শংকৰদেৱ শিশু বিদ্যা নিকেতন, ভূৰাগাঁও

অসমীয়া ৱিকিপিডিয়াৰ পৰা
Jump to navigation Jump to search

শংকৰদেৱ শিশু বিদ্যা নিকেতন,ভূৰাগাঁও হৈছে মৰিগাঁও জিলাৰ ভূৰাগাঁৱত অৱস্থিত বিদ্যা ভাৰতীৰ সংবদ্ধ শিশু শিক্ষা সমিতি, অসমৰ দ্বাৰা পৰিচালিত অসমীয়া মাধ্যমৰ এক বক্তিগতখণ্ডৰ বিদ্যালয়[1]

2004 চনৰ জানুবাৰী মাহৰ 31 তাৰিখে বৃহত্তৰ ভূৰাগাঁও অঞ্চলৰ কেইগৰাকীমান সচেতন লোকৰ প্ৰচেষ্টাত এই বিদ্যালয় স্থাপন কৰা হৈছিল।[2]

নিকেতনৰ চিত্ৰবোৰ চাবলৈ ইয়াত ক্লিক কৰক


শংকৰদেৱ শিশু বিদ্যা নিকেতন,ভূৰাগাঁও
শংকৰদেৱ শিশু বিদ্যা নিকেতন,ভূৰাগাঁও
অৱস্থান
ভূৰাগাঁও,অসম
782121
ভাৰত
স্থানাঙ্ক 26°27′08″N 92°02′05″E / 26.452272°N 92.034849°E / 26.452272; 92.034849স্থানাংক: 26°27′08″N 92°02′05″E / 26.452272°N 92.034849°E / 26.452272; 92.034849
প্ৰাথমিক তথ্যসমূহ
প্ৰকাৰ বক্তিগত
নীতি স্বয়মেৱ মৃগেন্দ্ৰতা
(নিজ গুণ আৰু কৰ্মৰে বলীয়ান হোৱা)
প্ৰতিষ্ঠাকাল ৩১/১২/২০০৪
বিদ্যালয় সমিতি বোৰ্ড অৱ ছেকেণ্ড্ৰেৰী ইডুকেছন,অসম
সভাপতি শ্ৰী মণ্টু সাহা
অধ্যক্ষ শ্ৰী ৰাম চৌহান
মাধ্যম অসমীয়া
কেম্পাছ গ্ৰাম্য
আচাৰ্য্য-আচাৰ্য্যা ২৫-৩০ গৰাকী

শিক্ষণ প্ৰণালী[সম্পাদনা কৰক]

বিদ্যা ভাৰতীৰ বিদ্যালয়বোৰত NCERTৰ দ্বাৰা প্ৰচলিত পাঠ্যক্ৰমৰ পাঠ্যপুথি ব্যৱহাৰ কৰা হয় যদিও, তেওঁলোকে হিন্দুত্ব আদৰ্শ আধাৰিত কিছুমান নিজস্ব পাঠ্যপুথিও সহবিদ্যায়তনিক বিষয় হিচাপে প্ৰচলন কৰে। তেওঁলোকে 'আভ্যন্তৰিণ অনক্য'ৰ বাবে তুৰ্কী, মংগোলীয় আৰু মোগলসকলক দোষাৰোপ কৰে। হিন্দু-মুছলমান সহযোগৰ যিকোনো প্ৰমানক 'বিশ্বাসঘাত' হিচাপে উপস্থাপন কৰা হয়। খ্ৰীষ্টান পাদুৰীসকলক সাম্ৰাজ্যবাদৰ সমল ৰূপে বৰ্ণনা কৰে। হিন্দু মহিমামণ্ডিত আৰু ঐতিহাসিক হিন্দু নায়ক সকলক আৰএছএছৰ প্ৰতিস্থাতা হেডগোৱাৰ আৰু গোৱালকাৰক একে তালিকাত স্থান দিয়া হৈছে।

ওপৰত বৰ্ণিত পাঠ্যক্ৰমৰ উপৰিও, বিদ্যা ভাৰতীয়ে আৰু পাঁচটা অতিৰিক্ত বিষয়ৰ পাঠদান কৰে:

নৈতিক শিক্ষা, নায়কসকলৰ কাহিনী, গীত, সাধুতা আৰু ব্যক্তিগত স্বচ্ছতা, শাৰীৰিক শিক্ষা, আৰু যোগ, সংগীত, সংস্কৃত আৰু বৈদিক গণিত। ছোৱালীবোৰক কণ্যা ভাৰতীৰ জৰিয়তে জীজাবাই আৰু লক্ষ্মীবাইৰ দৰে এগৰাকী সুগৃহিনী আৰু মাতৃ হ'ব পৰাকৈ বয়ন আৰু ৰন্ধনৰ শিক্ষা দিয়া হয়।

প্ৰাতঃসভাত, শিশুসকলক ধৰ্মীয় ভক্তি আৰু দেশপ্ৰেমমূলক পাৰ্থনা আৰু গীত গাবলৈ শিকোৱা হয়। হিন্দুত্বৰ আদৰ্শ বহন কৰিবলৈ হিন্দু উৎসৱসমুহতো প্ৰাতঃসভা আৰু মঞ্চৰ কাৰ্যক্ৰম অনুস্থিত কৰা হয়। সৰ্ব ধৰ্ম সম ভাৱ এই বিদ্যালয় সমুহৰ মূল মন্ত্ৰ৷ সকলো ধৰ্মৰ ছাত্ৰ-ছাত্ৰীয়ে ইয়াত শিক্ষা গ্ৰহন কৰে৷

সা-সুবিধা[সম্পাদনা কৰক]

  • নৈতিক আৰু আধ্যাত্মিক শিক্ষাৰে সদাচাৰৰ নিয়মিত শিক্ষা আৰু বন্দনাৰ যোগেদি আধ্যাত্মিকতাৰ শিক্ষাদান।
  • সংগীত শিক্ষাৰ যোগে মানসিক প্ৰফুল্লতা অনা, দেশপ্ৰেমমূলক গীতৰ মাধ্যমেৰে শিশুৰ মনত স্বদেশ প্ৰেমৰ ভাৱ জগাই তোলা।
  • শিশুৰ শাৰীৰিক বিকাশৰ বাবে শাৰীৰিক শিক্ষাৰ ব্যৱস্থা।
  • নিৰোগী শৰীৰ গঠনৰ বাবে বিভিন্ন যোগাসনৰ শিক্ষা দান ব্যৱস্থা।
  • সংস্কৃত ভাষা শিক্ষাৰ মাধ্যমেৰে হেৰুওৱাৰ উপক্ৰম হোৱা অথচ বৰ্তমানেও প্ৰায়োগিক দিশত থকা জ্ঞান প্ৰদান আৰু সমাজ সংস্কাৰৰ ব্যৱস্থা প্ৰতিষ্ঠাৰ বিচাৰ ধাৰাৰ শিক্ষা প্ৰদানৰ ব্যৱস্থা।
  • প্ৰায়োগিক ক্ষেত্ৰত কামত অহা চিত্ৰাংকণ আৰু বিভিন্ন হাতৰ কামৰ শিক্ষা।
  • কম্পিউটাৰ শিক্ষাৰ ব্যৱস্থা।
  • শিক্ষনীয় বিষয়- অসমীয়া, সংস্কৃত, হিন্দী, ইংৰাজী, সমাজ বিদ্য়া, গণিত, বিজ্ঞান, সংগীত, শাৰীৰিক, যোগ, হস্তকলা, কম্পিউটাৰ, নীতি শিক্ষা, সাধাৰণ।
  • অতিৰিক্ত শিক্ষা জ্ঞান আহৰণৰ বাবে পুথিভঁৰাল ব্যৱস্থা।
  • ছাত্ৰ-ছাত্ৰীসকলৰ বাবে বিদ্য়ালয়, সংকুল, বিভাগ, প্ৰান্তীয় আৰু সৰ্ব ভাৰতীয় স্তৰত ক্ৰীড়া প্ৰতিযোগিতাত অংশ গ্ৰহণৰ সুবিধা।
  • প্ৰান্তীয় আৰু ৰাষ্ট্ৰীয় স্তৰত বিজ্ঞান মেলাত অংশ গ্ৰহণৰ সুবিধা।
  • প্ৰান্তীয় আৰু ৰাষ্ট্ৰীয় স্তৰৰ প্ৰশ্ন-মঞ্চত অংশগ্ৰহণৰ সুবিধা।
  • বিজ্ঞানাগাৰৰ সুবিধা।
  • বালিকা শিক্ষাৰ ব্যৱস্থা
  • নিকেতনৰ বাৰ্ষিক আলোচনী 'ভাৰতী' আৰু প্ৰাচীৰ পত্ৰিকা 'প্ৰকাশ' ৰ যোগে ছাত্ৰ ছাত্ৰীৰ প্ৰতিভা বিকাশৰ সুবিধা।
  • তিনিমহীয়া বাৰ্তালোচনী "বিদ্যাভাৰতী সংবাদ" ৰ যোগেদি বিদ্যাভাৰতীৰ লগতে শিশু শিক্ষা সমিতি, অসমৰ নিকেতন সমূহৰ কৰ্মৰাজীৰ নিয়মীয়া বাৰ্তা আৰু জ্ঞান লাভৰ ব্যৱস্থা।

শিশু শিক্ষা সমিতি, অসমে সময়ে সময়ে উপলব্ধ কৰোৱা ব্যৱস্থা সমূহ তৎকালীন ভাবে নিকেতনতো উপলব্ধ কৰোৱা হয়।

ভৌগোলিক অবস্থান[সম্পাদনা কৰক]

এই নিকেতনখন প্ৰথমতে ভূৰাগাওঁ হিন্দী স্কুলৰ বিপৰীতে‌ অৱস্থিত এখন খালী স্থানত স্থাপন কৰা হৈছিল। কিন্ত দুৰ্ভাগ্যবশতঃ এক জুইৰ ফলত ই সম্পূৰ্ণৰূপে জাহ যায়। পিছত বৰ্তমানে স্থিত পাঁচালি শিৱ মন্দিৰৰ ওচৰলৈ স্থানান্তৰিত কৰা হয়। নিকেতনখনৰ উত্তৰে ভূৰাগাওঁ মহাবিদ্যালয়,পূবে আৰক্ষী থানা,পশ্চিমে শিৱ কেন্দ্ৰ,দক্ষিণে স্বাস্থ্য কেন্দ্ৰ আছে।[3]

ইতিহাস[সম্পাদনা কৰক]

ভাৰতীয় আদৰ্শৰ অনুকূলে শিক্ষা পদ্ধতিৰ পৰিবৰ্তন অনাৰ মানসেৰে গঠিত অখিল ভাৰতীয় শিক্ষা প্ৰতিষ্ঠান "বিদ্যা ভাৰতী" ৰ তত্ত্বাৱধানত অসমতো কেইগৰাকীমান শিক্ষানুৰাগীৰ জৰিয়তে "শিশু শিক্ষা সমিতি, অসম" নামেৰে এটা শৈক্ষিক সংস্থা গঠন হয়। এই সংস্থাৰ তত্ত্বাৱধানত ১৯৭৯ চনত মহাপুৰুষ শ্ৰীমন্ত শংকৰদেৱৰ তিৰোভাৱ তিথিৰ দিনা অসমৰ প্ৰথমখন শিশু কুঞ্জ প্ৰতিষ্ঠিত হয় গুৱাহাটীৰ অম্বিকাগিৰি নগৰত। এই বিদ্যালয়ৰ পিছতে শংকৰদেৱ শিশু নিকেতন, বিষ্ণুপথ প্ৰতিষ্ঠা হয় আৰু ক্ৰমে সমগ্ৰ অসমৰ বিভিন্ন অঞ্চলত এই বিদ্যালয়সমূহ প্ৰতিষ্ঠা হয়।[4]

2004 চনৰ 31 জানুবাৰী তাৰিখে স্থানীয় কেইজনমান সচেতন লোকৰ প্ৰচেষ্টাত এই নিকেতনখন স্থাপন কৰা হয়। স্থাপনকালত অংকুৰ,মুকুল আৰু প্ৰথম এই তিনিটা শ্ৰেণীৰে পাঠদান কাৰ্য আৰম্ভ কৰা হৈছিল। বহুতো অসুবিধাৰ ফলত দুবাৰ নিকেতনখনৰ স্থান সলনি কৰিবলগীয়া হয়। অবশেষত ভূৰাগাঁৱৰ বৰডুবাটুপৰ শিৱ মন্দিৰৰ ওচৰত নিকেতনখন স্থায়ীভাবে সলনি কৰা হয়। [5]

বৰ্তমান[সম্পাদনা কৰক]

বৰ্তমান সমগ্ৰ অসমত ৪৭০খন শিশু শিক্ষা সমিতিৰ অন্তৰ্গত বিদ্যালয় আছে। এই ৰাজ্যিক সমিতি খনে দিল্লীত প্ৰধান কাৰ্যালয় থকা বিদ্যা ভাৰতী অখিল ভাৰতীয় শিক্ষা সংস্থানৰ শিক্ষা পদ্ধতিত শিক্ষা দান কৰে। এই বিদ্যালয়সমূহে NCERTৰ পাঠ্যপুথি অনুসৰণ কৰে আৰু মাধ্যমিক পৰ্যায়ত SEBA পাঠ্যক্ৰম আৰু উচ্চ-মাধ্যমিক পৰ্যায়ত AHSEC পাঠ্যক্ৰম অনুসৰি পাঠদান কৰে।

উদ্ধৃতি[সম্পাদনা কৰক]

  1. "SSVN,Bhuragaon". http://ssvnb.ml/. 
  2. Infosystems, Yora. "SANKARDEV SHISHU NIKETAN BHURAGAON - Barduba Top, District Morigaon (Assam)" (en ভাষাত). https://schools.org.in/morigaon/18090108916/sankardev-shishu-niketan-bhuragaon.html। আহৰণ কৰা হৈছে: 18 July 2019. 
  3. https://m.facebook.com/ssvniketan/
  4. https://vymaps.com/IN/Shankardev-Shishu-Vidya-Niketan-bhuragaon-1877692589173063/
  5. https://placesmap.net/IN/Shankardev-Shishu-Vidya-Niketan-bhuragaon-1877692589173063