ৰিভ'লিউচন ২০২০
 | এই প্ৰবন্ধটোৰ সত্যাপনযোগ্যতা প্ৰমাণ কৰিবলৈ অধিক তথ্য-উৎসৰ প্ৰয়োজন। অনুগ্ৰহ কৰি বিশ্বাসযোগ্য উৎসৰ উল্লেখ কৰি প্ৰবন্ধটো উন্নত কৰাত সহায় কৰক। কিয়নো তথ্যৰ উৎসৰ উল্লেখ নকৰা প্ৰবন্ধক লৈ প্ৰশ্ন উঠিব পাৰে। অনুগ্ৰহ কৰি আলোচনা পৃষ্ঠাতো এই সম্পৰ্কীয় কিবা তথ্যৰ বাবে চক ফুৰাব।
অধিক সহায়ৰ বাবে কাষৰ "[দেখুৱাওক]" লিংকটোত ক্লিক কৰক।
উদ্ধৃতিৰ প্ৰয়োজনীয়তা এইবাবেই যে ৱিকিপিডিয়াত ব্যক্তিগত গৱেষণালব্ধ তথ্য গ্ৰহণযোগ্য নহয়, যদিহে ই কোনো নিৰ্ভৰযোগ্য উৎসৰ পৰা আহৰণ কৰা নহয়। মনত ৰাখিব যে ভুল তথ্যৰ বাবে পঢ়ুৱৈৰ ক্ষতিসাধন হ'ব পাৰে। তথাপিতো অসমীয়া ৱিকিপিডিয়া সৰু বাবে অনেক ক্ষেত্ৰত ঢিলাই দিয়া হয় বা কেতিয়াবা কেতিয়াবা দায়িত্বশীল সম্পাদকসকলৰ চকুৰ পৰা সাৰি যায় - তেতিয়া আপুনিয়েই প্ৰথম শাৰীত {{Reimprove}} বা {{Verify}} বুলি লিখি দিয়ে যেন। আনহাতে (অফলাইন) আলোচনীৰ বা বাতৰি কাকতৰ পৰা সহায় লৈ লিখা এটা প্ৰবন্ধৰ উত্সৰ সত্যতা নিৰূপন কৰিবৰ বাবে গৰিষ্ঠ সংখ্যক পাঠকৰ উপায় নাথাকে। তদুপৰি এই প্ৰক্ৰিয়াৰে কিছুমান দুষ্টলোকে ভুল ৰেফাৰেঞ্চৰেও পাঠকক দিগভ্ৰান্ত কৰি তুলিব পাৰে। অনলাইন উত্সৰ পৰা উদ্ধৃতিবোৰ দিলে এনে অসুবিধা নহয়। তেনে ক্ষেত্ৰত কোনোবাই আপত্তি কৰিলেও সত্যতা নিৰূপন কৰিবলৈ একো অসুবিধা নহয়। উল্লেখযোগ্য যে ব্যক্তিগত ব্লগৰ পৰা ৱিকিত উদ্ধৃতি দিয়া নিষেধ। |
| ৰিভ'লিউচন ২০২০: লাভ, কৰাপচন, এম্বিচন | |
|---|---|
 | |
| লেখক | চেতন ভগত |
| দেশ |  ভাৰত |
| ভাষা | ইংৰাজী |
| প্ৰকাৰ | কল্পিত কাহিনী |
| প্ৰকাশক | ৰূপা এণ্ড কোম্পানী |
| প্ৰকাশ | ২০১১ |
| মিডিয়া প্ৰকাৰ | মুদ্ৰণ |
| পৃষ্ঠা সংখ্যা | ২৯৬ |
ৰিভ'লিউচন ২০২০: লাভ, কৰাপচন, এম্বিচন (ইংৰাজী: Revolution 2020: Love, Corruption, Ambition)হৈছে চেতন ভগতৰ দ্বাৰা ৰচিত পঞ্চমখন উপন্যাস। উপন্যাসখনৰ সমগ্ৰ কাহিনীটো প্ৰেম, দুৰ্নীতি আৰু উচ্চাকাংক্ষা - এই ত্ৰিকোণীয়া ত্ৰিভুজৰ মাজত আৱদ্ধ।
পটকথা
[সম্পাদনা কৰক]এখন ঐতিহ্যপূৰ্ণ চহৰ বাৰাণসীত ইয়াৰ কাহিনীয়ে গঢ় লৈ উঠিছে। গোপাল, ৰাঘৱ আৰু আৰতি তিনিও বাল্যকালৰ বন্ধু। গোপালৰ মাক সৰুতেই ঢুকোৱাত স্কুল শিক্ষক বাপেকেই তুলি -তালি ডাঙৰ-দীঘল কৰিছিল। আৰতি প্ৰতিপত্তিশালী পৰিয়ালৰ ছোৱালী, ককাক এসময়ত উত্তৰ প্ৰদেশৰ মুখ্যমন্ত্ৰী আছিল আৰু তাইৰ বাপেক এজন প্ৰশাসনিয় বিষয়া আছিল। ইঞ্জিনিয়াৰ বাপেকৰ ছত্ৰছায়াত ৰাঘৱৰ পৰিয়ালৰো আৰ্থিক অৱস্থা স্বচ্ছল আছিল। তিনিও বন্ধুৰ নিজৰ নিজৰ জীৱনত বেলেগ বেলেগ লক্ষ্য আছিল। গোপাল ভৱিষ্যতে আৰ্থিক ভাৱে স্বচ্ছল হ'ব বিচাৰিছিল, ৰাঘৱে ৰাজনৈতিক জীৱনত প্ৰিৱৰ্তন আনিব বিচাৰিছিল আৰু আৰতিয়ে এগৰাকী বিমান পৰিচাৰিকা হ'ব বিচাৰিছিল। গোপাল সৰ্বভাৰতীয় প্ৰৱেশ পৰীক্ষাত অৱতীৰ্ণ হৈও ভাল কলেজ এখনত নামভৰ্তি কৰিবলৈ বিফল হ'ল। আকোঁৰগোজ বাপেকে পুনৰ পিছৰ বছৰ সৰ্বভাৰতীয় প্ৰৱেশ পৰীক্ষাত অৱতীৰ্ণ হ'বৰ বাবে ক'চিঙ ল'বৰ বাবে ধাৰ-ঋণ কৰি হ'লেও ৰাজস্থানৰ কোটালৈ পঠাই দিলে। আনহাতে, ৰাঘৱে এই প্ৰৱেশ পৰীক্ষাত ভাল ফল দেখুৱাই "বেনাৰস হিন্দু ইনিভাৰ্ছিটিৰ ইনষ্টিটিউট অফ টেকন'লজি"ত নামভৰ্তি কৰিলে। ৰাঘৱে ইয়াৰ দ্বাৰাই এজন সাংবাদিক হৈ ভাৰতৰ ৰাজনীতিত এক বিপ্লৱৰ সূচনা কৰিব বিচাৰিছিল। কোটাত থাকোঁতেই গোপালে গম পালে যে ৰাঘৱ আৰু আৰতিৰ মাজত প্ৰেমৰ অংকুৰণ ঘটিছিল। এই কথাই গোপালৰ অন্তৰ দহি-পুৰি মাৰিছিল। কাৰণ, গোপালে আগৰপৰাই আৰতিক অন্তঃকৰণেৰে ভাল পাইছিল। ইয়াৰ ফলত মানসিকভাৱে ভাগি পৰিছিল আৰু পুনৰ সৰ্বভাৰতীয় প্ৰৱেশ পৰীক্ষাত বিফল হ'ল। অস্থিৰ বাপেকে এই কথা সহ্য কৰিব নোৱাৰি মৃত্যুবৰণ কৰিলে। বিধিৰ বিপাকত স্থানীয় বিধায়ক শুক্লাজীৰ লগত গোপালৰ সংযোগ ঘটিল। শুক্লাৰ ক'লা ধনৰ জোৰত গোপালে তাৰ পৈতৃক খেতি মাটিৰ ওপৰত এখন আটক ধুনীয়া "ইঞ্জিনিয়াৰিঙ কলেজ" স্থাপন কৰিলে। চফল ডেকা অৱস্থাতে গোপাল ইয়াৰ ডাইৰেক্টৰ হৈ প্ৰতিপত্তিশীল হৈ উঠিল। বিধায়ক শুক্লাৰ কবলত পৰি লাহে লাহে গোপালে দুৰ্নীতিৰ সৈতে সহজে আপোচ কৰিবলৈ ল'লে। ইঞ্জিনিয়াৰিঙ পাছ কৰাৰ পাছত আন কাম নিবিছাৰি ৰাঘৱে সাংবাদিকতাৰ ক্ষেত্ৰখন বাছি লৈছিল। বিতৰ্কিত ভূমিৰ ওপৰত কলেজ নিৰ্মাণৰ বিষয়ে ৰাঘৱে এক প্ৰতিৱেশন দাখিল কৰাত কলেজখনৰলৈ বিপৰ্য্যয় নামি আহিছিল। এনে পৰিপেক্ষতাত শুক্লাৰ উচতনিত গোপালে ৰাঘৱক সি কাম কৰা "দৈনিক" কাকত খনৰপৰা অপসাৰিত কৰিলে। ইয়াৰ পাছত ৰাঘৱে নিজে “ৰিভ'লিউচন ২০২০” নামৰ বাতৰি কাকত এখন প্ৰকাশ কৰিলে। সততা আৰু যুক্তিৰ ওপৰত নিৰ্ভৰ কৰি ৰাঘৱে "গংগা একচন প্লেন"ৰ এক দুৰ্নীতি সম্পৰ্কীয় দাখিল কৰাত শুক্লাজীয়ে জেল ভাত খাবলগীয়া হ'ল। ইতিমধ্যে আৰতিয়ে বাৰানসীৰে তাৰকা হোটেল "ৰামদা"ত গেষ্ট ৰিলশ্যন ট্ৰেইনী স্বৰূপে কামত যোগদান কৰিছিল। কামত ব্যস্ত থকাৰ বাবে ৰাঘৱে আৰতিক আগৰ দৰে সময় দিব নোৱাৰিছিল। কিন্তু হাজাৰ কামৰ মাজতো অৱকাশ উলিয়াই গোপালে আৰতিক সংগ সুখ দিছিল আৰু নিজেও অনুৰূপ সুখ লৈছিল। অচিৰেই গোপালে তাৰ নিজৰ ভুল উপলব্ধি কৰিছিল আৰু জোৰ কৰি আৰতিক ৰাঘৱৰ কাষৰ পৰা আঁতৰাই অনাটো তাৰ ভুল বুলি অনুভৱ কৰিলে। গোপালে ইচ্ছাকৃতভাৱে এক নাটকীয় পৰিস্থিতিৰ মাজেৰে তাৰ প্ৰতি ঘৃণাৰ ভাৱ সৃষ্টি কৰি তাৰ জীৱনৰপৰা আৰতিক চিৰবিদায় দিলে। প্ৰত্যাশিত ভাৱেই কিছুদিন পিছতেই ৰাঘৱ আৰু আৰতিৰ বিবাহ সম্পন্ন হ'ল।
লগতে চাওক
[সম্পাদনা কৰক]- টু ষ্টেটচ্: দ্য ষ্ট'ৰি অফ মাই মেৰেজ
- ফাইভ পইণ্ট চামৱান - হোৱাট নট টু দু এট আই.আই.টি.
- দ্য থ্ৰি মিচটেকচ অফ মাই লাইফ
তথ্য সংযোগ
[সম্পাদনা কৰক]বাহ্যিক সংযোগ
[সম্পাদনা কৰক]- সমালোচনা
- Rituparna Chatterjee Review Archived 2011-10-19 at the Wayback Machine, IBN Live
- Daily Bhaskar Review
| |||||||||||