অসম গ্ৰামীণ বিকাশ বেংক

অসমীয়া ৱিকিপিডিয়াৰ পৰা
Jump to navigation Jump to search
অসম গ্ৰামীণ বিকাশ বেংক
ধৰণ ৰাজহুৱা
শিল্প বেংকিং, বিত্তীয় সেৱা
প্ৰতিষ্ঠাৰ সময় প্ৰাগজ্যোতিষ গাঁৱলীয়া বেংক (১৯৭৬)
লখিমী গাঁৱলীয়া বেংক (১৯৮০)
কাছাৰ গ্ৰামীণ বেংক (১৯৮১)
সোৱণশিৰি গাঁৱলীয়া বেংক (১৯৮২)
মুখ্য কাৰ্যালয় গুৱাহাটী, অসম, ভাৰত
দেশ/অঞ্চল অসম, ভাৰত
নেতৃস্থানীয় ব্যক্তিত্ব সঞ্জয় নন্দ (অধ্যক্ষ)
নৃপেন্দ্ৰ নাথ বৈশ্য (মহা প্ৰবন্ধক)
স্বত্বাধিকাৰী ভাৰত চৰকাৰ, অসম চৰকাৰ, ভাৰতীয় ইউনাইটেড বেংক
ৱেবছাইট www.agvbank.co.in

অসম গ্ৰামীণ বিকাশ বেংক হৈছে অসমৰ এটা ৰাজহুৱা খণ্ডৰ বিত্তীয় প্ৰতিষ্ঠান। ২০০৬ চনৰ ১২ জানুৱাৰীত কেন্দ্ৰীয় চৰকাৰৰ এক অধিসূচনা যোগে চাৰিটা গ্ৰামীণ ক্ষেত্ৰৰ বেংক ক্ৰমে প্ৰাগজ্যোতিষ গাঁৱলীয়া বেংক, লখিমী গাঁৱলীয়া বেংক, কাছাৰ গ্ৰামীণ বেংক আৰু সোৱণশিৰি গাঁৱলীয়া বেংকৰ একত্ৰীকৰণ কৰি অসম গ্ৰামীণ বিকাশ বেংক গঠন কৰা হয়।[1] ইয়াৰ আগেয়ে উক্ত চাৰিটা বেংক আঞ্চলিক গ্ৰামীণ বেংক আইন, ১৯৭৬-ৰ অধীনত স্থাপন কৰা হৈছিল। আঞ্চলিক বেংকটোৰ মুখ্য কাৰ্যালয় গুৱাহাটীত অৱস্থিত।

পৰিচালনা[সম্পাদনা কৰক]

অসম গ্ৰামীণ বিকাশ বেংকৰ ৮ জনীয়া ব’ৰ্ড অফ ডাইৰেক্টৰ ভাৰতীয় ইউনাইটেড বেংকে নিযুক্তি দিয়া এগৰাকী চেয়াৰমেন আৰু দুগৰাকী মনোনীত সদস্য, কেন্দ্ৰীয় চৰকাৰৰ দ্বাৰা মনোনীত দুগৰাকী সদস্য, ভাৰতীয় ৰিজাৰ্ভ বেংকৰ দ্বাৰা মনোনীত এগৰাকী সদস্য, ৰাষ্ট্ৰীয় বেংকৰ দ্বাৰা মনোনীত এগৰাকী সদস্য আৰু ৰাজ্য চৰকাৰৰ দ্বাৰা মনোনীত এগৰাকী সদস্যৰে গঠিত। অসম গ্ৰামীণ বিকাশ বেংকক ৭ টা শাখা ক্ষেত্ৰত (নলবাৰী, গোলাঘাট, শিলচৰ, লখিমপুৰ, গুৱাহাটী, কোকৰাঝাৰ আৰু ডিব্ৰুগড়) ভাগ কৰা হৈছে। এই ক্ষেত্ৰসমূহৰ অধীনত থকা ইয়াৰ ৪০২ টা শাখাৰ যোগেদি অসমৰ ২৫ খন জিলাক বেংকটোৱে নিজৰ কাৰ্যসূচীৰ পৰিসৰত সামৰি লৈছে।[1]

তথ্য সংগ্ৰহ[সম্পাদনা কৰক]

  1. 1.0 1.1 "About us". AGVB. http://www.agvbank.co.in/about.php। আহৰণ কৰা হৈছে: মে' 4, 2016.