অখিল ভাৰতীয় আয়ুৰ্বিজ্ঞান প্ৰতিষ্ঠান, গুৱাহাটী

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
অখিল ভাৰতীয় আয়ুৰ্বিজ্ঞান প্ৰতিষ্ঠান, গুৱাহাটী
স্থাপিত ১২ জানুৱাৰী ২০২১
ধৰণ ৰাজহুৱা
সভাপতি অধ্যাপক ডাঃ চিত্রা চৰকাৰ
সঞ্চালক অধ্যাপক ডাঃ গীতাঞ্জলি বাটমানাবানে
শিক্ষাৰ্থী ৫০
স্নাতক শিক্ষাৰ্থী ৫০
স্থান চাংচাৰি, অসম, ভাৰত
26°15′08″N 91°41′44″E / 26.2523°N 91.6956°E / 26.2523; 91.6956স্থানাংক: 26°15′08″N 91°41′44″E / 26.2523°N 91.6956°E / 26.2523; 91.6956
ৱেবছাইট aiimsguwahati.ac.in

অখিল ভাৰতীয় আয়ুৰ্বিজ্ঞান প্ৰতিষ্ঠান, গুৱাহাটী চমুকৈ এইমছ গুৱাহাটী অসমকামৰূপ জিলাৰ চাংচাৰিত অৱস্থিত এখন ৰাজহুৱা চিকিৎসা প্ৰতিষ্ঠান। ২০১৭ চনৰ ২৬ মে' তাৰিখে ভাৰতৰ প্ৰধানমন্ত্ৰী নৰেন্দ্ৰ মোদীয়ে ইয়াৰ আধাৰশিলা স্থাপন কৰিছিল।[1] ২০২১ চনৰ ১২ জানুৱাৰী তাৰিখে ভাৰতীয় কেন্দ্ৰীয় স্বাস্থ্যমন্ত্ৰী হৰ্ষ বৰ্ধনে ভিডিঅ' কনফাৰেন্সৰ যোগেৰে এইমছ গুৱাহাটীৰ পাঠদানৰ উদ্বোধন কৰে।[2] প্ৰথম পৰ্যায়ত ইয়াত চিকিৎসা বিজ্ঞানৰ স্নাতক পাঠ্যক্ৰমৰ ৫০ আসনৰ ব্যৱস্থা আছে। বৰ্তমান ই ভঙাগড়ত অৱস্থিত গুৱাহাটী চিকিৎসা মহাবিদ্যালয়ৰ অস্থায়ী চৌহদৰ পৰা পৰা কাম-কাজ আৰম্ভ কৰা হৈছে। ওড়িশাৰ সৰ্বভাৰতীয় চিকিৎসা বিজ্ঞান প্ৰতিষ্ঠান, ভুৱনেশ্বৰ বা চমুকৈ এইমছ ভুৱনেশ্বৰ হৈছে এইমছ গুৱাহাটীৰ মেণ্টৰ।

শিক্ষা[সম্পাদনা কৰক]

২০২১ চনৰ ১২ জানুৱাৰীত তদানীন্তন কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰী ড. হৰ্ষ বৰ্ধনে শিক্ষাৰ্থীসকলৰ প্ৰথম দলৰ বাবে শৈক্ষিক কাৰ্যসূচী উদ্বোধন কৰিছিল। ২০২০-২১ শিক্ষাবৰ্ষত কাৰ্যকৰী হোৱা চাৰিখন এইমছৰ ভিতৰত ৫০ জন এমবিবিএছ শিক্ষাৰ্থীৰ সৈতে প্ৰতিষ্ঠানখনে শিক্ষাবৰ্ষ আৰম্ভ কৰে।[2]

সেৱাসমূহ[সম্পাদনা কৰক]

প্ৰতিষ্ঠানটোত ২৫ টাতকৈ অধিক বিশেষত্ব আৰু চুপাৰ-স্পেচিয়েলিটি বিভাগৰ সৈতে বহিৰ্বিভাগৰ সেৱা আৰু ৰোগ নিৰ্ণয় সেৱাৰ বাহিৰে ৭৫০ বিচনাযুক্ত চিকিৎসালয় থাকিব। আয়ুষৰ অধীনত সেৱা প্ৰদানৰ বাবে এক পৃথক সুবিধাও উপলব্ধ হ'ব।

তথ্য উৎস[সম্পাদনা কৰক]