অচিন মোমাইদেউ

অসমীয়া ৱিকিপিডিয়াৰ পৰা
Jump to navigation Jump to search
অচিন মোমাইদেউ
জন্ম অমল দত্ত
শিৱসাগৰ
ৰাষ্ট্ৰীয়তা ভাৰতীয়
জনা যায় ডেম পেহাৰ দূৰবীণ, পিংক্ৰিফু
পিতৃ-মাতৃ তোষেশ্বৰ দত্ত আৰু কনকলতা দত্ত


অচিন মোমাইদেউ অসমৰ এগৰাকী প্ৰখ্যাত শিশু সাহিত্যিক৷ এখেতৰ আচল নাম অমল দত্ত৷

জন্ম আৰু পৰিয়াল[সম্পাদনা কৰক]

১৯৪৭ চনৰ ১৯ এপ্ৰিলত শিৱসাগৰত অমল দত্তৰ জন্ম হয়৷ তেখেতৰ পিতৃ আছিল প্ৰখ্যাত এডভোকেট তোষেশ্বৰ দত্ত আৰু মাতৃ আছিল কনকলতা দত্ত৷

শিক্ষা আৰু শৈশৱ[সম্পাদনা কৰক]

শিৱসাগৰত স্কুলীয়া শিক্ষা সম্পূৰ্ণ কৰি ১৯৬৫ চনত তেখেতে বিজ্ঞান শাখাত উচ্চতৰ মাধ্যমিক উত্তীৰ্ণ হৈ কটন মহাবিদ্যালয়ৰ পৰা বুৰঞ্জীত অনাৰ্চসহ বিএ পাছ কৰে৷ ১৯৭০ চনত তেখেতে বেনাৰছ হিন্দু ইউনিভাৰ্ছিটিৰ পৰা বুৰঞ্জী বিষয়ত প্ৰথম শ্ৰেণীৰ প্ৰথম হৈ স্নাতকোত্তৰ ডিগ্ৰী লাভ কৰে৷

কৰ্মজীৱন[সম্পাদনা কৰক]

স্নাতকোত্তৰ পাছ কৰি তেখেতে বেনাৰছ হিন্দু ইউভাৰ্ছিটিতে প্ৰবক্তা হিচাপে ১৯৭৮ চনলৈ কাম কৰে৷ তেতিয়াই তেখেতে পিএইচডিৰ গৱেষণাৰ কাম আৰম্ভ কৰে যদিও ব্যক্তিগত মনোমালিন্যৰ বাবে সেই কাম বাদ দিয়ে৷ তাৰ কিছুদিন পিছত তেখেতে প্ৰবক্তাৰ চাকৰিটোও বাদ দিয়ে৷

১৯৮১ চনৰ পৰা ১৯৮৬ চনলৈ তেখেতে দিছপুৰৰ ’আছাম ষ্টেট আৰ্কাইভ’ত যোগদান কৰে৷ মাজতে কিছুদিন তেখেতে ’ব’ৰ্ডাৰ এৰিয়া ডেভেলপমেণ্ট’ বিভাগত যুটীয়া সঞ্চালক হিচাপেও কাম কৰে৷ পিছলৈ তেখেতে ’অসমৰ ভাষা প্ৰয়োগ সঞ্চালকালয়’ত যোগ দিছিল৷ তাত কাম কৰি থকা সময়ত তেখেত ’চলন্তিকা অভিধান’ৰ সহযোগী সম্পাদক হিচাপে কাম কৰিছিল৷

১৯৯৪ চনত তেখেতে চৰকাৰী কামৰ পৰা অব্যাহতি লয়৷

ইয়াৰ পিছত অসমৰ ভূতপূৰ্ব মুখ্যমন্ত্ৰী হিতেশ্বৰ শইকীয়াৰ নামত গঠিত হিতেশ্বৰ শইকীয়া ফাউণ্ডেশ্যনৰ সৈতে ১৯৯৯ চনলৈ ঘনিষ্ঠভাৱে কাম কৰিছিল৷

তেখেত 'সাদিন’ কাকতৰ ’সাদিনৰ চোতাল’ৰ সম্পাদক হৈ মৃত্যুৰ সময়লৈকে ইয়াৰ লগত জড়িত হৈ আছিল৷ এই সময়ছোৱাতে তেখেতে 'Intra-Vision' নামৰ ব্যক্তিগত খণ্ডৰ কোম্পানী এটাতো যোগ দিছিল৷

২০০৫ চনত কম সময়ৰ বাবে তেখেত শিশু আলোচনী ’সঁফুৰা’ৰ সম্পাদকৰূপেও কাৰ্য্যনিৰ্বাহ কৰিছিল৷

গ্ৰন্থপঞ্জী[সম্পাদনা কৰক]

কিতাপ[সম্পাদনা কৰক]

অচিন মোমাইদেউ ছদ্মনামেৰে তেখেতে ’ডেম পেহাৰ দূৰবীণ’, ’পিজিৰ সপোন’, ’কণদাইটিৰ সাধু’, ’পিং ক্ৰি ফু’, শিশু উপযোগী পদ্য ’বিং বং’,ৰ লগতে কিৰিটি দত্ত নামেৰে H.P. Levcraftৰ ভৌতিক কাহিনী ’কেচ অব চাৰ্লছ ডেক্সটাৰ ৱাৰ্ড’ নামৰ কিতাপখন ’বীভৎসু’ নামেৰে অসমীয়ালৈ অনুবাদ কৰিছিল৷ ইয়াৰ উপৰিও তেখেতে চুচেন বৰপাত্ৰ, বিপুল কলিতা, বলদেৱ পণ্ডিত ছদ্মনামেৰে নানা সামাজিক, ঐতিহাসিক আৰু ৰাজনৈতিক প্ৰবন্ধ লিখিছিল৷ কেইবাখনো মঞ্চনাটৰ পাণ্ডুলিপি প্ৰস্তুত কৰিছিল যদিও সংৰক্ষণৰ অভাৱত সি হেৰাই যায়৷

গৱেষণা পত্ৰ[সম্পাদনা কৰক]

এলবাম বা চিনেমা[সম্পাদনা কৰক]

পুৰস্কাৰ আৰু সন্মান[সম্পাদনা কৰক]

তথ্যসূত্ৰ[সম্পাদনা কৰক]

দৈনিক জনসাধাৰণ কাকতৰ মঙলবৰীয়া সাহিত্য পৃষ্ঠাত প্ৰকাশিত প্ৰবন্ধ

২ ছেপ্তেম্বৰ, মঙলবাৰ, ২০০৮