লাহৰী

অসমীয়া ৱিকিপিডিয়াৰ পৰা
Jump to navigation Jump to search


লাহৰী  
লেখক পদ্মনাথ গোহাঞিবৰুৱা
দেশ অসম, ভাৰত
ভাষা অসমীয়া
বিষয় উপন্যাস
প্ৰকাশ ১৮৯২ চন
মিডিয়া প্ৰকাৰ মুদ্ৰণ
Wikisource-logo.svg ৱিকিউৎসত লাহৰীৰ সম্পূৰ্ণ পাঠ পঢ়ক

লাহৰী (১৮৯২) পদ্মনাথ গোহাঞিবৰুৱাভানুমতী(১৮৯১) আৰু লাহৰী(১৮৯২) আৰু লক্ষ্মীনাথ বেজবৰুৱাৰ ‘পদুম কুঁৱৰী’(১৯০৫)ৰচনাৰ পাছত আধুনিক অসমীয়া উপন্যাসৰ ধাৰা আৰম্ভ হয় বুলিব পাৰি। গোহাঞি বৰুৱাৰ দ্বিতীয়খন উপন্যাস আৰু শেষ উপন্যাস হ’ল লাহৰী৷ ই এখন মিলনাত্মক উপন্যাস৷ কলিকতাৰপৰা ১৮৯২ খ্ৰীষ্টাব্দত এই উপন্যাসখন প্ৰকাশ হয় কিলকতাৰপৰা৷ লাহৰী প্ৰকৃতেত এখন সামাজিক উপন্যাস৷ [1] ‘লাহৰী’ প্রকৃততে এখন সামাজিক উপন্যাস ৷ গােহাঞিবৰুৱাই এইখনকো ঘৰুৱা উপন্যাস’ আখ্যা দিছে।

বিষয়বস্ত[সম্পাদনা কৰক]

ঘটনাৰাজিক মানৰ আক্ৰমণৰ লগত সাঙুৰি দিয়া হৈছে যদিও উপন্যাসৰ কাহিনীত এই আক্রমণৰ ঘটনাই গুৰুত্ব লাভ কৰা নাই। তদুপৰি উপন্যাসখনত উল্লেখ থকা ঐতিহাসিক চৰিত্ৰ, যেনে– চন্দ্রকান্ত সিংহ, বদন ফুকন, ৰাজমাও, ৰুচিনাথ বুঢ়াগােহাঞি, পুৰন্দৰ সিংহ প্রভৃতিয়ে কাহিনীৰ বিকাশত বিশেষ গুৰুত্ব বহন কৰা নাই। লেখকে দুটা সুকীয়া ঘটনা লগ-লগাবৰ বাবে মান সৈন্যই অসম আক্রমণ কৰা ঐতিহাসিক ঘটনাটো ইয়াত সংস্থাপন কৰিছে। প্ৰথমটো ঘটনা হ’ল শান্তিৰাম গােহাঞি বৰুৱাই মৰঙ্গিখােৱা গােহাঞিৰ অত্যাচাৰত অতিষ্ঠ হৈ ৰংপুৰ এৰি গুৱাহাটীলৈ সপৰিয়ালে নাৱেৰে ভটিয়াই আহোঁতে ব্রহ্মপুত্ৰত নাও বুৰি কোন ক’ত গ'ল তাৰ একো চন নােহােৱাত পৰিল। শান্তিৰামৰ একেটি পুত্র কোমল বয়সীয়া কমল নৈত ভাহি। ভাহি গৈ বহু দূৰ কৰাম গােহাঞিৰ নাৱত কোনােমতে উঠি ৰক্ষা পৰিল; ইত্যাদি। দ্বিতীয় ঘটনাটো হ'ল- ৰত্নেশ্বৰ নামৰ এজন দুষ্ট মানুহে পমুৱা মান সৈন্যৰ দ্বাৰা গাঁও-ভূঁই লুটপাত কৰোৱা, লাহৰী নামৰ গাভৰু এজনীক বলাতকাৰ কৰাৰ উদ্দেশ্যে পলুৱাই নিবলৈ পমুৱা মান সেনাক লগোৱা ইত্যাদি ঘটনা৷ [2]

‘ভানুমতী’ উপন্যাসখন ‘বিজুলী (আলোচনী)’ত খণ্ড-খণ্ডকৈ ধাৰাবাহিক ভাৱে প্ৰকাশ হৈ থাকোঁতেই পূৰ্ণাংগ ৰূপত লাহৰী গ্ৰন্থ আকাৰত প্ৰকাশ হৈ ওলায়। সেই সূত্ৰে যদিও ‘ভানুমতী’য়ে ছপাশালৰ মুখ প্ৰথমে দেখিছিল, আধুনিক অসমীয়া সাহিত্যৰ প্ৰথম পূৰ্ণাংগ উপন্যাস লাহৰী । ১৮৯১ চনত ‘ভানুমতী’ ‘বিজুলী’ আলোচনীত প্ৰকাশ হয়। [3]

তথ্য সংগ্ৰহ[সম্পাদনা কৰক]

  1. এশ বছৰৰ অসমীয়া উপন্যাস, সম্পাদনা-নগেন ঠাকুৰ, দ্বিতীয় প্ৰকাশ, ২০১২, পৃষ্ঠা-৩২৬
  2. এশ বছৰৰ অসমীয়া উপন্যাস, ২০১২, পৃষ্ঠা-৩২৬
  3. এশ বছৰৰ অসমীয়া উপন্যাস, ২০১২, পৃষ্ঠা-৩২১

বাহ্যিক সংযোগ[সম্পাদনা কৰক]