কাৰ্টুন

অসমীয়া ৱিকিপিডিয়াৰ পৰা
আধুনিক কাৰ্টুনৰ উদাহৰণ। চিত্ৰৰ কথাখিনি কাৰ্টুনিষ্ট গ্ৰেগ উইলিয়ামচে ইং ৱিকিৰ ডঃ চিউচ নামৰ প্ৰবন্ধৰ পৰা লৈছে।

কাৰ্টুন হৈছে সমসাময়িক ঘটনাৰ এটা ব্যংগৰূপ । কাৰ্টুন শব্দটো মূলঃ ইংৰাজী শব্দ যদিও অসমীয়াটো ই কাৰ্টুন নামেৰে ব্যৱহৃত আৰু জনপ্ৰিয় । কাৰ্টুনৰ যোগেদি একোটা ঘটনাৰ পৰা হ'ব পৰা ৰাজহুৱা, ৰাজনৈতিক, সামাজিক বা অৰ্থনৈতিক প্ৰতিক্ৰিয়াসমূহৰ আগতীয়া উমান দিয়া হয় । ৰৈখিক চিত্ৰ পদ্ধতিৰ দ্বাৰা চলচ্চিত্ৰ বা বাতৰিকাকতৰ জৰিয়তে কাৰ্টুনে মানুহক সকলো ধৰণৰ পৰিস্থিতিৰ ব্যগাত্মক বিশ্লেষণ দিব পাৰে ।

বাতৰিকাকতত ওলোৱাৰ আগৰে পৰাই কাৰ্টুন প্ৰচলিত হৈ আহিছে । পুৰণি কালত ইউৰোপৰ কিছুমান দেশত মানুহে কাঠত বা দেৱালতো কাৰ্টুন আঁকিছিল । বহুতে আকৌ কাঠৰ ফলি বা দেৱালয়ত ব্যংগ চিত্ৰৰ উপৰি বিভিন্ন কাহিনী আঁকিছিল । আমাৰ দেশৰ মঠ-মন্দিৰবোৰত এনে চিত্ৰ প্ৰচুৰ পৰিমাণে দেখা যায় । পূৰাণ-ভাগৱত, মহাভাৰত- ৰামায়ণ আদিৰ কাহিনী এই চিত্ৰবোৰত অঁকা থাকে ।