৭ ডিচেম্বৰ

	ডিচেম্বৰ
দে	সো	ম	বু	বৃ	শু	শ
১	২	৩	৪	৫	৬	৭
৮	৯	১০	১১	১২	১৩	১৪
১৫	১৬	১৭	১৮	১৯	২০	২১
২২	২৩	২৪	২৫	২৬	২৭	২৮
২৯	৩০	৩১
২০২৪

৭ ডিচেম্বৰ (ইংৰাজী: 7 December) হৈছে গ্ৰেগৰিয়ান বৰ্ষপঞ্জীৰ ৩৪১তম (অধিবৰ্ষত ৩৪২তম) দিন। বছৰটো শেষ হ’বলৈ এই দিনৰ পৰা মুঠ ২৪টা দিন বাকী থাকে। এইদিনটোত ঘটা কেইটামান উল্লেখযোগ্য ঘটনা-

ঘটনাৰাজী

১৮৫৬ - চৰকাৰীভাৱে ভাৰতত প্ৰথম বিধৱা বিবাহ আৰম্ভ। হিন্দু বিধৱা পুনৰ্বিবাহ আইন, ১৮৫৬ আইনখন গৃহীত হোৱাৰ পিছতেই ঈশ্বৰচন্দ্ৰ বিদ্যাসাগৰৰ প্ৰচেষ্টাত ১৮৫৬চনৰ ৭ ডিচেম্বৰত কলিকতাত মাত্ৰ এঘাৰ বছৰীয়া বিধৱা কালিমতি দেৱী আৰু শিৰিষ চন্দ্ৰ বিদ্যাৰত্নৰ মাজত প্ৰথমখন বিধবা বিবাহ সম্পন্ন হয়।
১৯১৭ চনৰ আজিৰ দিনটো অষ্টিয়াৰ বিৰুদ্ধে আমেৰিকাই যুদ্ধ ঘোষণা কৰে।
১৯২১ চনৰ আজিৰ দিনটোত আয়াৰলেণ্ড আৰু ব্ৰিটেইনৰ মাজত শান্তি চুক্তি প্ৰস্তাৱিত হয় আৰু আয়াৰলেণ্ডে স্বাধীনতা লাভ কৰে।
১৯৪১ চনৰ আজিৰ দিনটোত জাপানে বিমানেৰে আমেৰিকান নৌ-ঘাটি পাৰ্ল হাৰ্বাৰৰ ওপৰত আক্ৰমণ চলায়।
১৯৭২ চনৰ আজিৰ দিনটো কুৰি শতিকাৰ অন্তিমটো চন্দ্ৰ অভিযান হৈছিল।
২০০৬ - উত্তৰাঞ্চল ৰাজ্যৰ নাম সলনি কৰি নতুন নাম দিয়া হয় উত্তৰাখণ্ড।
২০২১ - সুদীৰ্ঘ একৈশ বছৰীয়া প্ৰতীক্ষাৰ অন্তত অসমলৈ জ্ঞানপীঠ বঁটা। আজিৰ দিনটোতে জ্ঞানপীঠ পুৰস্কাৰ চয়ন সমিতিয়ে ঘোষণা কৰা মতে ২০২১ বৰ্ষৰ ৫৬ সংখ্যক জ্ঞানপীঠ বঁটা অসমৰ প্ৰসিদ্ধ কবি নীলমণি ফুকনলৈ আৰু ২০২২ বৰ্ষৰ ৫৭ সংখ্যক জ্ঞানপীঠ বঁটা কোংকনী ভাষাৰ লেখক দামোদৰ মৌউজোলৈ আগবঢ়োৱা হয়।

জন্ম

১৮৬১ - মেজৰ-জেনেৰেল ছাৰ জন এডৱাৰ্ড কেপাৰ, ঊনবিংশ শতিকাৰ শেষৰ ফালে আৰু বিংশ শতিকাৰ আৰম্ভণিতে ব্ৰিটিছ সেনাৰ এজন জ্যেষ্ঠ বিষয়া আছিল যিয়ে ব্ৰিটিছ ভাৰতৰ উত্তৰ-পশ্চিম সীমান্তত, দক্ষিণ আফ্ৰিকাত আৰু প্ৰথম বিশ্বযুদ্ধৰ সময়ত ব্ৰিটিছ সেনাৰ হৈ সেৱা আগবঢ়াইছিল। তাৰ উপৰিও এজন অভিজ্ঞ অভিযন্তা হিচাপে কেপাৰ ভাৰতত থকা সময়ছোৱাত অসংখ্য নিৰ্মাণ প্ৰকল্পত জড়িত আছিল আৰু ব্ৰিটেইনত এয়াৰশ্বিপৰ বিকাশৰ পথপ্ৰদৰ্শন কৰিছিল। মৃত্যু ২৪ মে', ১৯৫৫।
১৮৯৮ - প্ৰসন্নলাল চৌধুৰী, অসমীয়া কবি, নাট্যকাৰ। বিদ্ৰোহী কবি নামেৰে জনাজাত।
১৯০৬ - যজ্ঞেশ্বৰ শৰ্মা, অসমীয়া কবি, সাহিত্যক। নগাঁও মহাবিদ্যালয়ৰ প্ৰতিষ্ঠাপক অধ্যক্ষ। তেওঁ ১৯৭৬ চনৰ অসম সাহিত্য সভাৰ টিহু অধিবেশনত সভাপতিত্ব কৰিছিল। তেখেত সাহিত্য ক্ষেত্ৰখনৰ বাহিৰেও অৰ্থনৈতিক, ৰাজনৈতিক আৰু সামাজিক ভাৱেও আগৰণুৱা ব্যক্তি আছিল। অসম সাহিত্য সভাই শৰ্মা ডাঙৰীয়াক ১৯৮৯ চনত সাহিত্যচাৰ্য উপাধি প্ৰদান কৰে। এইগৰাকী মহান অসমীয়া সাহিত্যিকৰ মৃত্যু হয় ১৯৯৮ চনৰ ১৩ নৱেম্বৰত।
১৯২৮ - কলানিধী নাৰায়ণন, ভাৰতীয় নৃত্যশিল্পী আৰু ভাৰতনাট্যমৰ ভাৰতীয় শাস্ত্ৰীয় নৃত্যৰ শিক্ষক।
১৯৩২- হোমেন বৰগোহাঞি, অসমৰ এগৰাকী সাহিত্যিক, সাংবাদিক, সমালোচক, কবি আৰু গল্পকাৰ। ১৯৭৮ চনত পিতা-পুত্ৰ গ্ৰন্থখনৰ বাবে অসমীয়া ভাষাত সাহিত্য অকাডেমি বঁটাৰে সন্মানিত হয়। তেওঁৰ আন দুখন উল্লেখযোগ্য মৎস্যগন্ধা(১৯৮৭) আৰু হালধীয়া চৰাইয়ে বাওধন খাই(১৯৭৩) গ্ৰন্থৰ আধাৰত চলচ্চিত্ৰ নিৰ্মাণ কৰা হৈছিল আৰু মৎস্যগন্ধা চলচ্চিত্ৰখন জাহ্নু বৰুৱাৰ দ্বাৰা পৰিচালিত, ১৯৮৮ চনত ৰাষ্ট্ৰীয় চলচ্চিত্ৰ বঁটা লাভ কৰিছিল। বৰগোহাঞিৰ সুবালা(১৯৬৩) গ্ৰন্থখন এগৰাকী বেশ্যাৰ জীৱনৰ বিষয়ত অসমীয়া সাহিত্যত প্ৰথম গ্ৰন্থই নহয়, যুদ্ধোত্তৰ অসমৰ কল্পকাহিনীৰ বিকাশৰ এক নিৰ্ণায়ক বিন্দু হোৱাৰ বাবেও উল্লেখযোগ্য। তেওঁ ২০০১ চনৰ পৰা ২০০২ চনলৈ অসম সাহিত্য সভাৰ সভাপতি হিচাপে কাৰ্যনিৰ্বাহ কৰিছিল। (মৃত্যু ১২ মে', ২০২১)

মৃত্যু

৪৩ খ্ৰীষ্টপূৰ্ব - মাৰ্কাছ টুলিয়াছ চিচেৰো, ৰোমান ৰাজনীতিবিদ, কূটনীতিক, আইনজ্ঞ, পণ্ডিত, দাৰ্শনিক।
১৭৮২ ‐ নৱাব হাইদৰ আলী খান বাহাদুৰ, দক্ষিণ ভাৰতৰ ৰাজ্য মহীশূৰৰ চুলতান। ভাৰতীয় স্বাধীনতা সংগ্ৰামৰ বাবে প্ৰাণ আহুতি দিয়া প্ৰথমজন শাসক। প্ৰথমাৱস্থাত তেওঁ মহীশূৰৰ শাসকসকলৰ দৃষ্টি আকৰ্ষণ কৰিবৰ বাবে নিজকে এজন সৈনিক হিচাপে গঢ় দিছিল আৰু অৱশেষত মহীশূৰৰ শাসকসকলৰ দৃষ্টি আকৰ্ষণ কৰিছিল। তেওঁ ১৭৬১ চনৰ ভিতৰত মহীশূৰৰ সৰ্বধিকাৰী (মুখ্যমন্ত্ৰী) হিচাপে শাসনভাৰ গ্ৰহণ কৰিছিল। প্ৰথম আৰু দ্বিতীয় এংলো-মহীশূৰ যুদ্ধৰ সময়ত ইষ্ট ইণ্ডিয়া কোম্পানীৰ বিৰুদ্ধে মাজে মাজে হোৱা সংঘৰ্ষৰ সময়ত হাইদৰ আলীয়ে মুখ্য সেনাধ্যক্ষ ৰূপে যুদ্ধত অৱতীৰ্ণ হৈছিল। তেওঁৰ মৃত্যুৰ পিছত তেওঁৰ পুত্ৰ টিপু চুলতান এ মহীশূৰৰ শাসনভাৰৰ দায়িত্ব লয়। জন্ম ১৭২০।
২০১১ - ৱাজিদা তাবাচ্চুম, ভাৰতীয় উৰ্দু ভাষাৰ লেখিকা, কবি আৰু গীতিকাৰ।
২০২০ - ডাঃ শৰৎচন্দ্ৰ দত্ত, বিশিষ্ট চিকিৎসক, ফুটবল খেলুৱৈ। ডাঃ দত্ত গুৱাহাটী চিকিৎসা মহাবিদ্যালয়ৰ ইউৰ'লজী বিভাগৰ মুৰব্বী ৰূপে কাৰ্য্যনিৰ্বাহ কৰি অৱসৰ গ্ৰহণ কৰে । ১৯৫৫ চনত কেৰালাৰ এৰ্নাকুলামত অনুষ্ঠিত হোৱা সন্তোষ ট্ৰফীতত তেওঁ অসম দলক নেতৃত্ব দিছিল। সেইবাৰ অসমে ছেমিফাইনেলত মহীশূৰৰ হাতত পৰাস্ত হৈ তৃতীয় স্থান লাভ কৰে। কোৱাৰ্টাৰ ফাইনেলত বোম্বাইৰ বিৰুদ্ধে হোৱা মেচত ডাঃ দত্তই দিয়া গ'লৰ বাবেই অসমে ছেমিফাইনেলত প্ৰৱেশ কৰিছিল। ১৯২২ চনত ডিব্ৰুগড়ত জন্মগ্ৰহণ কৰা ৬০ দশকৰ এইজন সুদক্ষ ফুটবল খেলুৱৈ অসমৰ বহু অনুষ্ঠান-প্ৰতিষ্ঠানৰ লগত জড়িত হৈ আছিল।
২০২২ - খনীন মহন্ত, শোধনাগাৰ আন্দোলন ,ভাষা আন্দোলন,বিদেশী বহিষ্কাৰ আন্দোলনৰ অগ্ৰণী নেতা অগপৰ অন্যতম প্ৰতিষ্ঠাপক।
২০২২ - অৰ্পন বেজবৰুৱা, আলফাৰ অস্ত্ৰ সংগ্ৰামৰ উকমুকনি হোৱাৰ পূৰ্বে ভাৰত ৰাষ্ট্ৰক ঔপনিৱেশিক শাসন বুলি ভাবি জননী অসমক ঔপনিৱেশিকবাদৰ পৰা মুক্ত কৰাৰ স্বাধীন স্বপ্ন দেখা অসমৰ সশস্ত্ৰ সংগ্ৰামৰ প্ৰথম গৰাকী সেনানী। পৰেশ বৰুৱা, অৰৱিন্দ ৰাজখোৱা, অনুপ চেতিয়া, শশধৰ চৌধৰী, ৰাজু বৰুৱাহতে যিখন সংগ্ৰামৰ পাতনি মেলিছিল সেইখন সংগ্ৰামৰ প্ৰথম জন স্ৰষ্টা আছিল অৰ্পন বেজবৰুৱা। পৰেশ বৰুৱাতকৈও আগত কাচিনত সশস্ত্ৰ সংগ্ৰামৰ প্ৰশিক্ষন লৈ জন্মভূমিক সশস্ত্ৰ সংগ্ৰামেৰে ওপনিৱেশিক শাসনৰ পৰা মুক্ত কৰাৰ সপোন দেখা এজন প্ৰৱল জাতীয়তাবাদী নেতা আছিল অৰ্পন বেজবৰুৱা। তাৰোপৰি অৰ্পন বেজবৰুৱা আছিল এজন নাট্যকাৰ। ৫২খনতকৈও অধিক অসমীয়া মৌলিক নাটক ৰচনা কৰা বেজবৰুৱাক নাট্যভূষণ উপাধিৰে সন্মানিত কৰা হৈছিল। তেওঁ ৰচনা কৰা নাটকসমূহৰ ভিতৰত "মানুহ খোৱা মানুহ", "ধুমুহাৰ পাছত", "এজন ৰজাৰ কাহিনী", "পুতলা নাচ", "কচাইখানা", "ফুটপাথৰ গাভৰু", "ইয়াণ্ডাবু শৃংখল" উল্লেখযোগ্য। ১৯৫৭ চনৰ ১৮ আগষ্টত তেজপুৰৰ বিহগুৰিত জন্মগ্ৰহণ কৰা অৰ্পণ বেজবৰুৱাই নাট শিল্পৰ সকলো ব্যাকৰণ সংপৃক্ত কৰি ৰচনা কৰা "নাট শিল্পৰ আৰু অভিনয়তত্ত্ব" বৰ্তমানৰ নাটকৰ লগত জড়িত বহু নৱ প্ৰজন্ম উপকৃত হৈছে।

দিৱস

সশস্ত্ৰ বাহিনী পতাকা দিৱস (ভাৰত)।

বাহ্যিক সংযোগ