লিয়ন ট্ৰটস্কি

অসমীয়া ৱিকিপিডিয়াৰ পৰা
Jump to navigation Jump to search
Lev Trotsky.jpg

লেভ ডেভিড'ভিচ ব্ৰনষ্টাইন  নামেৰে জন্ম লোৱা লিয়ন ট্ৰটস্কি (/ˈtrɒtski/[1] ৰুছ ভাষাত: Лев Дави́дович Тро́цкий) (৭ নৱেম্বৰ ১৮৭৯, পুৰণি ব্যৱস্থাত ২৬ অক্টোবৰ - ২১ আগষ্ট ১৯৪০) এগৰাকী মাৰ্ক্সবাদী বিপ্লৱী আৰু সূত্ৰবাদী, অক্টোবৰ বিপ্লৱত সকলো শক্তি ছ'ভিয়েটৰ হাতলৈ প্ৰেৰণ কৰাৰ অভিযন্তা আৰু ৰঙা সেনা বা ৰেড আৰ্মিৰ প্ৰতিষ্ঠাপক নেতা।

ৰাজনৈতিক জীৱনৰ আগ ভাগ[সম্পাদনা কৰক]

পূৰ্বতে ট্ৰটস্কি আছিল ৰাছিয়ান চ'চিয়েল ডেম'ক্ৰেটিক লেবাৰ পাৰ্টিৰ মেনছেভিকসকলৰ সমৰ্থক। তেও বলছেভিক দলত অক্টোবৰ বিপ্লৱৰ ঠিক আগেয়ে যোগদান কৰিছিল আৰু পাছলৈ কমিউনিষ্ট পাৰ্টিৰ নেতা হ'ল। তেও লেনিন, জিন'ভিএভ, কামেনেভ, ষ্টেলিন , চকলনিকভ আৰু বুবন'ভৰ সৈতে সাতজনীয়া প্ৰথম পলিটব্যুৰ'ৰ সদস্য অছিল, যাক ১৯১৭ত বলছেভিক বিপ্লৱক চলাবলৈ গঠন কৰা হৈছিল।[2] ৰাছিয়ান ছ'ভিয়েট ফেডাৰেটিভ চ'চিয়েলিষ্ট ৰিপাব্লিক (RSFSR)ত তেও প্ৰথম পিপলছ কমিছাৰ ফৰ ফৰেইন এফেয়াৰ্ছ আছিল্ল আৰু পাছলৈ ৰঙা সেনা গঠন হোৱাৰ পাছত তেও  প্ৰথম পিপলছ কমিছাৰ অৱ মিলিটেৰি এণ্ড নেভেল এফেয়াৰ্ছ হ'ল। তেও ৰুছ গৃহ যুদ্ধত (১৯১৮-১৯২৩) ব'লছেভিক জয়ৰ এক মুখ্য ব্যক্তি আছিল।

ষ্টীলিনৰ বিৰোধ আৰু মৃত্যু[সম্পাদনা কৰক]

ট্ৰটস্কিয়ে ১৯২০ৰ দশকত ষ্টেলিনৰ ক্ষমতা দখলৰ বিৰুদ্ধে আৰু ছ'ভিয়েট সংঘত বিষয়াতন্ত্ৰাৰ প্ৰসাৰৰ বিৰুদ্ধে 'বাম বিৰোধ' কৰিছিল যদিও ই বিফল হ'ল। ট্ৰটস্কিক অক্টোবৰ ১৯২৭ত ক্ষমতাৰপৰা আতৰোৱা হ'ল আৰু নৱেম্বৰ ১৯২৭ত কমিউনিষ্ট পাৰ্টিৰপৰা  বহিষ্কাৰ কৰা হ'ল। তেওক ফেব্ৰুৱাৰী ১৯২৮ত আল্মা আটালৈ বহিষ্কাৰ কৰা হ'ল। তেওক ফেব্ৰুৱাৰী ১৯২৯ত ছ'ভিয়েট সংঘৰপৰা বহিষ্কাৰ কৰা হ'ল। চতুৰ্থ আন্তৰ্জাতিক (ফ'ৰ্থ ইণ্টাৰ্ণেচনেল)ৰ মুৰব্বী হিচাপে তেও ছ'ভিয়েট সংঘত ষ্টেলিনবাদী আমোলাতন্ত্ৰৰ বিৰোধ কৰি গ'ল। ষ্টেলিনৰ আদেশত আগষ্ট ১৯৪০ত তেওক মেক্সিক'ত স্পেনীয় হিচাপে জন্ম গ্ৰহণ কৰা ছ'ভিয়েট দালাল ৰামন মাৰ্চেডাৰে হত্যা কৰিলে।[3]

ট্ৰটস্কিবাদ আৰু ট্ৰটস্কিৰ মহত্ব[সম্পাদনা কৰক]

ট্ৰটস্কিৰ ধাৰণাসমূহে ট্ৰটস্কিবাদৰ মূল, যি মাৰ্ক্সবাদী চিন্তাৰ এক মুখ্য ভাগ। এই ভাগে ষ্টেলিনবাদাৰ বিৰোধ কৰে। ষ্টেলিনৰ শাসনত তেওৰ কথা বিদ্যালয়ৰ গ্ৰন্থাদিৰ পৰা আতৰাই ৰখা হ'ল। তেও এনে এক সৰু ছ'ভিয়েট নেতাৰ গোটৰ অন্যতম যাক নিকিটা খ্ৰুচ্ছেভে ১৯৫০ৰ দশকত পুনৰ্সংস্থাপিত নকৰিলে। ১৯৮০ৰ দশকতহে তেওৰ গ্ৰন্থ সমূহ ছ'ভিয়েট সংঘত ছপা হ'বলৈ দিয়া হ'ল, তাকো তাকৰীয়াঅ সময়ৰ বাবে।

টোকা[সম্পাদনা কৰক]

তথ্য সংগ্ৰহ[সম্পাদনা কৰক]

  1. "Trotsky".
  2. Dmitri Volkogonov, Lenin.
  3. The murder weapon was a cut-down ice axe, not an ice pick.