ্য হিচাপে ব্যৱহৃত এবিধ পাৰম্পাৰিক প্ৰসাদ। ফলা বা গুটা মগুমাহ পানীত তিয়াই কোমল কৰি, ভালদৰে ধুই, প্ৰায়ে সেইধৰণে কোমল কৰা কেঁচা বুটৰ লগত মিহলাই মাহ-প্ৰসাদ তৈয়াৰ কৰা হয়। নৈবদ্য হিচাপে উৎসৰ্গা কৰাৰ সময়ত অলপ ভিজোৱা চাউলো কাষত দিয়াৰ নিয়ম আছে যদিও নিমখ মিহলোৱা নহয়। পাচত প্ৰসাদ হিচাপে ভকতৰ মাজত বিতৰণ কৰাৰ সময়ত জুঁতিৰ বাবে প্ৰয়োজনীয় নিমখ, সৰু সৰু টুকুৰা কৰা আদা আৰু নাৰিকল মিহলাই দিয়া হয়। সাধাৰণতে কলপাতত এই মাহ প্ৰসাদৰ লগত কল, কুঁহিয়াৰ,কমলা, আপেল, ৰবাব টেঙা আদি বিভিন্ন ঋতুফলো দিয়া দেখা যায়।