১৯ আগষ্ট

অসমীয়া ৱিকিপিডিয়াৰ পৰা

১৯ আগষ্ট দিনটো গ্ৰেগৰিয়ান বৰ্ষপঞ্জী অনুসাৰে বছৰৰ ২৩১ তম (অধিবৰ্ষত ২৩২ তম) দিন। বছৰটো শেষ হ’বলৈ আজিৰ পৰা মুঠ ১৩৪ টা দিন বাকী থাকে। এইদিনটোত ঘটা কেইটামান উল্লেখযোগ্য ঘটনা-

জন্ম[সম্পাদনা কৰক]

  1. ১৮৮০ চনৰ এই দিনটোতে নগাঁৱৰ ফৌজদাৰীপট্টীত অসমৰ এজন প্ৰসিদ্ধ লেখক, শিক্ষাবিদ আৰু অভিনেতা জ্ঞানদাভিৰাম বৰুৱাৰ জন্ম হৈছিল।
  2. ১৯০৪ চনৰ এই দিনটোতে অসমৰ এগৰাকী প্ৰসিদ্ধ সাহিত্যিক, কবি, গীতকাৰ তথা নাট্যকাৰ পাৰ্বতী প্ৰসাদ বৰুৱাৰ শিৱসাগৰ জিলাত জন্ম হৈছিল। তেওঁ একেধাৰে কবি, গীতকাৰ তথা নাট্যকাৰ আছিল।
  3. ১৯২৬ চনৰ এই দিনটোতে অসমৰ এগৰাকী কবি-সাহিত্যিক আৰু অনুবাদক অজিৎ বৰুৱাৰ জন্ম হৈছিল। "ব্ৰহ্মপুত্ৰ ইত্যাদি পদ্য" কবিতা পুথিৰ বাবে তেখেতক "১৯৮৯" চনত সাহিত্য অকাডেমি বঁটাৰে সন্মানিত কৰা হৈছিল।
  4. ১৯২৮ চনৰ এই দিনটোতে অসমৰ চলচ্চিত্ৰ আৰু মঞ্চজগতৰ এগৰাকী গুৰিধৰোতা অভিনেত্ৰী অনুপমা ভট্টাচাৰ্যৰ শিৱসাগৰৰ আমোলাপট্টিত জন্ম হৈছিল। তেখেত অসমৰ “মীনা কুমাৰী” হিচাপে খ্যাত।
  5. ১৯৮৫ চনৰ এই দিনটোতেই ভাৰতৰ এজন প্ৰসিদ্ধ শ্বুটাৰ বিজয় কুমাৰৰ জন্ম হৈছিল। ২০১২ চনৰ লণ্ডন অলিম্পিকৰ পুৰুষৰ ২৫ মিটাৰ ৰেপিড ফায়াৰ পিষ্টল শাখাৰ তেওঁ ৰূপৰ পদক জয় কৰিছিল।

অনান্য[সম্পাদনা কৰক]

  1. ১৯৩০ চনৰ এই তাৰিখে জগন্নাথ বৰুৱা মহাবিদ্যালয় স্থাপন কৰা হৈছিল। সেই সময়ত এই মহাবিদ্যালয়খনৰ নাম আছিল উজনি অসম মহাবিদ্যালয় (Upper Assam College)। এইখনেই উজনি অসমৰ প্ৰথমখন মহাবিদ্যালয়।


বাহ্যিক সংযোগ[সম্পাদনা কৰক]