ৰূপহী কনিষ্ঠ মহাবিদ্যালয় (বাক্সা)

ৰূপহী কনিষ্ঠ মহাবিদ্যালয়
লেটিন: Rupahi Jr College
স্থাপিত	২০১৫
অধ্যক্ষ	শ্ৰীযতীন বডো
স্থান	বাক্সা, অসম, ভাৰত
ভুক্তি	অসম উচ্চতৰ মাধ্যমিক শিক্ষা সংসদ

ৰূপহী কনিষ্ঠ মহাবিদ্যালয় (ইংৰাজী: Rupahi Jr. College) হৈছে বাক্সাৰ ৰূপহীত অৱস্থিত এখন উচ্চতৰ মাধ্যমিক শিক্ষা প্ৰতিষ্ঠান। ২০১৫ চনত স্থাপিত মহাবিদ্যালয়খন অসম উচ্চতৰ মাধ্যমিক শিক্ষা সংসদ ৰ সৈতে সুন্দৰ সংযুক্ত আৰু সেউজীয়া পথাৰৰ পৰিৱেশেৰে আবেষ্টিত।

ইতিহাস

২০১৫ চনত বাক্সাৰ ৰূপহী অঞ্চলক শিক্ষাৰ জ্যোতিৰে আলোকিত কৰিবলৈ ৰূপহী কনিষ্ঠ মহাবিদ্যালয় প্ৰতিষ্ঠা কৰা হৈছিল। ভৌগোলিকভাৱে অন্য অঞ্চলৰপৰা পৃথকী কৰণ আৰু সেই অঞ্চলৰ লোকৰ শিক্ষাৰ অনগ্ৰসৰতাৰ বাবে এখন উচ্চ শিক্ষাৰ প্ৰতিষ্ঠান আৰম্ভ কৰাটো জৰুৰী হৈ পৰিছিল। বৰ্তমান সময়ত মূলসূঁতিৰ সৈতে সংলগ্ন হৈ আগবাঢ়ি যোৱাটো এক প্ৰত্যাহ্বান স্বৰূপ হৈ পৰিছিল। এচাম সচেতন লোক আৰু সমাজ সেৱকে উপলব্ধি কৰিছিল যে কেৱল শিক্ষাৰদ্বাৰা হে ই সম্ভৱ।

পাঠ্যক্ৰম

মহাবিদ্যালয়খনে উচ্চতৰ মাধ্যমিক(কলা) পাঠ্যক্ৰম আগবঢ়ায়। তদুপৰি সময়ে সময়ে কেৰিয়াৰ কাউন্সেলিং, আলোচনাচক্ৰ,অনুপ্ৰেৰণামূলক আলোচনা আয়োজন কৰে আৰু শিক্ষাৰ্থীসকলক কেৰিয়াৰ গঢ়াত সহায় কৰাৰ বাবে প্ৰস্তুত কৰা পাঠ্যক্ৰম আৰম্ভ কৰিছে।

পুথিভঁৰাল

মহাবিদ্যালয়খনে বিভিন্ন পদ্ধতিৰ শিক্ষাদানৰ লগতে পুথিভঁৰালৰ সুবিধাও আগবঢ়ায়।