গোমধৰ কোঁৱৰ

অসমীয়া ৱিকিপিডিয়াৰ পৰা
Jump to navigation Jump to search
গোমধৰ কোঁৱৰ
নেতা ভাৰতীয় স্বাধীনতা সংগ্ৰামী
ব্যক্তিগত তথ্য
জন্ম অসম
ৰাষ্ট্ৰীয়তা ভাৰতীয়
পিতৃ ফেনা কোঁৱৰ
পেচা স্বাধীনতা সংগ্ৰামী, মুক্তি যুজাঁৰু
জীৱিকা আহোম ৰাজকোঁৱৰ

গোমধৰ কোঁৱৰ (ইংৰাজী ভাষা:Gomdhar Konwar) অসম তথা ভাৰতৰ প্ৰথম স্বাধীনতা সংগ্ৰামী সকলৰ এজন। তেখেতৰ পিতৃৰ নাম আছিল ফেনা কোঁৱৰ। ১৮২৮ চনত গোমধৰ কোঁৱৰৰ নেতৃত্বত ধনঞ্জয় বৰগোহাঁই আদি কৰি বহুকেইজন আহোম কোঁৱৰে বৃটিছ শাসনৰ বিৰুদ্ধে বিদ্ৰোহ ঘোষণা কৰিছিল। [1]

ইয়াণ্ডাবু সন্ধিৰ পিছত ১৮২৮ চনৰ আগভাগত বৃটিছ ইষ্ট ইণ্ডিয়া কোম্পানীয়ে অসমৰ শাসন ভাৰ নিজৰ হাতলৈ আনিবলৈ সক্ষম হৈছিল। আৰম্ভণিতে বৃটিছ শাসনে কথা দিছিল যে মানক অসমৰ পৰা খেদি শাসন ভাৰ আহোমসকলক গতাই দিব। কিন্তু এই প্ৰতিশ্ৰুতি নৰখাৰ বাবেই ১৮২৮ চনত গোমধৰ কোঁৱৰৰ নেতৃত্বত বৃটিছৰ বিৰুদ্ধে এক বিদ্ৰোহে গা কৰি উঠে। ভাৰত বুৰঞ্জীত এই বিদ্ৰোহ হৈছে বৃটিছৰ বিৰুদ্ধে আৰম্ভণিৰ এক স্বাধীনতা সংগ্ৰাম।

বিদ্ৰোহী সকলে যোৰহাটত আহোম ৰীতিমতে গোমধৰ কোঁৱৰক অসমৰ স্বৰ্গদেউ ৰূপে প্ৰতিষ্ঠা কৰে যদিও বৃটিছে ১৮২৮ চনৰ শেষ ভাগলৈ এই বিদ্ৰোহ দমন কৰিবলৈ সক্ষম হয়। বিদ্ৰোহৰ অন্তত গোমধৰ কোঁৱৰ নগা পাহাৰলৈ পলাই যায়। কিন্তু বৃটিছে তেওঁক গ্ৰেপ্তাৰ কৰিবলৈ সক্ষম হয়। বৃটিছে শাসনে তেওঁক ৰাজদ্ৰোহৰ অপৰাধত ১৪ বছৰৰ বাবে কাৰাদণ্ড বিহে আৰু ৰংপুৰৰ (বৰ্তমান বাংলাদেশত) জেললৈ প্ৰেৰণ কৰে। গোমধৰ কোঁৱৰৰ জীৱনৰ বিষয়ে এই ঘটনাৰ পিছত সবিশেষ জনা নাযায়। বহু বুৰঞ্জীবিদৰ মতে বৃটিছ শাসনে তেওঁক একে অপৰাধৰ নামত মৃত্যুদণ্ড বিহে। [2]

তথ্য সংগ্ৰহ[সম্পাদনা কৰক]