ৰঞ্জু হাজৰিকা

অসমীয়া ৱিকিপিডিয়াৰ পৰা
Jump to navigation Jump to search
ৰঞ্জু হাজৰিকা
জন্ম ২৪ জুলাই, ১৯৫২
মোনাবাৰী চাহ বাগিছা, শোণিতপুৰ, অসম
পেচা লেখক
ভাষা অসমীয়া
ৰাষ্ট্ৰীয়তা ভাৰতীয়
ধৰণ থ্ৰিলাৰ, সামাজিক, ভৌতিক, কল্পবিজ্ঞান, শিশু সাহিত্য, অভিযান
উল্লেখনীয় কৰ্মৰাজী জুলু, এটা দ্বীপ সাতটা কবৰ, উত্তৰ ফাল্গুনী
উল্লেখযোগ্য বঁটা ৰহস্য সম্ৰাট (২০০৮)
প্ৰেৰণা বঁটা (২০০৮)
সাহিত্য বঁটা (২০১১)[1]
দাম্পত্যসংগী প্ৰণিতা হাজৰিকা (১৯৮৪-)
সন্তান এজন পুত্ৰ, এগৰাকী কন্যা

ৰঞ্জু হাজৰিকা (জন্ম ২৪ জুলাই, ১৯৫২) অসমৰ এজন লেখক। তেখেতৰ প্ৰকৃত নাম কুমুদ চন্দ্ৰ হাজৰিকা। শোণিতপুৰ জিলাৰ মোনাবাৰী চাহ বাগিছাত জন্মগ্ৰহণ কৰা হাজৰিকাই শৈশৱকাল কলিয়াবৰত পাৰ কৰে। মূলতঃ ভৌতিক আৰু থ্ৰিলাৰ কাহিনীৰ বাবে জনাজাত হাজৰিকাই কল্পবিজ্ঞান, সামাজিক, শিশু সাহিত্য, অভিযানমূলক, জ্যোতিষ আদি বিষয়তো বহু গ্ৰন্থ লিখি উলিয়াইছে। ১৯৭৩ চনত প্ৰথম উপন্যাস প্ৰকাশ কৰাৰে পৰা বৰ্তমানলৈ তেখেতৰ প্ৰায় ৭৫০ খন গ্ৰন্থ প্ৰকাশ পাইছে।

কৰ্মজীৱন[সম্পাদনা কৰক]

ৰঞ্জু হাজৰিকাই মোনাবাৰী চাহ বাগিছাত গাণনিক হিচাপে কৰ্মজীৱন আৰম্ভ কৰিছিল। তাৰ পাছত তেখেতে নেফা, আৰু দুখন চাহ বাগিছাত চাকৰি কৰে। হাইস্কুল শিক্ষান্ত পৰীক্ষাৰ আগতেই লিখি উলিওৱা 'বহুৰূপী' উপন্যাস এই সময়তে ১৯৭৩ চনত প্ৰকাশ পায়। আজৰি সময়ত তেখেতে আন কেইখনমান উপন্যাসৰ কাম সমাপ্ত কৰে। [2] ১৯৮২ চনত তেখেতে 'ত্ৰিশূল' আলোচনীৰ সম্পাদকৰ দায়িত্ব গ্ৰহণ কৰে। ১৯৮৪ চনত গুৱাহাটীলৈ আহি 'সংকেত' নামৰ আলোচনীৰ সম্পাদক হিচাপে কাম কৰে। লগতে নিজে 'কণ কণ' নামৰ এখন শিশু আলোচনী প্ৰকাশ কৰিবলৈ লয় যদিও সেইখন বেছিদিন নচলিল। পাছলৈ তেখেতে 'হিয়া', 'তাল', আৰু 'কাৰেং' আলোচনীৰ সম্পাদক হিচাপে কাৰ্যনিৰ্বাহ কৰিছিল।


বিবাহ[সম্পাদনা কৰক]

১৯৮৪ চনত তেখেত গুৱাহাটীলৈ আহে আৰু প্ৰণীতা হাজৰিকাৰ লগত বিবাহ পাশত আবদ্ধ হয়৷ তেওঁলোকৰ এজন ল’ৰা আৰু এজনী ছোৱালী আছে৷ [2]

তথ্যসূত্ৰ[সম্পাদনা কৰক]

  1. GOVERNMENT OF ASSAM (12 March 2013). "DIRECTORATE OF HIGHER EDUCATION" (Press release). প্ৰকাশক Assam. http://dheassam.gov.in/lit-awards%202003-2012.asp। আহৰণ কৰা হৈছে: 2016-07-23. "Literary Award for the year 2010–11" 
  2. 2.0 2.1 Sarmah, Pranoy Jyoti (18 April 2016). "Ranju Hazarika: The Man who knows the Sky is the Limit". http://www.epubbud.com/read.php?g=DSY3LXPU&p=1। আহৰণ কৰা হৈছে: 23 July 2016.