প্ৰান্তিক

*প্ৰান্তিক*
	; প্ৰান্তিকৰ ল’গ’
সম্পাদক	প্ৰদীপ বৰুৱা
পূৰ্বৰ সম্পাদক	ড. ভবেন্দ্ৰ নাথ শইকীয়া; (প্ৰতিষ্ঠাপক মূখ্য সম্পাদক)
মাহেকীয়া/পষেকীয়া	পষেকীয়া
প্ৰকাশক	প্ৰদীপ বৰুৱা
প্ৰথম সংখ্যা	১ ডিচেম্বৰ ১৯৮১
দেশ	ভাৰত
ভাষা	অসমীয়া

প্ৰান্তিক অসমৰ গুৱাহাটীৰ পৰা প্ৰকাশিত বিভিন্ন বিষয়ৰ একাধিক নিয়মীয়া শিতান অথবা নিত্য-নতুন প্ৰৱন্ধ সন্নিবিষ্ট এখন অসমীয়া পষেকীয়া আলোচনী৷ ১৯৮১ চনত পোনপ্ৰথমে প্ৰকাশ পোৱা এই আলোচনীখনৰ প্ৰতিষ্ঠাপক সম্পাদক আছিল প্ৰয়াত ড° ভবেন্দ্ৰ নাথ শইকীয়া৷

সমাজখনৰ সকলোবোৰ ক্ষেত্ৰৰ বিষয় সামৰি যেতিয়া প্ৰান্তিকৰ যাত্ৰা আৰম্ভ হৈছিল, অসমীয়া পাঠকে ইয়াক আদৰেৰে গ্ৰহণ কৰিছিল৷^{[উদ্ধৃতিৰ প্ৰয়োজন]} প্ৰথমে মাত্ৰ প্ৰতিষ্ঠিত লিখকৰ লিখনিৰে আৰম্ভ হোৱা^{[উদ্ধৃতিৰ প্ৰয়োজন]} প্ৰান্তিকে খুব সোনকালেই নতুন সকলক আদৰি লৈছিল আৰু অসমীয়া সাহিত্য জগতত এচাম ন-লিখক আৰু সাংবাদিকৰ সৃষ্টি কৰিছিল৷ অসমীয়া সাহিত্যৰ কেইবাজনো প্ৰতিষ্ঠিত লিখক আৰু সাংবাদিক যেনে ফনীন্দ্ৰ কুমাৰ দেৱচৌধুৰী, পৰাগ কুমাৰ দাস, হিৰণ্য কাশ্যপ আদি সকলে প্ৰান্তিকেৰে সাহিত্য-জীৱন আৰম্ভ কৰিছিল৷^{[উদ্ধৃতিৰ প্ৰয়োজন]}

অসমৰ সাহিত্য জগতত প্ৰান্তিকে পোৱা আজিৰ সুকীয়া আৰু নিজস্ব স্থানৰ মূল কাৰণ আছিল ইয়াৰ প্ৰতিষ্ঠাপক সম্পাদক ড° ভবেন্দ্ৰ নাথ শইকীয়াৰ পাণ্ডিত্য আৰু প্ৰান্তিকৰ বাবে তেওঁ কৰা অসীম কষ্ট৷

সূচী

1 পত্ৰালাপ
2 শেষপৃষ্ঠা
3 প্ৰান্তিকৰ জনপ্ৰিয় ধাৰাবাহিক উপন্যাসসমূহ
4 লগতে চাওক
5 তথ্য সংগ্ৰহ
6 বাহ্যিক সংযোগ

পত্ৰালাপ[সম্পাদনা কৰক]

প্ৰান্তিকৰ জনপ্ৰিয় নিয়মীয়া শিতানসমূহৰ ভিতৰত পত্ৰালাপ অন্যতম ৷ পঢ়োৱৈসকলৰ বিভিন্ন চিঠি-পত্ৰ এই শিতানটোত প্ৰকাশ কৰা হয় ৷ জনসাধাৰণৰ অভাৱ-অভিযোগ, আবেগ-অনুভূতি আদিৰে পৰিপূৰ্ণ, বিভিন্ন গুৰুত্বপূৰ্ণ তথ্য সংযোজিত চিঠিসমূহ প্ৰকাশিত হোৱা এই শিতানটোৱে পাঠকক এক ভিন্ন ৰস প্ৰদান কৰে ৷ সেয়ে এই শিতানটোক এক জনমঞ্চও বুলিব পাৰি ৷ পত্ৰলেখক সকলে চিঠি-পত্ৰৰ যোগেদিয়েই কেতিয়াবা কোনো এক বিষয়ৰ আঁত ধৰি বহুতো যুক্তিপূৰ্ণ কথা-বাৰ্তা এই শিতানত দাঙি ধৰে।

শেষপৃষ্ঠা[সম্পাদনা কৰক]

১৯৮১ চনৰ ছেপ্তেম্বৰ/অক্টোবৰ মাহত প্ৰান্তিক আলোচনীৰ আৰ্হি প্ৰস্তুত কৰোঁতে ইয়াৰ শেষ পৃষ্ঠাটোৰ নাম "শেষ পৃষ্ঠা" য়ে ৰখা হৈছিল,^[1] প্ৰতিষ্ঠাপক মূখ্য সম্পাদক ভবেন্দ্ৰ নাথ শইকীয়াৰ কলমেৰে সেই সময়ৰ সাম্প্ৰতিক সমাজৰ বিভিন্ন বিষয়ৰ ওপৰত আলোকপাত কৰি প্ৰতি সংখ্যাতে একোটাকৈ প্ৰৱন্ধ প্ৰকাশ পাইছিল। ভবেন্দ্ৰ নাথ শইকীয়াৰ মৃত্যুৰ পাছত বৰ্তমান এই শিতানটোত তেখেতৰ ডায়েৰিৰ পৃষ্ঠা সমূহ প্ৰকাশ পাই আহিছে । ইতিমধ্যে শেষপৃষ্ঠাৰ কথাবোৰ কিতাপ আকাৰে একে নামেৰে তিনিটা খণ্ডত প্ৰকাশ পাইছে। প্ৰান্তিকৰ জন্মৰ একাদশ বছৰৰ পৰা শেষপৃষ্ঠাৰ ওপৰিও সম্পাদকীয় প্ৰকাশ পাবলৈ লয়।