হৃদয় নিৰুপায়
| হৃদয় নিৰুপায় | |
|---|---|
| লেখক | ৰীতা চৌধুৰী |
| দেশ | ভাৰত |
| ভাষা | অসমীয়া |
| প্ৰকাৰ | সামাজিক উপন্যাস, কেম্পাছকেন্দ্ৰিক উপন্যাস |
| প্ৰকাশক | জ্যোতি প্ৰকাশন |
| মিডিয়া প্ৰকাৰ | মুদ্ৰণ |
হৃদয় নিৰুপায় এখন অসমীয়া ভাষাৰ উপন্যাস৷ ঔপন্যাসিক ৰীতা চৌধুৰী৷ উপন্যাসখনৰ প্ৰথম প্ৰকাশ হয় ২০০৩ চনৰ মে’ মাহত৷ উপন্যাসখন পূৰ্বতে ১৯৯৬ চনত ‘জনমভূমি’ কাকতৰ পূজা সংখ্যাত ‘অন্তঃস্ৰোতা’ শীৰ্ষক নামেৰে প্ৰকাশ হৈছিল৷ ‘হৃদয় নিৰুপায়’ তাৰেই পৰিবৰ্দ্ধিত ৰূপ৷[1] ২০২০ চনত উপন্যাসখনৰ ষষ্ঠ প্ৰকাশ মুদ্ৰিত হৈছে৷ ‘হৃদয় নিৰুপায়’ কেম্পাছকেন্দ্ৰিক অসমীয়া উপন্যাস৷ উপন্যাসখন উচৰ্গা কৰা হৈছে চৌধুৰীৰ প্ৰিয় বন্ধু চম্পক বৰবৰাৰ হাতত৷ প্ৰকাশক জ্যোতি প্ৰকাশন৷ ষষ্ঠ প্ৰকাশৰ মূল্য ১০০ টকা৷
লেখকৰ পৰিচয়
[সম্পাদনা কৰক](জন্ম:১৭ আগষ্ট,১৯৬০) অসমীয়া সাহিত্য জগতৰ এগৰাকী কবি, ঔপন্যাসিক আৰু সাহিত্য অকাডেমি বঁটা বিজয়ী সাহিত্যিক।[2][3] মাকাম, দেওলাংখুই, পপীয়া তৰাৰ সাধু, মায়াবৃত্ত ইত্যাদি তেখেতৰ উল্লেখযোগ্য সাহিত্যিক অৱদান । তেখেতে ২০১৫ চনৰ জুলাই মাহৰ পৰা ২০২০ চনৰ জানুৱাৰী মাহলৈ নেচনেল বুক ট্ৰাষ্ট, ভাৰতৰ সঞ্চালক হিচাপে কাৰ্যনিৰ্বাহ কৰিছিল ।<ref>{{cite
কাহিনৰ সাৰাংশ
[সম্পাদনা কৰক]উপন্যাসখনৰ কাহিনীটোৰ পটভূমি হৈছে অসম চিকিৎসা মহাবিদ্যালয়ৰ কেম্পাছভিত্তিক৷ এই কেম্পাছটোৰ ভিতৰতে সংঘটিত হোৱা এটি ঘটনাৰ আলম লৈ উপন্যাসখন লিখা হৈছে৷ মুখ্য চৰিত্ৰ অমল, সৌৰিণ, মলয়া আদিৰ জীৱনৰ এটা বিশেষ কাহিনীয়ে উপন্যাসখনত স্থান লাভ কৰিছে৷ সোৰিণ, অমল চিকিৎসা বিজ্ঞানৰ ছাত্ৰ৷ অমলে পঢ়ি থাকোঁতেই ঘটনাৰ পাকচক্ৰত মলয়া নামৰ চৰিত্ৰটিৰ প্ৰেমত পৰিছে আৰু তাইৰ সৈতে সম্বন্ধ স্থাপন কৰিব বিচাৰিছে৷ কিন্তু মলয়াই সেই প্ৰস্তাৱ অগ্ৰাহ্য কৰাত অমলে এদিন ৰাতি তাইক বলপূৰ্বকভাৱে ধৰ্ষণ কৰি গৰ্ভৱতী কৰে৷ এনে পৰিস্থিতিত উপায়ন্তৰ হৈ মলয়া মৃত্যুমুখত পৰে৷ মলয়াৰ সেই মৃতদেহটো চিকিৎসালয়ৰ এনাটমী হ’ল বা ডিচেক্চন হ’লত অমল আৰু এম.বি.বিএছৰ শিক্ষাৰ্থীসকলে শৱ-ব্যৱচ্ছেদন কৰি শিক্ষা গ্ৰহণ কৰিবলগাত পৰিছে আৰু অমলৰ মানিসক অন্তদণ্ড আৰম্ভ হৈছে৷ এনেদৰেই ঘটনাৰ কাহিনীক্ৰম আগবাঢ়িছে৷ কাহিনীৰ পাকচক্ৰত এই কথা প্ৰতীয়মান হয় যে মলয়া আছিল সৌৰিণৰ ভনীয়েক৷ সৌৰিণৰ মাহীয়েককে সৌৰিণৰ বাপেকে এসময়ত গৰ্ভৱতী কৰাত মলয়াৰ জন্ম হয়, কিন্তু এই কথাটো গোপনে ৰখাৰ বাবে সমাজৰ আঁৰ হৈয়ে থাকি যায়৷ এই মলয়াকে হোষ্টেলত অমল, মহানন্দ আদিয়ে সৌৰিণৰ প্ৰেমিকা বুলি ভাৱে আৰু তাইৰ চৰিত্ৰৰ ওপৰত প্ৰশ্ন তোলে৷ অমলৰ মানসিক দ্বন্দ্ব উপন্যাসখনত দেখুওৱা হৈছে যদিও সিয়েই যে মলয়াৰ হত্যাকাৰী, এই কথা কোনেও নজনাকৈয়ে থাকি গৈছে৷
চৰিত্ৰসমূহ
[সম্পাদনা কৰক]অমল, মলয়া, সৌৰিণ, মহানন্দ,নবু, অতনু, নীহাৰ, গকুল, পটংগীয়া ছাৰ, শৈবাল, তনুজা, নীলিমা মাহী আদি
তথ্য সংগ্ৰহ
[সম্পাদনা কৰক]- ↑ ৰীতা চৌধুৰী (২০২০). ৰীতা চৌধুৰী. জ্যোতি প্ৰকাশন. পৃষ্ঠা. পাতনি.
- ↑ "Literary feats lauded". The Assam Tribune. (Monday, December 29, 2008). Archived from the original on 2012-02-19. https://web.archive.org/web/20120219170116/http://www.assamtribune.com/scripts/details.asp?id=dec2908%2FCity2। আহৰণ কৰা হৈছে: 2009-10-22.
- ↑ "Chowdhury, Narzary given Akademi award". The Assam Tribune. (Wednesday, February 18, 2009). Archived from the original on 2012-02-19. https://web.archive.org/web/20120219170112/http://www.assamtribune.com/scripts/details.asp?id=feb1809%2Fat05। আহৰণ কৰা হৈছে: 2009-10-22.