সুদেষ্ণা সিন্‌হা

অসমীয়া ৱিকিপিডিয়াৰ পৰা
Jump to navigation Jump to search
সুদেষ্ণা সিন্‌হা
বাসস্থান ভাৰত
জাতীয়তা ভাৰতীয়
ক্ষেত্ৰ অৰৈখিক পদাৰ্থ বিজ্ঞান (Non-Linear Physics)
প্ৰতিষ্ঠান গাণিতিক বিজ্ঞান প্ৰতিষ্ঠান, চেন্নাই
শিক্ষানুষ্ঠান আইআইটি কাণপুৰ, টাটা মৌলিক গৱেষণা প্ৰতিষ্ঠান
জনা যায় "বিশৃংখলাভিত্তিক হাৰ্ডৱেৰ আৰু গণনা" (Chaos Computing)
উল্লেখনীয় বঁটা বিশ্ব বিজ্ঞান একাডেমীৰ সভ্য, বি এম বিৰলা বঁটা,তাত্ত্বিক পদাৰ্থ বিজ্ঞানৰ আন্তঃৰাষ্ট্ৰীয় কেন্দ্ৰৰ সহযোগী সদস্য
দাম্পত্যসঙ্গী কপিল হৰি পাৰানজাপে

সুদেষ্ণা সিন্‌হা হৈছে মোহালীস্থিত ভাৰতীয় বিজ্ঞান শিক্ষা আৰু গৱেষণা প্ৰতিষ্ঠানৰ এগৰাকী অধ্যাপক। এক দশকতকৈও অধিক কাল তেখেতে চেন্নাইত থকা গাণিতিক বিজ্ঞান প্ৰতিষ্ঠানত কাম কৰিছিল। "অৰৈখিক পদাৰ্থ বিজ্ঞান"ৰ ক্ষেত্ৰখনৰ লগত তেখেত জড়িত। তেখেতে "বিশৃংখলাভিত্তিক হাৰ্ডৱেৰ" (chaos-based' hardware, so-called "Chaos computing") সম্পৰ্কে কৰা গৱেষণা-কাৰ্যক ব্যৱসায়িক দিশত বিকাশ সাধন কৰিছে আমেৰিকান কোম্পানী কাউলোজিক্সে(Chaologix)।[1] উল্লেখযোগ্য যে, "কাউছ কম্পুটিঙ" পদ্ধতিৰ জন্ম আৰু বিকাশলৈ অৰিহণা আগবঢ়োৱা বিজ্ঞানীসকলৰ ভিতৰত তেখেত অন্যতম। তেখেতে বি এম বিৰলা বঁটা, সাধাৰণ কুশলতা বঁটাকে ধৰি বিশ্ব বিজ্ঞান একাডেমী আৰু আন বহু বিশ্বখ্যাত বিজ্ঞান প্ৰতিষ্ঠানৰ সভ্য।[2]

শিক্ষা[সম্পাদনা কৰক]

তেখেত জন্ম আৰু প্ৰতিপালিত হয় পশ্চিমবঙ্গত। আছাঞ্চলত থকা লৰেটো কনভেণ্ট স্কুলৰ পৰা তেখেতে প্ৰাৰম্ভিক শিক্ষা গ্ৰহণ কৰিছিল। তেখেতে কয়, "...মোৰ পিতৃ-মাতৃ উদাৰনৈতিক চিন্তাধাৰাত বিশ্বাস ৰাখিছিল আৰু মই বিজ্ঞান শিক্ষা গ্ৰহণ কৰাত তেওঁলোকে কোনো অসুবিধা প্ৰকাশ কৰা নাছিল। মই নিজকে সৌভাগ্যৱতী বুলি ভাবোঁ, কাৰণ মই আইআইটি কাণপুৰত পঢ়িবলৈ যাওঁতে ষাঠীজনীয়া শ্ৰেণীটোত পাঁচগৰাকী ছোৱালী শিক্ষাৰ্থী আছিল। সেইসময়ত বিজ্ঞান শাখাত পঢ়িবলৈ অহা ছাত্ৰীৰ সংখ্যা ইমান বেছি নাছিল। " [3] ১৯৮৫ চনত কাণপুৰত থকা ভাৰতীয় প্ৰযুক্তিবিদ্যা প্ৰতিষ্ঠানৰ পৰা সুদেষ্ণাই বিজ্ঞানত স্নাতকোত্তৰ ডিগ্ৰী(পদাৰ্থ বিজ্ঞানৰ পাঁচবছৰীয়া সমন্বিত প্ৰগ্ৰাম) অৰ্জন কৰে। পৰৱৰ্তী সময়ত,১৯৯০ চনত তেখেতে মুম্বাইত থকা টাটা মৌলিক গৱেষণা প্ৰতিষ্ঠানৰ পৰা ডক্তৰেট ডিগ্ৰী অৰ্জন কৰে।[4]

ব্যক্তিগত জীৱন[সম্পাদনা কৰক]

সুদেষ্ণাই বৈবাহিক জীৱন আৰম্ভ কৰে কপিল হৰি পাৰানজাপেৰ লগত। কপিল হৰি মোহালিত থকা "ভাৰতীয় বিজ্ঞান শিক্ষা আৰু গৱেষণা প্ৰতিষ্ঠান"ৰ গণিত বিভাগৰ অধ্যাপক। [5]

কৰ্মজীৱন[সম্পাদনা কৰক]

জুন-১৯৯৪ চনৰ পৰা আগষ্ট-১৯৯৬লৈকে তেখেতে বাংগালোৰস্থিত ভাৰতীয় জ্যোতি-পদাৰ্থবৈজ্ঞানিক প্ৰতিষ্ঠানত এগৰাকী "ৰিডাৰ" হিচাপে কাম কৰে। তাৰপিছত তেখেতে চেন্নাইস্থিত গাণিতিক বিজ্ঞান প্ৰতিষ্ঠানত ২০১১ চনলৈকে জড়িত হৈ থাকে।[2] বৰ্তমান সুদেষ্ণা সিন্‌হাই মোহালীত থকা ভাৰতীয় বিজ্ঞান শিক্ষা আৰু গৱেষণা প্ৰতিষ্ঠানৰ অধ্যাপনা কৰি আছে। তেখেতে অৰৈখিক পদাৰ্থ বিজ্ঞানৰ ক্ষেত্ৰত কৰ্মৰত।[6] তেখেতেৰ গৱেষণাৰ ক্ষেত্ৰখনে অৰৈখিক গতিবিদ্যা, বিশৃংখলতা, জটিল প্ৰণালী, আন্তঃজাল আৰু গণনাক সামৰি লয়।[7]তেখেত "AIP journal Chaos: An Interdisciplinary Journal of Nonlinear Scienceখনৰ সম্পাদনাৰ লগতো জড়িত।[8].

কাঅ'টিক কম্পুটিঙৰ ধাৰণাটোৰ লগত তেখেত পৰিচিত হৈছিল ১৯৯৭ চনত, বাংগালোৰৰ এখন সন্মিলনীত। সেইখন সন্মিলনীত তেখেতে ফ্লৰিডা বিশ্ববিদ্যালয়ৰ পদাৰ্থ বিজ্ঞানী উইলিয়াম দিট্টোক লগ পায়। উইলিয়াম দিট্টোৱেই সুদেষ্ণাক এই প্ৰণালীটোৰ লগত চিনাকি কৰাই দিছিল। সুদেষ্ণা সিন্‌হাই এতিয়ালৈকে ৫০টাতকৈও অধিক বক্তৃতানুষ্ঠান, কৰ্মশালা অথবা সন্মিলনী সম্বোধন কৰিছে।[9]

তেখেতক জাৰ্মানী গণিতজ্ঞ এমি নিঅ'থাৰ আৰু অষ্ট্ৰিয়ান-ছুইডিছ পদাৰ্থ বিজ্ঞানী লাইছ মেইটনাৰৰ জীৱন আৰু গৱেষণাই অনুপ্ৰাণিত কৰিছে।[3]

প্ৰকাশন[সম্পাদনা কৰক]

  • সুদেষ্ণা সিন্‌হা, "Noisy Uncoupled Chaotic Map Ensembles Violate the Law of Large Numbers" Physical Review Letters, vol. ৬৯ (১৯৯২) 3306-3309
  • ডি. বিশ্বাস আৰু সুদেষ্ণা সিন্‌হা, "Classical Resonances and an Arbitrary Trajectory Quantization Scheme for a Chaotic System" Physical Review Letters, vol. ৭১ (১৯৯৪) ৩৭৯০-৩৭৯৩
  • সুদেষ্ণা সিন্‌হা আৰু ডি. বিশ্বাস, "Adaptive Dynamics on a Chaotic Lattice" Physical Review Letters, vol. ৭১ (১৯৯৩) ২০১০-২০১৩
  • সুদেষ্ণা সিন্‌হা আৰু ডব্লিউ. এল. দিট্টো, "Dynamics Based Computation" Physical Review Letters ,vol. ৮১ (১৯৯৮) ২১৫৬-২১৫৯
  • কে.মুৰুলী, সুদেষ্ণা সিন্‌হা, ডব্লিউ. এল. দিট্টো, এ.আৰ. বালছাৰা, "Reliable Logic Circuit Elements that Exploit Nonlinearity in the Presence of a Noise-Floor" Physical Review Letters, vol. ১০২ (২০০৯) ১০৪১০১.[10]

বঁটা আৰু সন্মান[সম্পাদনা কৰক]

  • ২০১৮ চনত তেখেত বিশ্ব বিজ্ঞান একাডেমীৰ সভ্য হিচাপে নিৰ্বাচিত।[11]
  • ২০১৫ চনত জে.চি. বসু ৰাষ্ট্ৰীয় ফেলোশ্বিপৰ বাবে নিৰ্বাচিত।[12]
  • ২০১৪ চনত দিল্লীস্থ ভাৰতীয় ৰাষ্ট্ৰীয় বিজ্ঞান একাডেমীৰ সভ্য।[13]
  • ২০১০ চনত বাংগালোৰত, ভাৰতীয় বিজ্ঞান একাডেমীৰ সভ্য।[14]
  • ১৯৯৮ চনত পদাৰ্থ বিজ্ঞানলৈ আগবঢ়োৱা অৱদানৰ বাবে বি.এম. বিৰলা বঁটা লাভ। চল্লিছ বৰ্ষৰ অনুৰ্ধ ভাৰতীয় বিজ্ঞানীলৈ এই বঁটাটো আগবঢ়োৱা হয়, যিসকলে তেওঁলোকৰ ক্ষেত্ৰখনলৈ অনবদ্য মৌলিক অৱদান আগবঢ়ায়।[15]
  • ১৯৯৫-২০০০ চনত ইটালিৰ ট্ৰিষ্টিত থকা তাত্ত্বিক পদাৰ্থ বিজ্ঞানৰ আন্তঃৰাষ্ট্ৰীয় কেন্দ্ৰৰ সহযোগী সদস্য।
  • ১৯৮৫ চনত ভাৰতীয় প্ৰযুক্তিবিদ্যা প্ৰতিষ্ঠান, কাণপুৰৰ পৰা "সাধাৰণ কুশলতা বঁটা" লাভ। এই বঁটাটো পাঁচবছৰীয়া পদাৰ্থ বিজ্ঞানৰ সমন্বিত প্ৰগ্ৰামত শ্ৰেষ্ঠ বিদায়ী শিক্ষাৰ্থীক প্ৰদান কৰা হয়।
  • ১৯৭৮-৮৫ চনত ৰাষ্ট্ৰীয় প্ৰতিভা সন্ধানী জলপানি লাভ।[16]

তথ্যসংগ্ৰহ[সম্পাদনা কৰক]

  1. "IAS - Women in Science". http://www.ias.ac.in/womeninscience/sudeshna.html#86। আহৰণ কৰা হৈছে: 6 April 2014. 
  2. 2.0 2.1 "sudeshna sinha". http://www.iitk.ac.in/dora/sudeshna-sinha। আহৰণ কৰা হৈছে: 25 February 2020. 
  3. 3.0 3.1 "Sudeshna Sinha is the woman who brought order in computing from chaos". https://www.hindustantimes.com/punjab/sudeshna-sinha-is-the-woman-who-brought-order-in-computing-from-chaos/story-Xx8U7FULwAo7w1tKqEXmzK.html। আহৰণ কৰা হৈছে: 25 February 2020. 
  4. "Curriculum Vitae". http://14.139.227.202/Faculty/sudeshna/cv_web.html. 
  5. https://www.imsc.res.in/~kapil/pers.html
  6. "Faculty listing". http://www.iisermohali.ac.in/faculty/dps/sudeshna. 
  7. "Publications". http://14.139.227.202/Faculty/sudeshna/publications_Sudeshna_Sinha.html. 
  8. "Chaos". https://aip.scitation.org/cha/info/editors. 
  9. https://www.hindustantimes.com/punjab/sudeshna-sinha-is-the-woman-who-brought-order-in-computing-from-chaos/story-Xx8U7FULwAo7w1tKqEXmzK.html
  10. https://www.iisermohali.ac.in/awards-recognitions/dps/dr-sudeshna-sinha
  11. "Fellowship of The World Academy of Sciences (TWAS)". https://twas.org/directory/sinha-sudeshna. 
  12. "J C Bose National Fellowship". http://www.serb.gov.in/pdfs/Results/Results_JCB-SEPT-15-Website%20-Upload.pdf. 
  13. "Fellowship of Indian National Science Academy". http://insaindia.res.in/detail/P15-1700. 
  14. "Fellowship of Indian Academy of Sciences". https://www.ias.ac.in/describe/fellow/Sinha,_Prof._Sudeshna. 
  15. "Birla Prize". https://www.isro.gov.in/update/18-dec-2001/b-m-birla-science-awards-announced. 
  16. http://14.139.227.202/Faculty/sudeshna/cv_web.html

বাহ্যিক সংযোগ[সম্পাদনা কৰক]