হিম’গ্ল’বিন

অসমীয়া ৱিকিপিডিয়াৰ পৰা
Jump to navigation Jump to search

হিম’গ্ল’বিন (Hemoglobin) তেজলোহিত কণিকাত থকা এবিধ প্ৰ’টিন যি তেজৰ ৰং ৰঙা কৰে৷ এই প্ৰ’টিনে হাওঁফাওঁৰ পৰা দেহৰ বাকীবোৰ অংশলৈ অক্সিজেন কঢ়িয়াই নিয়ে৷[1]

গঠন[সম্পাদনা কৰক]

হিম’গ্ল’বিনৰ প্ৰ’টিন অংশ দুডাল এমিন’ এছিডৰ শিকলিৰে গঠিত- আলফা আৰু বিটা৷ এই শিকলি দুডালৰ নিৰ্দিষ্ট সংখ্যক এমিন’ এছিড নিৰ্দিষ্ট ক্ৰমত সজ্জিত হৈ থাকে৷ [1]

প্ৰকাৰ[সম্পাদনা কৰক]

হিম’গ্ল’বিনৰ প্ৰকাৰ জিনৰ দ্বাৰা নিয়ন্ত্ৰিত হয় আৰু পিতৃপুৰুষৰ পৰা সন্তানলৈ আহে৷ প্ৰায়বোৰ লোকৰ হিম’গ্লবিন ’এ’ প্ৰকাৰৰ৷ সেয়ে ইয়াক প্ৰাপ্তবয়স্ক বা স্বাভাৱিক হিম’গ্ল’বিন বুলি কোৱা হয়৷ ’এ’ প্ৰকাৰ হিম’গ্ল’বিন থাকিলে ৰক্তকণিকাবোৰ মিহি, ঘুৰণীয়া আৰু দুয়োফালে অৱতল আকৃতিৰ হয়৷ এই নমনীয় আকৃতিয়ে ৰক্তনলীকাৰ মাজেদি সহজে অক্সিজেন প্ৰবাহত সহায় কৰে৷ ’ই; প্ৰকাৰৰ হিম’গ্ল’বিন সৰু, ভংগুৰ আৰু অক্সিজেন বহন ক্ষমতা কম হয়৷ [1]

জিনগত নিয়ন্ত্ৰণ[সম্পাদনা কৰক]

স্বাভাৱিক হিম’গ্ল’বিন প্ৰ’টিনৰ আলফা আৰু বিটা শিকলিৰ নিৰ্দিষ্ট সংখ্যা আৰু ক্ৰম Hba জিনে নিয়ন্ত্ৰণ কৰে৷ তেনেদৰে ’ই’ প্ৰকাৰৰ হিম’গ্ল’বিনৰ শিকলিৰ সংখ্যা নিয়ন্ত্ৰণ কৰে Hba জিনৰে এটা উৎপৰিৱৰ্ত্তিত ৰূপ Hgb জিনে৷ এই জিনত বিটা শিকলিৰ ২৬ নং অৱস্থানত থকা এমিন’ এছিড গ্লুটামিক এছিড লাইছিনলৈ ৰূপান্তৰিত হয়৷ ফলত এই হিম’গ্লবিন ত্ৰুটিপূৰ্ণ হয়৷ ইয়াৰ ফলত হিম’গ্ল’বিন ই ৰোগ দেখা দিয়ে৷ [1]

হিম’গ্ল’বিন বিসংগতিজনিত ৰোগ[সম্পাদনা কৰক]

  • হিম’গ্ল’বিন ’ই’ ৰোগ
  • হিম’গ্ল’বিন ছিকল ’ই’ ৰোগ
  • হিম’গ্ল’বিন ’ই বি’ থেলাছেমিয়া ৰোগ

তথ্যউৎস[সম্পাদনা কৰক]

  1. 1.0 1.1 1.2 1.3 ’আপোনাৰ হিম’গ্ল’বিন ’এ’ প্ৰকাৰৰ নে ’ই’ প্ৰকাৰৰ?-ড° অমিয়া ৰাজবংশী; পৃষ্ঠা ২৪-২৫; প্ৰান্তিক, ১৬ জানুৱাৰী, ২০১২