১৬ ডিচেম্বৰ

১৬ ডিচেম্বৰ (16 December) দিনটো গ্ৰেগৰিয়ান বৰ্ষপঞ্জী অনুসাৰে বছৰৰ ৩৫০ তম (অধিবৰ্ষত ৩৫১ তম) দিন৷ বছৰটো শেষ হ’বলৈ এই দিনৰ পৰা মুঠ ১৫ টা দিন বাকী থাকে৷ এইদিনটোত ঘটা কেইটামান উল্লেখযোগ্য ঘটনা -

ঘটনাৰাজী

1. ১৯৫৭ চনৰ এই দিনটোতে নাটোৰ প্ৰথম শীৰ্ষ সন্মিলন অনুষ্ঠিত হয়।
2. ১৯৭১ চনৰ এই দিনটোতে পূৱ পাকিস্তান (বাংলাদেশ) গঠনৰ বাবে চলা যুদ্ধত ভাৰতেও অংশ লৈ পশ্চিম পাকিস্তানৰ সেনাক পৰাভূত কৰি আত্মসমৰ্পন কৰিবলৈ বাধ্য কৰে ।
3. ১৯৯১ বৰ্ষৰ এই দিনটোতে ধীৰেন্দ্ৰনাথ চক্ৰৱৰ্তীৰ সম্পাদনাত ‘‘এই বাতৰি’’ নামৰ সংবাদপত্ৰখনৰ প্ৰথমটো সংখ্যা প্ৰকাশ পাইছিল৷
4. ২০০২ চনৰ এই দিনটোতে বলীউদত খ্যাতি লাভ কৰা এগৰাকী অসমীয়া অভিনেত্ৰী তথা ছুপাৰ মডেল, দীপান্বিতা শৰ্মাই ১৬ ডিচেম্বৰ চলচ্চিত্ৰত অভিনয়ৰ দ্বাৰা চলচ্চিত্ৰজগতত খোজ দিয়ে।
5. ২০১৪ চনৰ এই দিনত পাকিস্থানৰ পেছাৱৰত সন্ত্ৰাসবাদীয়ে আৰ্মি পাব্লিক স্কুলত কৰা অতৰ্কিত আক্ৰমণত মুঠ ১৪১ জন নিৰীহ লোকৰ প্ৰাণ হানি হয়, যাৰ মাজত মুঠ ১২৩ জন ছাত্ৰ-ছাত্ৰী থিতাতে নিহত হয়৷

জন্ম

1. ১৭৭৫ চনৰ এই দিনটোতে বিখ্যাত ইংৰাজ লেখিকা জেন অষ্টিনৰ জন্ম হয়। প্ৰাইড এণ্ড প্ৰিজুডিছ তেওঁৰ এখন প্ৰসিদ্ধ গ্ৰন্থ।
2. ১৭৭০ চনৰ এই দিনটোতে বিখ্যাত সংগীতজ্ঞ লুডইগি ভান বিথোভেনৰ জন্ম হয়।
3. ১৮৭২ চনৰ এই দিনটোতে সাহিত্যিক, বুৰঞ্জীবিদ, ১৯২৯ বৰ্ষৰ অসম চৰকাৰৰ মন্ত্ৰী, কনকলাল বৰুৱাৰ জন্ম হৈছিল ৷
4. ১৮৬৬ চনৰ এই দিনটোত প্ৰভাৱশালী ৰুছ চিত্ৰশিল্পী ৱাছিলি কেন্দিস্কিৰ জন্ম হৈছিল৷

মৃত্যু

1. ১৯৩৯ চনৰ এই দিনটোতে কবি আনন্দ চন্দ্ৰ আগৰৱালাৰ মৃত্যু হয় ।
2. ১৯৬৫ চনত এই দিনটোতে কুৰি শতিকাৰ জনপ্ৰিয় লেখক, নাট্যকাৰ, ঔপন্যাসিক ছমাৰছেট মমৰ মৃত্যু হয় ।

বাহ্যিক সংযোগ

• বিবিচি: এই দিনটোত ঘটা কেইটামান উল্লেখযোগ্য ঘটনা
• দ্য নিউয়ৰ্ক টাইমচ‌, এই দিনটোত ঘটা কেইটামান উল্লেখযোগ্য ঘটনা