কেক্‌টাছ

অসমীয়া ৱিকিপিডিয়াৰ পৰা
Cactus
জীৱাশ্ম কাল: 35-0 Ma
Late Paleogene - Recent
Echinopsis mamillosa
জীৱবৈজ্ঞানিক শ্ৰেণীবিভাজন
Subfamilies

কেকটাছ (ইংৰাজী: Cactus) শব্দটো এটা গ্ৰীক শব্দ৷ ইয়াৰ অৰ্থ হৈছে বিন্ধা,ইয়াৰ নিজস্ব আকৰ্ষন কৰিব পৰা বহুতো গুণ আছে৷ তাৰ বাবেই ই আন উদ্ভিদৰ তুলনাত পৃথক৷ কেকটাছৰ অন্যতম বৈশিষ্ট্য হ'ল পানী সঞ্চয় কৰি ৰখাৰ কৌশল৷ কিছুমান কেকটাছ,যেনে - সাগৰফেনা,সিজু ইত্যাদিক জেওৰা হিচাপে ব্যৱহাৰ কৰা হয়৷ সিজুবড়োসকলে বাথৌ পূজাত ব্যৱহাৰ কৰে৷ [1]

গছজোপা[সম্পাদনা কৰক]

বিভিন্ন আকাৰ-আকৃতিয়ে গছজোপাক সোণত-সুৱগা কৰি তোলে৷ সূৰ্যৰ প্ৰত্যক্ষ পোহৰ ইয়াৰ বাবে অনিষ্টকাৰী যদিও ৰাতিপুৱাৰ পোহৰ কেকটাছৰ বাবে লাগতিয়াল৷ কম পানী পৰা ঠাই,বিশেষকৈ বৰষুণৰ পৰা ইয়াক আঁতৰত ৰাখিব লাগে৷ ৰূপান্তৰিত পাত আৰু কাঁইটৰদ্বাৰা গছবোৰে পানী সংৰক্ষক কোষবোৰ প্ৰখৰ ৰ'দৰপৰা ৰক্ষা কৰে৷ কিছুমান উদ্ভিদপাতবোৰৰ আকাৰ সংখ্যাত কমি গৈ নলী বা গোলাকাৰ হৈ পৰি বাষ্পীভৱনৰ মাত্ৰা কমায়৷ ইয়াৰ শিপাবোৰ যথেষ্ট দীঘল হয়৷ সাধাৰণতে ৰসাল আৰু মঙহাল কাণ্ডত থকা পাতবোৰ কাঁইটলৈ ৰূপান্তৰিত হৈ আত্মৰক্ষাৰ অংগ হিচাপে কাম কৰে৷[1]

ফুল[সম্পাদনা কৰক]

ফুলবোৰ ৰঙা,বেঙুনীয়া,হালধীয়া,গুলপীয়া আদি বিভিন্ন ৰঙৰ হোৱা দেখা যায়৷

খাদ্য হিচাপে[সম্পাদনা কৰক]

কেকটাছৰ বহুতো গোত্ৰক মানৱজাতিৰ খাদ্য হিচাপেও ব্যৱহাৰ কৰা হয়৷ উদাহৰণস্বৰূপে সাগৰফেনাক (Prickly pear) আমেৰিকাত বসবাস কৰা স্পেনিছ ভাষী লোকে স্কাৰ্ভি বেমাৰ নিৰাময়ত খাদ্য হিচাপে ব্যৱহাৰ কৰে৷ ইয়াৰে বহু প্ৰজাতিৰ গুটিবোৰ গুৰি কৰি কে'ক তৈয়াৰ কৰাত ব্যৱহাৰ কৰা হয়৷ [1]

ঔষধি গুণ[সম্পাদনা কৰক]

হাত-ভৰিআঙুলিত খুব বিষ হ'লে সিজুৰ মঙহাল কাণ্ডটো ফুটা কৰি আঙুলিত সুমুৱাই থ'লে (এই ৰোগবিধক উজনি অসমত আঙুলিপবা হোৱা বোলে) বিষ বহুখিনি নিৰাময় হয়৷

তথ্য সংগ্ৰহ[সম্পাদনা কৰক]

  1. 1.0 1.1 1.2 ড° গায়ত্ৰী অগ্নিবৰা (খাৰঘৰীয়া) (১ - ১৫ ডিছেম্বৰ ২০১২). "কেকটাছ - এবিধ ৰসাল আৰু কৌতূহলী উদ্ভিদ". প্ৰান্তিক খণ্ড ৩২শ বছৰ (১ম সংখ্যা): পৃষ্ঠা ৩২. 

বাহ্যিক সংযোগ[সম্পাদনা কৰক]