পি. কে. ৰোজী
| পি. কে. ৰোজী | |
|---|---|
 ১৯২৮ চনত ৰোজী | |
| জন্ম | ১০ ফেব্ৰুৱাৰী, ১৯০৩[1] থাইক’ণ্ড, ত্ৰিবান্দ্ৰম |
| মৃত্যু | ১৯৮৮ (বয়স ৮৪–৮৫)[1] |
| পেচা | অভিনেত্ৰী |
| সক্ৰিয় হৈ থকা সময় | ১৯২৮-১৯৩০ |
| দাম্পত্যসঙ্গী | কেশৱ পিল্লাই [1] |
| পিতৃ-মাতৃ | পৌলছ, কুঞ্জি [1] |
| সন্তান | পদ্মা, নাগাপ্পন [1] |
পি. কে. ৰোজী (ৰাজাম্মা, ৰোজাম্মা, ৰাজম্মল;[2] ইংৰাজী: P.K.Rosy; ১৯০৩-১৯৮৮) এগৰাকী মালায়ালম চলচ্চিত্ৰৰ অভিনেত্ৰী আছিল। ১৯০৩ চনৰ ১০ ফেব্ৰুৱাৰীত তেওঁৰ জন্ম হৈছিল। তেওঁ জে.চি. ডেনিয়েল পৰিচালিত বিগথুকুমাৰণ (হেৰোৱা সন্তান) ছবিৰ নায়িকা আছিল। তেওঁ মালায়লম চলচ্চিত্ৰৰ প্ৰথম অভিনেত্ৰী।[3][4]
প্ৰাৰম্ভিক জীৱন
[সম্পাদনা কৰক]১৯০৩ চনত ৰাজম্মা নামেৰে তেওঁৰ জন্ম হয়। মাক-দেউতাক আছিল ক্ৰমে পৌলছ আৰু কুঞ্জি। তেওঁৰ জীৱিত আত্মীয়ই নিশ্চিত কৰিছে যে সৰুতেই তেওঁৰ পিতৃৰ মৃত্যু হোৱাত পৰিয়ালটো প্ৰবল দাৰিদ্ৰৰ কবলত পৰিছিল। সৰুতে তেওঁ ঘাঁহ কাটিবলগীয়া হৈছিল।
কলাৰ প্ৰতিও তেওঁৰ আগ্ৰহ আছিল আৰু এই বিষয়ত তেওঁৰ খুৰাকে উৎসাহিত কৰিছিল, যিয়ে ৰোজীৰ বাবে সংগীত আৰু অভিনয় শিকাবলৈ এজন শিক্ষক ঠিক কৰি দিছিল। তেওঁ নিয়মিতভাৱে স্থানীয় পৰিবেশ্য কলাৰ বিদ্যালয়লৈ গৈ তামিল লোকনাট্যৰ এক শৈলী কাক্কিৰাসী নাটকম অধ্যয়ন কৰিছিল।[5]
সেই সময়ত মহিলাই সাধাৰণতে অভিনয় কৰা নাছিল আৰু অভিনয়ক গুৰুত্বপূৰ্ণ পেছা হিচাপে বিবেচনা কৰা মহিলাসকলক তৰল বুলি অভিহিত কৰা হৈছিল। ৰোজীৰ অভিনয়ৰ প্ৰতি থকা ভালপোৱাই সমাজে তেওঁক কি বুলি ক'ব, সেই চিন্তাক অতিক্ৰম কৰিছিল যেন লাগে।[6]
তেওঁৰ নাম "ৰোজী"ৰ উৎপত্তিৰ বিষয়ে বহুতে দাবী কৰে যে তেওঁৰ পৰিয়ালে খ্ৰীষ্টান ধৰ্ম গ্ৰহণ কৰিছিল আৰু তেওঁৰ নাম ৰাজম্মাৰ পৰা ৰোজাম্মালৈ সলনি কৰিছিল।[7] [9] অৱশ্যে আন কিছুমানে দাবী কৰে যে ডেনিয়েলেই তেওঁক এই অধিক গ্লেমাৰাছ নামটো দিছিল।[8]
কৰ্মজীৱন
[সম্পাদনা কৰক]১৯২৮ চনলৈ তেওঁ কাক্কিৰাসী কলাবিধত পাকৈত হৈ পৰে। ইয়াৰ পৰাই জে চি ডেনিয়েলৰ ছবিখনৰ নায়িকা হ'বলৈ আগবাঢ়ে। ডেনিয়েলে বাচনি কৰা প্ৰথম সাম্ভাব্য নায়িকাগৰাকী অনুপযুক্ত বিবেচিত হোৱাত ৰোজীয়ে সুযোগ পায়।[8] চিনেমাখনত তেওঁ নায়াৰ সম্প্ৰদায়ৰ মহিলা সৰোজিনীৰ চৰিত্ৰত অভিনয় কৰিছিল।[2] বিগথুকুমাৰনৰ মুক্তিৰ পাছত এগৰাকী দলিত মহিলা হৈ নায়াৰৰ চৰিত্ৰত অভিনয় কৰা দেখি নায়াৰ সম্প্ৰদায়ৰ লোকসকল ক্ষুব্ধ হৈ পৰিছিল। সেই সময়ত চলচ্চিত্ৰ জগতৰ বহু বিশিষ্ট লোকে নিৰ্বাক ছবিবিগথুকুমাৰনৰ অনুষ্ঠান উদ্বোধন কৰিবলৈ অস্বীকাৰ কৰিছিল যদিহে তাত ৰোজী উপস্থিত থাকে। তাৰ ভিতৰত এজন আছিল বিখ্যাত অধিবক্তা মাদুৰ গোবিন্দন পিল্লাই। ছবিৰ নায়কে ৰোজীৰ মূৰৰ ফুল এটাত চুমা খোৱাত দৰ্শকে পৰ্দালৈ শিলগুটি নিক্ষেপ কৰিছিল। পৰিচালক ডেনিয়েলে ত্ৰিবান্দ্ৰমৰ কেপিটেল থিয়েটাৰত ছবিখনৰ মুকলি অনুষ্ঠানলৈ প্ৰতিক্ৰিয়াৰ আশংকাত ৰোজীক আমন্ত্ৰণ কৰা নাছিল। মূল চৰিত্ৰটোৱে চুলিত ফুল এটা চুমা খোৱা এটা দৃশ্যৰ পিছত দৰ্শকে পৰ্দাত শিলগুটি নিক্ষেপ কৰে। পৰিচালক ডেনিয়েলে নিজেই তাইক তিৰুৱনন্তপুৰমৰ কেপিটেল থিয়েটাৰত মুকলি অনুষ্ঠানলৈ নিমন্ত্ৰণ কৰা নাছিল, প্ৰতিক্ৰিয়াৰ আশংকাত। কিন্তু ৰোজীয়ে যিকোনো প্ৰকাৰে হ’লেও তাত উপস্থিত আছিল আৰু অনুষ্ঠানটো বৰ্জন কৰাসকলেও দ্বিতীয়বাৰৰ বাবে শ্ব' চাবলৈ বাধ্য হৈছিল।[9]
নায়াৰৰ চৰিত্ৰত অভিনয় কৰাৰ "অপৰাধ"ৰ বাবেই তেওঁৰ ঘৰটো উচ্চবৰ্ণ লোকে জ্বলাই দিয়া বুলি কোৱা হয়। তাৰ পিছত খবৰ অনুসৰি তেওঁ তামিলনাডুলৈ যোৱা এখন ল'ৰীত উঠি পলায়ন কৰিছিল। ল'ৰী চালক কেশৱন পিল্লাইক বিয়া কৰাই তামিলনাডুত "ৰাজমল" নামেৰে নিৰৱে জীৱনটো পাৰ কৰিছিল।[12] তেওঁৰ সন্তানসকলে তেওঁৰ চমু তাৰকাত্বৰ বিষয়ে একো নাজানিছিল। ইয়াৰ বাহিৰে তেওঁ এগৰাকী নাট্যশিল্পী আছিল।[8]
উত্তৰাধিকাৰ
[সম্পাদনা কৰক]ষাঠিৰ দশকৰ শেষৰ ফালে চেংগালট গোপালকৃষ্ণনে প্ৰথমবাৰৰ বাবে চিনেমাখনৰ কাহিনী পুনৰ আৱিষ্কাৰ কৰাৰ বিপৰীতে ১৯৭১ চনত কুন্নুকুজিয়ে ৰোজীৰ বিষয়ে প্ৰথম প্ৰবন্ধ প্ৰকাশ কৰে।
২০১৩ চনত কমলে ডেনিয়েলৰ জীৱনভিত্তিক চেলুলয়দ নামৰ ছবি এখন পৰিচালনা কৰিছিল। ছবিখন আংশিকভাবে বিনু আব্ৰাহামৰ নষ্ট নায়িকা শীৰ্ষক উপন্যাসৰ আধাৰত নিৰ্মিত আৰু ইয়াত ৰোজীৰ জীৱনৰ বিষয়েও উল্লেখ হৈছে। নৱাগত চান্দনী গীতাই ৰোজীৰ চৰিত্ৰত অভিনয় কৰিছিল।[10] ৰোজীক ইয়াত নিৰ্বোধ আৰু উচ্চজাতিৰ প্ৰতি অনুগত বুলি চিত্ৰিত কৰাৰ বাবে ই সমালোচনাৰ সন্মুখীন হৈছে।[8] তেওঁৰ জীৱনৰ বিষয়ে আন দুখন ছবিও নিৰ্মাণ কৰা হৈছে: দ্য লষ্ট চাইল্ড আৰু ইথু ৰোজীউদে কাথা (এয়া ৰোজীৰ কাহিনী)।[9] মালয়ালম চলচ্চিত্ৰৰ অভিনেত্ৰীসকলৰ এটা সংগঠনে নিজকে পি.কে. ৰোজী ফিল্ম ছোচাইটি বুলি নামকৰণ কৰিছিল।
২০২৩ চনৰ ১০ ফেব্ৰুৱাৰীত ১২০ বছৰীয়া জন্মদিন উপলক্ষে ৰোজীক গুগল-ডুডলত স্থান দিয়া হয়।[11]
তথ্যউৎস
[সম্পাদনা কৰক]- ↑ 1.0 1.1 1.2 1.3 1.4 "P K Rosy & the History Behind". Archived from the original on 11 July 2011. https://web.archive.org/web/20110711020343/http://www.mathrubhumi.com/movies/flash_back/183596/। আহৰণ কৰা হৈছে: 22 March 2019.
- ↑ 2.0 2.1 Sebastian, Meryl Mary (June 2013). "The Name of the Rose". TBIP. http://thebigindianpicture.com/2013/06/the-name-of-the-rose/। আহৰণ কৰা হৈছে: 20 May 2017.
- ↑ Pillai, Meena T. (7 March 2013). "The daughters of P.K. Rosy". The Hindu. https://www.thehindu.com/features/cinema/the-daughters-of-pk-rosy/article4484922.ece। আহৰণ কৰা হৈছে: 22 March 2019.
- ↑ Chelangad, Saju (8 December 2013). "History in retrospect". The Hindu. https://www.thehindu.com/features/metroplus/history-in-retrospect/article5433586.ece। আহৰণ কৰা হৈছে: 22 March 2019.
- ↑ "Locating P K Rosy: Can A Dalit Woman Play a Nair Role in Malayalam Cinema Today?" (en-US ভাষাত). Savari. http://www.dalitweb.org/?p=1641। আহৰণ কৰা হৈছে: 2017-06-05.
- ↑ Pillai, Meena T.. "The daughters of P.K. Rosy" (en ভাষাত). The Hindu. http://www.thehindu.com/features/cinema/the-daughters-of-pk-rosy/article4484922.ece.
- ↑ Harikrishnan, Charmy (14 August 2016). "The return of Dalit heroine in Malayalam cinema". The Economic Times. https://economictimes.indiatimes.com/news/politics-and-nation/the-return-of-dalit-heroine-in-malayalam-cinema/articleshow/53694495.cms। আহৰণ কৰা হৈছে: 22 March 2019.
- ↑ 8.0 8.1 8.2 8.3 Rajendran, Sowmya (19 September 2019). "PK Rosy's story: How Malayalam cinema's first woman actor was forced to leave the state". The News Minute. https://www.thenewsminute.com/article/pk-rosys-story-how-malayalam-cinemas-first-woman-actor-was-forced-leave-state-109169। আহৰণ কৰা হৈছে: 2020-04-24.
- ↑ 9.0 9.1 "The Name of the Rose | The Big Indian Picture" (en-US ভাষাত). thebigindianpicture.com. http://thebigindianpicture.com/2013/06/the-name-of-the-rose/। আহৰণ কৰা হৈছে: 2017-06-05.
- ↑ Manalethu, Biju Cheriyan (22 January 2016). "Chandini Geetha - Film Actress, Singer". Cinetrooth. http://cinetrooth.in/2016/01/22/chandini-geetha-actress-profile-and-biography/। আহৰণ কৰা হৈছে: 20 May 2017.
- ↑ "P.K. Rosy's 120th Birthday" (en ভাষাত). www.google.com. https://www.google.com/doodles/pk-rosys-120th-birthday। আহৰণ কৰা হৈছে: 2023-02-09.