ৰাজীৱ বৰা

অসমীয়া ৱিকিপিডিয়াৰ পৰা
Jump to navigation Jump to search
ৰাজীৱ বৰা
জন্ম মাজুলী, যোগী গাঁও অসম
ভাষা অসমীয়া
ৰাষ্ট্ৰীয়তা ভাৰতীয়
নাগৰিকত্ব ভাৰতীয়
শিক্ষা ডিব্ৰুগড় বিশ্ববিদ্যালয়ৰ পৰা ১৯৯৩ চনত সাহিত্য শাখাত অসমীয়া বিভাগৰ স্নাতকোত্তৰ৷
বিষয় কবি, সমালোচক

ৰাজীৱ বৰা (১৯৭০-) একাধাৰে কবি, সমালোচক, সম্পাদক আৰু অধ্যাপক৷ তেওঁ নাজিৰা কলেজৰ অসমীয়া বিভাগৰ অধ্যাপক৷ তেওঁৰ এতিয়ালৈকে ৪ খন কবিতা পুথি প্ৰকাশ হৈছে৷ ইয়াৰোপৰি তেওঁৰ সম্পাদনাত বহুকেইখন কবিতাপুথি, প্ৰবন্ধ সংকলন প্ৰকাশ পাইছে৷ ‘অসমীয়া কবিতাঃ বিন্দুৰপৰা সিন্ধুলৈ’ শীৰ্ষক সম্পাদিত কবিতাৰ পুথিখন তেওঁৰ উল্লখযোগ্য কৃতি৷

জন্ম আৰু বংশ পৰিচয়[সম্পাদনা কৰক]

ৰাজীৱ বৰাৰ জন্ম মাজুলীৰ যোগী গাঁৱত, ১৯৭০ চনত৷ পিতৃৰ নাম ভুবন বৰা আৰু মাতৃৰ নাম তিলেশ্বৰী বৰা৷[1]

শিক্ষাগত অৰ্হতা[সম্পাদনা কৰক]

মাজুলীৰ মেড়াগড় নাৰায়ণদেৱ হাইস্কুলত সপ্তমমান শ্ৰেণীলৈকে অধ্যয়নৰ পাছত মাজুলীগড়মূৰ শ্ৰীশ্ৰী পীতাম্বৰদেৱ গোস্বামী হাইস্কুলৰ পৰা ১৯৮৫ চনত মেট্ৰিক, মাজুলী মহাবিদ্যালয়ৰ পৰা ক্ৰমে ১৯৮৭ চন আৰু ১৯৯০ চনত উচ্চতৰ মাধ্যামিক আৰু স্নাতক ডিগ্ৰী লাভ৷ ডিব্ৰুগড় বিশ্ববিদ্যালয়ৰ পৰা ১৯৯৩ চনত সাহিত্য শাখাত অসমীয়া বিভাগৰ স্নাতকোত্তৰ৷[2]

কৰ্মজীৱন[সম্পাদনা কৰক]

লক্ষীমপুৰ তেলাহী কমলাবৰীয়া মহাবিদ্যালয়, লক্ষীমপুৰ বাণিজ্য মহাবিদ্যালয়ত দুবছৰ অধ্যাপনা কৰাৰ অন্তত ১৯৯৭ চনৰপৰা নাজিৰা মহাবিদ্যালয়ত যোগদান আৰু বৰ্তমানেও এই মহাবিদ্যালয়তে অসমীয়া বিভাগৰ সহযোগী অধ্যাপক হিচাপে কৰ্মৰত৷ [3]

সাহিত্যৰাজি[4][সম্পাদনা কৰক]

  1. তটিনী তীৰৰ খেলা (কাব্য সংকলন, ২০০৫)
  2. ঢৌ (কাব্য সংকলন, ২০০৬)
  3. পানীভাওনা (কাব্য সংকলন, ২০১৩)
  4. এন্ধাৰতো ফুটে ফৰিং (কাব্য সংকলন, ২০১৭)

সম্পাদিত গ্ৰন্থ[সম্পাদনা কৰক]

  1. চিন্তা-পৰিক্ৰমা (প্ৰবন্ধ সংকলন,২০০৭)
  2. ত্ৰিপ্ৰসাদ (প্ৰবন্ধ সংকলন, ২০০৭)
  3. জন গণ মন মুকুতি (প্ৰবন্ধ সংকলন, ২০০৯)
  4. অসমীয়া কবিতা আৰু কথা সাহিত্যৰ আভাস (প্ৰবন্ধ সংকলন, ২০১১)
  5. বুকু হম হম কৰে (প্ৰবন্ধ সংকলন, ২০১১)
  6. অসমীয়া নাট্য-পৰম্পৰা আৰু চাৰিখন অসমীয়া নাটকঃ বিচাৰ আৰু বিশ্লেষণ (প্ৰবন্ধ সংকলন, ২০১৩)
  7. সন্ধিক্ষণৰ অসমীয়া কবিতা (নিৰ্বাচিত কবিতাৰ সংকলন, ২০১৭)
  8. সাত সমুদ্ৰত শঙ্খ বাজিছেনে নাই (প্ৰবন্ধ সংকলন, আনিছ উজ জামানৰ সৈতে, ২০১৭)
  9. অসমীয়া কবিতাঃ বিন্দুৰপৰা সিন্ধুলৈ (উদ্ভৱ কালৰপৰা সাম্প্ৰতিকলৈ অসমীয়া কবিতাৰ সংগ্ৰহ, ২০১৮)
  10. বিৱৰ্তন-অনুৱৰ্তন,২০১৯

বঁটা আৰু সন্মান[সম্পাদনা কৰক]

  1. সাহিত্য অকাডেমীয়ে কেৰেলাৰ কোচিত ০৬-১২-২০১৫ তাৰিখে অনুষ্ঠিত কৰা কবি সন্মিলনত অসমৰ হৈ অংশ গ্ৰহণ৷
  2. সাহিত্য অকাডেমীয়ে ত্ৰিপুৰাত ২৩-২৯ ডিচেম্বৰ, ২০১৭ তাৰিখে অনুষ্ঠিত কৰা ‘অভিব্যক্তি অনুষ্ঠানত' অসমৰ হৈ অংশ গ্ৰহণ৷
  3. ৰাজস্থানৰ জয়পুৰত অনুষ্ঠিত হোৱা সমান্তৰণ সাহিত্য উসৱ (PLF) ত ২৭-২৯ জানুৱাৰী, ২০১৯ তাৰিখে অনুষ্ঠিত অনুষ্ঠানত অসমৰ হৈ অংশ গ্ৰহণ৷
  4. কবিতাৰ ইংৰাজী, হিন্দী আৰু বঙলালৈ অনুবাদ হৈছে৷ সাহিত্য অকাডেমীৰ Journal, Indian Literature উপৰি ভাৰতীয় জ্ঞানপীঠ একাডেমীৰ Journalতো কবিতা প্ৰকাশ হৈছে৷ [5]
  5. সাতসৰী সাহিত্য বঁটা, ২০১৮

তথ্যসূত্ৰ[সম্পাদনা কৰক]

  1. অসমীয়া কবিতা বিন্দুৰপৰা সিন্ধুলৈ, পাঞ্চজন্য পাব্লিচাৰ্ছ, ২০১৮
  2. সন্ধিক্ষণৰ অসমীয়া কবিতা, সদৌ অসম কবি সন্মিলন, ২০১৭
  3. BHASKARJNATH.BLOGPOST.COM
  4. সন্ধিক্ষণৰ অসমীয়া কবিতা, সদৌ অসম কবি সন্মিলন, ২০১৭
  5. Indian Literature, Sahitya Akademies Bi-Monthly Journal, September/October, 2016, Vol-295