আমনা শ্বৰীফ

আমনা শ্বৰীফ
২০১৮ চনত
জন্ম	১৬ জুলাই, ১৯৮২ (৪২ বছৰ) মুম্বাই, মহাৰাষ্ট্ৰ, ভাৰত
পেচা	অভিনেত্ৰী
সক্ৰিয় হৈ থকা সময়	২০০১-২০০৭ ২০০৯ ২০১১-২০১৪ ২০১৯-২০২০
জনা যায়	"দিল কা আলম" গীত আশিকী ছবি কহিঁ তো গোগা এক ভিলেইন কছৌটি জিন্দেগী কী টিভি ধাৰাবাহিক।
দাম্পত্যসঙ্গী	অমিত কাপুৰ (বি. ২০১৩)
সন্তান	১

আমনা শ্বৰীফ (ইংৰাজী: Aamna Sharif), জন্ম: ১৬ জুলাই ১৯৮২ চন, এগৰাকী ভাৰতীয় টেলিভিছন অভিনেত্ৰী, যিয়ে কহিঁ তো হোগা ধাৰাবাহিকত কাশিছ, হোংগে জুদা না হমত মুস্কান আৰু কছৌটি জিন্দাগী কী ২ ত কমলিকা চৌবে বাসুৰ চৰিত্ৰত অভিনয় কৰি দৰ্শকৰ মাজত পৰিচিত হৈছে। তদুপৰি তেওঁ কেইখনমান হিন্দী আৰু এখন তামিল ছবিতো অভিনয় কৰিছিল৷

জন্ম আৰু শিক্ষা

আমনাৰ ১৯৮২ চনৰ ১৬ জুলাইত জন্ম হয়। তেওঁৰ পিতৃ মুম্বাইৰ মহাৰাষ্ট্ৰৰ বাসিন্দা আৰু ভাৰতীয় আনহাতে তেওঁৰ মাতৃ পাৰ্চী-বাহৰেইন মূলৰ। তেওঁ বান্দ্ৰাৰ ছেইণ্ট এন্নেছ হাইস্কুলত অধ্যয়ন কৰিছিল।

ব্যক্তিগত

২০১২ চনত আমনা শ্বৰীফে প্ৰকাশ কৰিছিল যে, তেওঁৰ শৈশৱৰ পৰাই এক্ৰ'ফ'বিয়া অৰ্থাৎ উচ্চতাৰ প্ৰতি ভয়, আছে। প্ৰায় এবছৰ ধৰি যোগাযোগ থকাৰ পিছত শ্বৰীফে ২০১৩ চনৰ ২৭ ডিচেম্বৰত তেওঁৰ ছবিৰ বিতৰকৰ পৰা প্ৰযোজকলৈ পৰিণত হোৱা প্ৰেমিক অমিত কাপুৰৰ সৈতে বিবাহপাশত আবদ্ধ হয়। ২০১৫ চনৰ ২ ছেপ্টেম্বৰত এই দম্পতীহালৰ প্ৰথম সন্তান আৰেইন নামৰ ল'ৰা এটাৰ জন্ম হয়।

কৰ্মজীৱন

কলেজৰ দ্বিতীয় বৰ্ষত পঢ়ি থাকোঁতেই শ্বৰীফে বিভিন্ন ব্ৰেণ্ডৰ মডেলিঙৰ অফাৰ লাভ কৰিবলৈ আৰম্ভ কৰে। শ্বৰীফে মিউজিক ভিডিঅ'ত অভিনয় কৰি নিজৰ কেৰিয়াৰ আৰম্ভ কৰিছিল। তেওঁ ৰাজীৱ খাণ্ডেলৱালৰ বিপৰীতে কহিঁ তো হোগা ধাৰাবহিকত কাশীছ সিনহাৰ চৰিত্ৰত অভিনয় কৰি অভিনয় জীৱনৰ পাতনি মেলে। ২০১২ চনৰ পৰা ২০১৩ চনলৈ ছ’নী টিভিৰ হোংগে জুদা না হম ধাৰাবহিকত ৰাকেশ বশিষ্ঠৰ সৈতে মুস্কান মিশ্ৰৰ চৰিত্ৰত তেওঁ অভিনয় কৰিছিল।

২০০৯ চনত আফতাব শিৱদাসানীৰ সৈতে বলীউড ছবি আলু চাটৰ জৰিয়তে আমনা শ্বৰীফে চলচ্চিত্ৰ অভিনয়ত প্ৰৱেশ কৰে। সেই বছৰতে তেওঁ পুনৰ শিৱদাসানীৰ সৈতে আও উইচ কৰেঁত অভিনয় কৰে। ২০১৪ চনত তেওঁ মোহিত ছুৰীৰ এক ভিলেইন নামৰ ছবিত অভিনয় কৰে। কিন্তু তেওঁৰ কোনো এখন ছবিয়েই স্বীকৃতি লাভ কৰা নাছিল আৰু ২০১২ চনত হোংগে জুডা না হামৰ যোগেদি তেওঁ পুনৰ টেলিভিছনলৈ ঘূৰি আহিছিল।

২০১৯ চনত শ্বৰীফে ছয় বছৰৰ পিছত ষ্টাৰপ্লাছৰ কছৌটি জিন্দেগি কীৰ মাজেৰে পুনৰ টেলিভিছনৰ মাজলৈ উভতি আহে য'ত তেওঁ হিনা খানৰ ঠাইত নিগেটিভ চৰিত্ৰ কমলিকা বাছুৰ চৰিত্ৰত অভিনয় কৰে।

আমনাই কেইবাখনো হিন্দী ছবিত অভিনয় কৰিছিল যদিও কোনো এখন ছবিয়েই বক্স অফিচত সফলতা লাভ কৰিব নোৱাৰিলে৷ তেওঁ ২০০২ চনত জাংছন নামৰ তামিল ছবি এখনতো অভিনয় কৰিছিল৷ ২০০৯ চনত হিন্দী ছবি আলু চাত সেই একে বছৰতে আও উইচ কৰেঁ চকল পে মাত জা আৰু ২০১৪ চনৰ এক ভিলেইন ছবিত অভিনয় কৰিছিল৷

ছবিত অভিনয় কৰাৰ উপৰি আমনাই দিল কা আলম, য়ে কিছনে জাদু কিয়া, চলনে লগা হায় হাৱায়েঁ, নীন্দো মেঁ খোৱাবোঁ কা, মুঝকো পিয়া কি য়াদ সতায়ে, হাছনা কামাল তেৰা নাচনা কামাল আদি জনপ্ৰিয় সংগীত ভিদিঅ’ত অভিনয় কৰে৷

কহিঁ তো হোগা, কছৌটি জিন্দগী কী, কুমকুম – এক প্যাৰা সা বন্ধন, কাব্যঞ্জলি, কৰম আপনা আপনা, হংগে জুডা না হম, এক থি নায়িকা কছৌটি জিন্দগী কী২ আদি জনপ্ৰিয় ধাৰাবাহিকত অভিনয় কৰিছিল৷