ৰুবুল দাস

অসমীয়া ৱিকিপিডিয়াৰ পৰা
Jump to navigation Jump to search

ৰুবুল দাস (ইংৰাজী: Rubul Das) অসমৰ এগৰাকী লেখক তথা সাংবাদিক। ২০০০ চনৰ পৰাই সক্ৰিয় সাংবাদিকতাৰ সৈতে জড়িত ৰুবুল দাসে সম্প্ৰতি প্ৰথম খবৰ[1]ৰ সম্পাদক হিচাপে কাৰ্যনিৰ্বাহ কৰি আছে। ইয়াৰ পূৰ্বে তেওঁ অসমীয়া খবৰ[2], নিউজ লাইভ[3], আছাম টকছ [4] আদি বাতৰি কাকত আৰু নিউজ চেনেলৰ সৈতে জড়িত আছিল।

ৰুবুল দাস
জন্ম ৰুবুল দাস
১৯৮৪
ৰঙিয়া
পেচা লেখক, সাংবাদিক
ভাষা অসমীয়া
ৰাষ্ট্ৰীয়তা ভাৰতীয়

সাংবাদিকতা[সম্পাদনা কৰক]

হাইস্কুলীয়া দিনৰেপৰা সাংবাদিকতাৰ সৈতে জড়িত হৈ পৰে তেওঁ। ২০০০ চনত ৰঙিয়াৰপৰা প্ৰকাশিত ‘অন্বয়’ নামৰ আলোচনীখনৰ সম্পাদনা সমিতিত এবছৰৰ বাবে জড়িত হৈ থকাৰ পিছত সাপ্তাহিক পৰিৱৰ্তন নামৰ সাপ্তাহিক কাকতখনৰ সৈতে জড়িত হৈ পৰে। পৰৱৰ্তী সময়ত তেওঁ গুৱাহাটীত অসমীয়া খবৰ কাকতত যোগদান কৰে। ইয়াৰ পিছতে অধুনালুপ্ত বঙাইগাঁও ক্লাছিফাইড (ইংৰাজী: Bongaigaon Classified) নামৰ কাকত এখনত কিছুদিনৰ বাবে কাম কৰে।

২০০৮ চনত তেওঁ নিউজ লাইভত এজন সাংবাদিক হিচাপে যোগদান কৰে। ২০১৫ চনত আছাম টকছ মুকলি নোহোৱা পৰ্যন্ত তেওঁ নিউজ লাইভত সাংবাদিকতা কৰে। ২০১৭ চনত প্ৰথম খবৰৰ প্ৰতিষ্ঠাপক সম্পাদক হিচাপে যোগদান কৰে ৰুবুল দাসে।

সাহিত্যকৃতী[সম্পাদনা কৰক]

সাংবাদিকতাৰ সমান্তৰালভাৱে সাহিত্যতো সমানেই দখল আছে ৰুবুল দাসৰ। নিয়মীয়াকৈ গল্প-প্ৰবন্ধ লিখি অহা দাসৰ সম্পাদনাত বালিমাহী প্ৰকাশনে প্ৰকাশ কৰি উলিয়াইছে এখন গ্ৰন্থ। [5]

ছদ্মনাম[সম্পাদনা কৰক]

অনুৰণন আদিত্য ছদ্মনামেৰে তেওঁ লিখি আহিছে বিভিন্ন গল্প। সাতসৰী আলোচনীত প্ৰকাশ পোৱা ছাইন’ এট্ৰিয়েল নোডৰ ভগৱান শীৰ্ষক গল্পটোৱে পাঠকৰ মনত এক নতুন চিন্তাৰ অৱকাশ দিছে বুলি বহু পাঠকে মন্তব্য কৰিছে। [6] নীলিম আকাশ কাশ্যপৰ সৈতে বনলতা প্ৰকাশনে প্ৰকাশ কৰি উলিয়াইছে তেওঁৰ নেতাজীঃ দুৰ্ঘটনা নহয় হত্যা! শীৰ্ষক গ্ৰন্থখন। [7]

তথ্যসূত্ৰ[সম্পাদনা কৰক]

  1. http://prathamkhabar.com
  2. http://www.assamiyakhabor.com
  3. http://newslivetv.org/
  4. http://www.assamtalks.com/
  5. http://prathamkhabar.com/2017/11/%E0%A6%A6%E0%A7%80%E0%A6%A8%E0%A6%A6%E0%A7%9F%E0%A6%BE%E0%A6%B2-%E0%A6%95%E0%A7%8B%E0%A6%A8-%E0%A6%8F%E0%A6%95-%E0%A6%AA%E0%A7%B0%E0%A7%8D%E0%A6%AF%E0%A7%8D%E0%A6%AF%E0%A6%BE%E0%A6%B2%E0%A7%8B/#.Wq0MfsNubDc
  6. http://prathamkhabar.com/2017/04/%E0%A6%9B%E0%A6%BE%E0%A6%87%E0%A6%A8-%E0%A6%8F%E0%A6%9F%E0%A7%8D%E0%A7%B0%E0%A6%BF%E0%A7%9F%E0%A7%87%E0%A6%B2-%E0%A6%A8%E0%A7%8B%E0%A6%A1%E0%A7%B0-%E0%A6%AD%E0%A6%97%E0%A7%B1%E0%A6%BE/#.Wq0ROcNubDc
  7. https://banalata.in/home/62-netaji-durghotona-nohoi-mrityu.html?search_query=netaji&results=1