৮ অক্টোবৰ

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
১০ ১১ ১২ ১৩ ১৪ ১৫ ১৬
১৭ ১৮ ১৯ ২০  ২১  ২২ ২৩
২৪ ২৫ ২৬ ২৭ ২৮ ২৯ ৩০
৩১  

৮ অক্টোবৰ (ইংৰাজী: 8 October) হৈছে গ্ৰেগৰিয়ান বৰ্ষপঞ্জীৰ ২৮১তম (অধিবৰ্ষত ২৮২তম) দিন। বছৰ শেষ হ'বলৈ ৮৪ দিন বাকী থাকে। আজিৰ দিনটোত ঘটা কেইটামান উল্লেখযোগ্য ঘটনা হ’ল-

ঘটনাৱলী[সম্পাদনা কৰক]

  • ১৮৭১ - বনজুইৰ ফলত আমেৰিকাৰ ৱিছকনচিনৰ পেষ্টিগ' অঞ্চল ধ্বংস হয়, যাৰ ফলত ১,২০০ ৰ পৰা ২,৫০০জন লোকৰ মৃত্যু হয়, এই বনজুই ইতিহাসৰ আটাইতকৈ ভয়ংকৰ দাবানল হিচাপে জনা যায়।
  • ১৯১৮ - প্ৰথম বিশ্বযুদ্ধ: কৰ্পোৰেল এলভিন চি য়ৰ্কে ২৮জন জাৰ্মান সৈনিকক হত্যা কৰে আৰু ১৩২ জনক বন্দী কৰে। সেইবাবে তেওঁক মেডেল অফ অনাৰ প্ৰদান কৰা হয়।
  • ১৯১৯ - মহাত্মা গান্ধীৰ সম্পাদনাত ইয়ং ইণ্ডিয়া পত্ৰিকাৰ প্ৰকাশ আৰম্ভ হয়।
  • ১৯৩২ - ভাৰতীয় বায়ু সেনাক (আইএএফ) আনুষ্ঠানিকভাৱে ব্ৰিটিছ সাম্ৰাজ্যৰ সহায়ক বায়ু সেনা হিচাপে প্ৰতিষ্ঠা কৰা হৈছিল।
  • ১৯৬৭ - গেৰিলা নেতা চে গুৱেভাৰা আৰু তেওঁৰ লোকসকলক বলিভিয়াত বন্দী কৰা হয়।
  • ১৯৯৪ - কুৱেইট সীমান্তত ইৰাকী সেনাৰ অৱস্থান, আমেৰিকা যুক্তৰাষ্ট্ৰ আৰু গ্ৰেট ব্ৰিটেইনৰ উপসাগৰীয় অঞ্চললৈ যুদ্ধ জাহাজ প্ৰেৰণ কৰে।
  • ২০০৫ - কাশ্মীৰত ৭.৬ ৰিখ্টাৰ প্ৰাবল্যৰ ভূমিকম্প হৈছিল। এই ভূমিকম্পত ৮৬,০০০-৮৭,৩৫১জন লোক নিহত, ৬৯,০০০-৭৫,২৬৬জন আহত আৰু ২.৮ নিযুত গৃহহীন হৈছিল।
  • ২০১৩ - কেন্দ্ৰীয় চৰকাৰ আৰু ডি এইচ ডিৰ মাজত শান্তি চুক্তি স্বাক্ষৰিত হয়।

জন্ম[সম্পাদনা কৰক]

  • ১১৫০ - নৰপতি চিথু,বাৰ্মাৰ ৰজা আছিল। (মৃঃ ১২১১)
  • ১৯০৮ - সীতানাথ ব্ৰহ্মচৌধুৰী, কবি, অসম সাহিত্য সভাৰ প্ৰাক্তন সভাপতি আৰু সাহিত্যিক।
  • ১৯২২ - জি এন ৰামচন্দ্ৰন, এজন ভাৰতীয় পদাৰ্থবিজ্ঞানী আৰু জীৱ বিজ্ঞানী, তেওঁ পেপটাইড গাঁথনি বুজিবলৈ 'ৰামচন্দ্ৰন প্লট' সৃষ্টি কৰিছিল। ক'লাজেনৰ গাঁথনিৰ বাবে তেওঁ প্ৰথম ট্ৰিপল-হেলিকেল মডেলৰ প্ৰস্তাৱ দিছিল। (মৃত্যু: ৭ এপ্ৰিল, ২০০১)
  • ১৯২৬ - ৰাজ কুমাৰ, ভাৰতীয় আৰক্ষী বিষয়া আৰু অভিনেতা। (মৃঃ ১৯৯৬)
  • ১৯৫১ - মাকি কাজি, এজন জাপানী ব্যৱসায়ী, নিকলিৰ (Nikoli) প্ৰাক্তন সভাপতি আৰু পাজল গেইমৰ নিৰ্মাতা। সংখ্যাৰ পাজল খেল জনপ্ৰিয় কৰাত তেওঁৰ ভূমিকাৰ বাবে তেওঁক চুড'কুৰ (Sudoku) পিতৃ বুলি কোৱা হয়।
  • ১৯৮০ - দা মিজ বা মাইকেল গ্ৰেগৰী মিজানিন, এজন আমেৰিকান পেছাদাৰী মল্লযোদ্ধা আৰু অভিনেতা। তেওঁ ডাব্লিউ ডাব্লিউ ইৰ খেলুৱৈ, য'ত তেওঁ দা মিজ নামেৰে প্ৰদৰ্শন কৰে।
  • ১৯৮৫ - ব্ৰুন' মাৰ্ছ (পিটাৰ জিন হাৰ্নান্দেজ), আমেৰিকান গায়ক।

মৃত্যু[সম্পাদনা কৰক]

  • ১৭৯৩ - জন হেনক'ক, আমেৰিকান ব্যৱসায়ী আৰু ৰাজনীতিবিদ, মেছাচুছেটছৰ প্ৰথম গভৰ্ণৰ। (জঃ ১৭৩৭)
  • ১৮৬৯ - ফ্ৰেংকলিন পিয়েৰ্ছ, আমেৰিকান সেনাপতি, উকীল আৰু ৰাজনীতিবিদ, আমেৰিকা যুক্তৰাষ্ট্ৰৰ চতুৰ্দশ ৰাষ্ট্ৰপতি। (জন্ম: ১৮০৪)
  • ১৯০৪ - ক্লেমেনছ আলেকজেণ্ডাৰ ৱিংকলাৰ, এজন জাৰ্মান ৰসায়নবিদ, তেখেতে ১৮৮৬ চনত জাৰ্মানিয়াম (germanium) নামৰ মৌলটো আৱিষ্কাৰ কৰিছিল।
  • ১৯৩৬ - মুন্সী প্ৰেমচন্দৰ, হিন্দী সাহিত্যৰ প্ৰসিদ্ধ গল্পকাৰ তথা ঔপন্যাসিক।
  • ১৯৬৭ - ক্লেমেণ্ট এটলী (Clement Attlee), ইংৰাজ সৈনিক, উকীল আৰু ৰাজনীতিবিদ, যুক্তৰাজ্যৰ প্ৰাক্তন প্ৰধানমন্ত্ৰী। (জন্ম: ১৮৮৩)
  • ১৯৭৯ - জয়প্ৰকাশ নাৰায়ণ, ভাৰতৰ সমাজবাদী ভাবাপন্ন ৰাজনৈতিক নেতা।
  • ১৯৯০ - কমলাপতি ত্ৰিপাঠী, উত্তৰ প্ৰদেশৰ প্ৰাক্তন মুখ্যমন্ত্ৰী তথা প্ৰবীণ কংগ্ৰেছী নেতা।
  • ২০১২ - বৰ্ষা ভোঁছলে, ভাৰতীয় গায়িকা আৰু সাংবাদিক (জঃ ১৯৫৬)
  • ২০১২ - নৱাল কিশোৰ শৰ্মা, ভাৰতীয় ৰাজনীতিবিদ আৰু গুজৰাটৰ ৰাজ্যপাল।

ছুটী আৰু দিৱস[সম্পাদনা কৰক]

  • ভাৰতীয় বায়ু সেনা দিৱস।
  • বিশ্ব মহাকাশ সপ্তাহৰ পঞ্চম দিন। (৪ ৰ পৰা ১০ অক্টোবৰলৈ পালন কৰা হয়)

বাহ্যিক সংযোগ[সম্পাদনা কৰক]

তথ্য সূত্ৰ[সম্পাদনা কৰক]