অসমীয়া খবৰ (ইংৰাজী: Asomiya Khabar) হৈছে এখন অসমীয়া ভাষাৰ দৈনিক বাতৰি কাকত। বাতৰি কাকতখনৰ গুৱাহাটী আৰু যোৰহাট এই দুই সংস্কৰণ একেসময়তে প্ৰকাশিত হয়। শংকৰ লস্কৰ হৈছে এই কাকতখনৰ সম্পাদক আৰু বিশ্বজিৎ দাস কাৰ্যবাহী সম্পাদক।[1]
এই অসমীয়া দৈনিক কাকতখনে অসমক কেন্দ্ৰ কৰি সমগ্ৰ উত্তৰ পূব ভাৰতৰ বিষয়ে লগতে কিছু পৰিমাণে আন্তৰ্জাতিক বা-বাতৰি, আলোকচিত্ৰ আদি পৰিবেশন কৰি আহিছে। এই কাকতখনে ইণ্টাৰনেট সংস্কৰণো মুকলি কৰিছে। কাকতখনত মূলতঃ ১২খন পৃষ্ঠা সন্নিবিষ্ট থাকে, য’ত প্ৰত্যেক পৃষ্ঠা অনুসৰি বাতৰিৰ প্ৰকাৰবোৰ শ্ৰেণীকৰণ কৰা হয়। পৃষ্ঠাসমূহ সাধাৰণতে আঞ্চলিক বাতৰি, সম্পাদকীয় শিতান, সাহিত্য, আন্তৰ্জাতিক বাতৰি, ক্ৰীড়া-জগত আদি বিভিন্ন ভাগত বিভক্ত থাকে। ইয়াৰোপৰি কাকতখনৰ সাপ্তাহিক পৰিপূৰিকা দেওবৰীয়া খবৰ প্ৰতি দেওবাৰে প্ৰকাশ কৰা হয়।
