শীতৰ বতাহ আৰু বৰষুণ

শীতৰ বতাহ আৰু বৰষুণ
লেখক	অপূৰ্ব শৰ্মা
দেশ	অসম, ভাৰত
ভাষা	অসমীয়া
প্ৰকাৰ	গল্প-সংকলন
প্ৰকাশ	২০২১, প্ৰথম প্ৰকাশ (প্ৰকাশক: বান্ধৱ)
মিডিয়া প্ৰকাৰ	মুদ্ৰণ
পৃষ্ঠা সংখ্যা	১৩৮

শীতৰ বতাহ আৰু বৰষুণ (ইংৰাজী: Xeetor Botah Aru Boroxun) হৈছে অসমীয়া গল্পকাৰ-সাহিত্যিক আৰু চলচ্চিত্ৰ সমালোচক অপূৰ্ব শৰ্মাৰ দ্বাৰা লিখিত এখন গল্পৰ সংকলন। গ্ৰন্থখন পোনপ্ৰথমবাৰৰ বাবে ২০২১ চনৰ অক্টোবৰ মাহত প্ৰকাশিত হৈছিল। অসমীয়া প্ৰকাশন গোষ্ঠী বান্ধৱে গ্ৰন্থখন প্ৰকাশ কৰে।

গল্পকাৰৰ চমু পৰিচয়

প্ৰধান প্ৰবন্ধ: অপূৰ্ব শৰ্মা

গল্পকাৰ-সমালোচক অপূৰ্ব শৰ্মাৰ জন্ম হৈছিল ১৯৪৩ চনত। তেখেতৰ বাঘে টাপুৰ ৰাতি, এজন কবিৰ মৃত্যু আৰু এজোপা বাৰমহীয়া আম, নাগৰিক আদি উল্লেখযোগ্য গল্প-সংকলন। "বাঘে টাপুৰ ৰাতি" গ্ৰন্থখনৰ বাবে তেখেতে ২০০০ চনত সাহিত্য অকাডেমি বঁটা লাভ কৰিবলৈ সক্ষম হৈছিল। এগৰাকী কীৰ্তিমান চলচ্চিত্ৰ সমালোচক হিচাপেও পৰিচিত অপূৰ্ব শৰ্মাই অসমীয়া চলচ্চিত্ৰৰ ছাঁ-পোহৰ শীৰ্ষক গ্ৰন্থখনৰ বাবে ২০০২ চনত ৰাষ্ট্ৰীয় চলচ্চিত্ৰ বঁটা প্ৰতিযোগিতাত শ্ৰেষ্ঠ চলচ্চিত্ৰ গ্ৰন্থৰ বঁটা লাভ কৰে৷

গ্ৰন্থৰ চমু পৰিচিতি

গ্ৰন্থখনত সন্নিৱিষ্ট হোৱা গল্পকেইটা হৈছে:

• ধন্য নৰতনু
• ক্ষুৰৰ ধাৰেৰে খোজ
• স্থাৱৰ
• দুৰ্বৃত্তৰ ইতিবৃত্ত
• শীতৰ বতাহ আৰু বৰষুণ