শিল কপৌ
| Common Emerald Dove (শিল কপৌ) | |
|---|---|
| |
| Male at the National Aquarium in Baltimore, USA | |
| সংৰক্ষণ স্থিতি | |
| জীৱবৈজ্ঞানিক শ্ৰেণীবিভাজন | |
| ৰাজ্য: | Animalia |
| পৰ্ব: | Chordata |
| শ্ৰেণী: | Aves |
| বৰ্গ: | Columbiformes |
| পৰিয়াল: | Columbidae |
| গণ: | Chalcophaps |
| প্ৰজাতি: | C. indica |
| বৈজ্ঞানিক নাম | |
| Chalcophaps indica (Linnaeus, 1758) | |
শিল কপৌ (ইংৰাজী: Common Emerald Dove, বৈজ্ঞানিক নাম: Chalcophaps indica) কলাম্বিডি (Columbidae) গোত্ৰৰ এবিধ থলুৱা চৰাইৰ প্ৰজাতি৷ এই চৰাইবিধ ভাৰত উপমহাদেশ তথা ম্যানমাৰ, থাইলেণ্ড, মালয়েছিয়া, ইণ্ডোনেছিয়া তথা অষ্ট্ৰেলিয়া পৰ্য্যন্ত বিস্তৃত হৈ আছে৷ শিল কপৌ ভাৰতৰ তামিলনাডু ৰাজ্যৰ জাতীয় চৰাইৰূপে পৰিচিত৷
বিৱৰণ
[সম্পাদনা কৰক]শিল কপৌৰ দেহটো শকত, মজলীয়া আকাৰৰ আৰু দৈৰ্ঘ্য সাধাৰণতে ২৩-২৮ ছে:মি: হয়৷ দেহৰ পৃষ্ঠদিশ আৰু ডেউকা দুখন উজ্জল সেউজীয়া বৰণৰ হয়৷ নেজ ক’লা চানেকীয়া৷ মূৰ আৰু দেহৰ ওপৰঅংশ গাঢ় গুলপীয়া বৰণৰ হোৱা দেখা যায়৷ ইয়াৰ চকুযোৰ গাঢ় মটীয়া আৰু ঠোঁট উজ্জল ৰঙা৷
মতা শিল কপৌৰ ডেউকাত বগা দাগ আৰু মূৰত মুগা বৰণ থাকে, যিটো মাইকী শিল কপৌৰ ক্ষেত্ৰত দেখা পোৱা নাযায়৷ পোৱালি শিল কপৌ দেখাত মাইকী কপৌৰ দৰে হয়৷
টেক্স’নমি
[সম্পাদনা কৰক]শিল কপৌৰ যধেষ্ট সংখ্যক উপ-প্ৰজাতি দেখিবলৈ পোৱা যায়৷ তাৰে অষ্ট্ৰেলিয়াত পোৱা তিনিবিধ উপ-প্ৰজাতি হৈছে, longirostris , chrysochlora আৰু natalis৷
বসতিস্থল
[সম্পাদনা কৰক]এই প্ৰজাতিটো বৰ্ষাৰণ্যসমূহত প্ৰধানকৈ দেখা যায়৷ ই কাঠনি, খেতি-পথাৰ আদিত বসবাস কৰে৷
আচৰণ
[সম্পাদনা কৰক]শিল কপৌক সাধাৰণতে অকলশৰে বা যোৰ পাতি বা কেতিয়াবা সৰু জাকত থকা দেখা যায়৷ ইহঁতে মাটিত সৰা ফল খাই চৰি ফুৰে, কেৱল জিৰণি ল’বৰ বাবেহে গছৰ থকা দেখা যায়৷ শিল কপৌৰ প্ৰধান খাদ্য হৈছে গছৰ গুটি, ফল-মূল আৰু বিভিন্ন উদ্ভিদ৷
শিল কপৌৰ মাত সৰু কোমল কুউ-উ-উ ধৰণৰ ৷
আলোকচিত্ৰ
[সম্পাদনা কৰক]-
কেৰেলাত এটা শিল কপৌ -
আমেৰিকাত এজনী মাইকী শিল কপৌ -
চানডিয়েগোৰ চিৰিয়াখানত এটা মতা শিল কপৌ -
অষ্ট্ৰেলিয়াত এটা শিল কপৌ
তথ্য সংগ্ৰহ
[সম্পাদনা কৰক]- ↑ BirdLife International (2012). "Chalcophaps indica". IUCN Red List of Threatened Species. Version 2012.1. International Union for Conservation of Nature. http://www.iucnredlist.org/apps/redlist/details/106002534। আহৰণ কৰা হৈছে: 16 July 2012.
বাহ্যিক সংযোগ
[সম্পাদনা কৰক]- Grimmett, Birds of India, Inskipp and Inskipp, ISBN 0-691-04910-6
- Pizzey and Knight, "Field Guide to the Birds of Australia", Angus & Robertson, ISBN 0-207-19691-5
- Trounsen and Trounsen, "Australian Birds: A Concise Photographic Field Guide, Cameron House. ISBN 1-875999-47-7.
 |
ৱিকিমিডিয়া কমন্সত Chalcophaps indica সম্পৰ্কীয় মিডিয়া ফাইল আছে। |