মামাং দাই

অসমীয়া ৱিকিপিডিয়াৰ পৰা
Jump to navigation Jump to search
মামাং দাই
জন্ম ২৩ ফেব্ৰুৱাৰী, ১৯৫৭
পাছিঘাট, পূব ছিয়াং জিলা, অৰুণাচল প্ৰদেশ
পেচা কবি, ঔপন্যাসিক, সাংবাদিক
ভাষা
ৰাষ্ট্ৰীয়তা ভাৰতীয়
উল্লেখনীয় কৰ্মৰাজী
  • দ্যা ব্লেক হিল
  • দ্যা স্কাই কুইন
  • ষ্টুপিড কিউপিড
  • মাউণ্টেইন হাৰভেষ্ট: দ্যা ফুড অফ অৰুণাচল প্ৰদেশ
  • ৰিভাৰ পয়েমচ
উল্লেখযোগ্য বঁটা

মামাং দাই অৰুণাচল প্ৰদেশৰ ইটানগৰৰ নিবাসী এগৰাকী ভাৰতীয় কবি, ঔপন্যাসিক তথা সাংবাদিক। তেওঁ তেওঁৰ উপন্যাস দ্যা ব্লেক হিল-ৰ বাবে ২০১৭ চনত ইংৰাজী ভাষাৰ সাহিত্য অকাডেমি বঁটা লাভ কৰে।

জীৱন[সম্পাদনা কৰক]

১৯৫৭ চনৰ ২৩ ফেব্ৰুৱাৰী তাৰিখে পূব ছিয়াং জিলাপাছিঘাটত মামাং দাইৰ জন্ম হয়। তেওঁৰ পিতৃ মতিন দাই আৰু মাতৃ অদি দাই। মামাং দাইৰ পৰিয়ালটো আদি জনগোষ্ঠীৰ লোক। তেওঁ শ্বিলঙৰ পাইন মাউন্ট স্কুল, মেঘালয়ৰ পৰা স্কুলীয়া শিক্ষা সাং কৰে। পিছলৈ তেওঁ গুৱাহাটী বিশ্ববিদ্যালয়ৰ পৰা ইংৰাজী বিষয়ত স্নাতক ডিগ্ৰী লাভ কৰে।[1][2] ১৯৭৯ চনত তেওঁ ভাৰতীয় প্ৰশাসনিক সেৱাৰ বাবে নিৰ্বাচিত হয়। পিছত তেওঁ এই বৃত্তি এৰি সাংবাদিকতাৰ কামত মনোনিবেশ কৰে। তেওঁ ভাৰতীয় প্ৰশাসনিক সেৱাৰ বাবে নিৰ্বাচিত অৰুণাচল প্ৰদেশৰ প্ৰথম গৰাকী মহিলা আছিল।[3] সাংবাদিক হিচাপে কাম কৰাৰ সময়ত তেওঁ দ্যা টেলিগ্ৰাফ, হিন্দুস্থান টাইমচ আৰু দ্যা ছেণ্টিনেলৰ বাবে অবদান আগবঢ়ায়।তেওঁ ৰেডিঅ'ৰ জগতখনৰ লগতে টিভি এয়াৰ আৰু ইটানগৰ দূৰদৰ্শন কেন্দ্ৰটো কাম কৰিছিল।[4][5] তেওঁ ৱৰ্ল্ড ৱাইড ফাণ্ড ফৰ নেচাৰ চমুকৈ 'WWF'ত পূৰ্ব হিমালয় জৈৱ বৈচিত্ৰৰ হটস্পট প্ৰগ্ৰেমত কাম কৰিছিল। তেওঁ ইটানগৰ প্ৰেছ ক্লাবৰ প্ৰাক্তন সম্পাদক তথা বৰ্তমান অৰুণাচল সাংবাদিক সংগঠনৰ সভাপতি।[2] ২০১১ চনত তেওঁ অৰুণাচল প্ৰদেশৰ পাবলিক চাৰ্ভিছ কমিচনৰ সদস্য ৰূপে নিযুক্ত হয়।

কাৰ্যাৱলী[সম্পাদনা কৰক]

২০০৬ চনত তেওঁ তেওঁৰ প্ৰথম উপন্যাস দ্যা লেজেণ্ডচ অফ পেনচাম প্ৰকাশ কৰে, ইয়াৰ পিছত প্ৰকাশ পায় ষ্টুপিড কিউপিড (২০০৪) আৰু দ্যা ব্লেক হিল (২০১৪)। ৰিভাৰ পয়েমচ (২০০৪), দ্যা বাল্ম অফ টাইম (২০০৪), হেম্ব্ৰেলাইচ লুম (২০১৪) আৰু মিডচামাৰ চাৰভাইভেল লিৰিক্স(২০১৪) তেওঁৰ কবিতা সংগ্ৰহ। দ্যা বাল্ম অফ টাইম কিতাপখন অসমীয়ালৈ অনুদিত হৈছে।[1] দ্যা স্কাই কুইন আৰু ৱাঞ্চ আপন এ মুনটাইম (২০০৩) তেওঁ দ্বাৰা ৰচিত লোককথাৰ চিত্ৰিত গ্ৰন্থ। তেওঁৰ অ-কাল্পনিক ৰচনাৱলীসমূহ হৈছে অৰুণাচল প্ৰদেশ: দ্যা হিডেন লেণ্ড (২০০৩) আৰু মাউণ্টেইন হাৰভেষ্ট: দ্যা ফুড অফ অৰুণাচল প্ৰদেশ (২০০৪)।

যেতিয়া তেওঁ লিখা আৰম্ভ কৰিছিল, প্ৰথমাৱস্থাত তেওঁ ৰোমান্টিক পদ আৰু গল্প লিখিছিল। পিছলৈ তেওঁ বাস্তৱ জীৱনক স্পষ্ট ৰূপত প্ৰকাশ কৰিবলৈ বাস্তৱ জগতখনৰ সৈতে ৰজিতা খুৱাই বিভিন্ন বিষয়ত লিখা আৰম্ভ কৰে। তেওঁ নিলগীয়া চহৰ আৰু গাঁও অঞ্চলত বসবাস কৰা তেওঁৰ ঘনিষ্ঠ সম্প্ৰদায়ৰ লোকসকলৰ ভাৱ অনুভূতিৰ প্ৰতিফলন কৰিব পৰাকৈ লিখিবলৈ লয়।[6] তেওঁ অধিষ্ঠিত কৰা পদসমূহৰ মাজত অৰুণাচল প্ৰদেশ লিটাৰেৰি চচাইটিৰ সাধাৰণ সম্পাদক, উত্তৰ-পূব লেখক ফোৰামৰ সদস্য আৰু সাহিত্য আৰু সংগীত নাটক অকাডেমিৰ সাধাৰণ কাউন্সিল সদস্য পদ উল্লেখযোগ্য।[4]

পুৰস্কাৰ[সম্পাদনা কৰক]

২০১১ চনত তেওঁক ভাৰত চৰকাৰে পদ্মশ্ৰী সন্মান প্ৰদান কৰে।[2][7] অৰুণাচল প্ৰদেশ চৰকাৰে ২০১৩ চনত তেওঁৰ গ্ৰন্থ অৰুণাচল প্ৰদেশ: দ্যা হিডেন লেণ্ড-ৰ বাবে তেওঁক বাৰ্ষিক ভেৰিয়াৰ এলৱিন বঁটা প্ৰদান কৰে। তেওঁ তেওঁৰ উপন্যাস দ্যা ব্লেক হিল-ৰ বাবে ইংৰাজী ভাষাৰ সাহিত্য অকাডেমি বঁটা লাভ কৰে।[8][9]

তথ্য সংগ্ৰহ[সম্পাদনা কৰক]

  1. 1.0 1.1 Sarangi, Jaydeep; Dai, Mamang. "In Conversation with Mamang Dai". Flinders University. https://journals.flinders.edu.au/index.php/wic/article/view/23/19. 
  2. 2.0 2.1 2.2 Ramaṇika Gupta (2006). Indigenous Writers of India: North-East India. Vol. 1. প্ৰকাশক New Delhi: Concept Publishing Company. পৃষ্ঠা. 23–24. ISBN 978-81-8069-300-7. https://books.google.com/books?id=FWCiWWeRCU4C&pg=PA23। আহৰণ কৰা হৈছে: 24 February 2018. 
  3. "Mamang Dai – Publishing Next" (en-US ভাষাত). http://www.publishingnext.in/mamang-dai/. 
  4. 4.0 4.1 "Mamang Dai (poet) - India - Poetry International" (en ভাষাত). https://www.poetryinternationalweb.net/pi/site/poet/item/16974/27/Mamang-Dai. 
  5. "RædLeafPoetry-India – The Phenomenal Woman- An interview of Mamang Dai by Ananya Guha" (en-US ভাষাত). https://rlpoetry.org/the-phenomenal-woman-an-interview-of-mamang-dai-by-ananya-guha/. 
  6. "The Land as “Living Presence” (article) - India - Poetry International" (en ভাষাত). https://www.poetryinternationalweb.net/pi/site/cou_article/item/17068. 
  7. "Padma Awards". Ministry of Home Affairs, Government of India. 2015. Archived from the original on November 15, 2014. https://www.webcitation.org/6U68ulwpb?url=http://mha.nic.in/sites/upload_files/mha/files/LST-PDAWD-2013.pdf। আহৰণ কৰা হৈছে: July 21, 2015. 
  8. "Mamang Dai and Ramesh Kuntal Megh win Sahitya Akademi award- Entertainment News, Firstpost". 2017-12-21. http://www.firstpost.com/entertainment/mamang-dai-and-ramesh-kuntal-megh-win-sahitya-akademi-award-4269907.html. 
  9. "Arunachal author Mamang Dai among 24 winners of 2017 Sahitya Akademi awards". scroll.in. https://scroll.in/latest/862334/arunachal-author-mamang-dai-among-24-winners-of-2017-sahitya-akademi-awards। আহৰণ কৰা হৈছে: 10 February 2019.