১৬ জুলাই

অসমীয়া ৱিকিপিডিয়াৰ পৰা

১৬ জুলাই দিনটো গ্ৰেগৰিয়ান বৰ্ষপঞ্জী অনুসাৰে বছৰৰ ১৯৭ তম (অধিবৰ্ষত ১৯৮ তম) দিন। বছৰটো শেষ হ’বলৈ আজিৰ পৰা মুঠ ১৬৮ টা দিন বাকী থাকে। আজিৰ দিনত ঘটা কেইটামান উল্লেখযোগ্য ঘটনা-

জন্ম[সম্পাদনা কৰক]

  1. ১৮৮৮ চনৰ আজিৰ দিনটোত পদাৰ্থ বিজ্ঞানী ফ্লিটজ জাৰাইনাকৰ জন্ম হয় । তেওঁ পদাৰ্থ বিজ্ঞানৰ নোবেল লাভ কৰিছিল।
  2. ১৯০৮ চনৰ আজিৰ তাৰিখতে দিল্লী কংগ্ৰেছ কমিটীৰ সভানেত্ৰী অৰুণা আছফ আলীৰ কাল্কা নামৰ এখন গাঁৱত জন্ম হয় ৷ .
  3. ১৯৩৩ চনৰ আজিৰ দিনটোতে অসম সাহিত্য সভাৰ প্ৰাক্তন সভাপতি, সাহিত্যিক, সাংবাদিক কনকসেন ডেকাই নলবাৰীৰ বেলশৰত জন্ম গ্ৰহণ কৰে । .

মৃত্যু[সম্পাদনা কৰক]

  1. ২০০৮ চনৰ আজিৰ দিনটোতে ভাস্কৰ্য শিল্পী চাৰু বৰুৱাৰ মৃত্যু হয় । .
  2. ২০১৪ চনৰ আজিৰ দিনটোতে অসমৰ এজন বিখ্যাত ক্ৰীড়া সংগঠক, ক্ৰীড়াবিদ পুলিন দাসৰ মৃত্যু হয় ।

অনান্য[সম্পাদনা কৰক]

  1. ৬২২ চনৰ আজিৰ দিনটোত হজৰত মহম্মদমক্কাৰ পৰা মদিনালৈ যাত্ৰা। এই চনৰেপৰা মুছলমানসকলৰ ‘হিজিৰি’ চন গণনা কৰে।
  2. ১৮৮৩ চনৰ আজিৰ দিনটোৰ পৰাই ডিব্ৰু-শদিয়া ৰেলৱেৰ অধীনত উত্তৰ পূৰ্বাঞ্চলৰ সৰ্বপ্ৰথম ডিব্ৰুগড় আৰু মাকুমৰ মাজত ৰেল চলাচল আৰম্ভ হয় ৷ .
  3. ১৯৪৫ চনৰ আজিৰ দিনটোতে নিউ মেক্সিক’ৰ এলম’গ’ৰ্ডত প্ৰথম পাৰমাণৱিক বোমাৰ বিস্ফোৰণ ঘটোৱা হৈছিল ৷ .
  4. ১৯৮৯ বৰ্ষৰ আজিৰ দিনটোতে তদানীন্তন প্ৰধানমন্ত্ৰী ৰাজীৱ গান্ধীয়ে পাকিস্তান ভ্ৰমণ কৰিছিল ৷ .
  5. ১৯৬৯ খ্ৰীষ্টাব্দৰ এই দিনটোতে চন্দ্ৰপৃষ্ঠত অৱতৰণৰ বাবে মানৱবাহী মহাকাশযান ‘‘এপল’—১১’’ আমেৰিকাৰ দ্বাৰা উৎক্ষেপন কৰা হৈছিল ৷ .
  6. ২০০৪ চনৰ আজিৰ দিনটোতে আছাম ৰাইফলছৰ গুলীত নিহত হোৱা মনোৰমা দেৱী নামৰ এগৰাকী মহিলাক মৃত্যুক কেন্দ্ৰ কৰি আছাম ৰাইফলছ মুখ্য কাৰ্যালয়ৰ সন্মুখত অভিনৱ ভাৱে নগ্ন মহিলাই বিক্ষোভ প্ৰদৰ্শন কৰে।

বাহ্যিক সংযোগ[সম্পাদনা কৰক]