কোৱাণ্টাম বলবিজ্ঞান

অসমীয়া ৱিকিপিডিয়াৰ পৰা


কোৱান্টাম বলবিজ্ঞান পদাৰ্থ বিজ্ঞানৰ এক শাখা, যি পাৰমাণৱিক আৰু অতিপাৰমাণবিক স্তৰত দ্বৈত ধৰ্ম, অৰ্থাৎ কণা সদৃশ আৰু তৰংগ সদৃশ আচৰণ আৰু শক্তি আৰু পদাৰ্থৰ পাৰস্পৰিক ক্ৰিয়া সৰ্ম্পকীয় ব্যাখ্যা আগবঢ়ায়। কোৱান্টাম বলবিজ্ঞানক কোৱান্টাম পদাৰ্থ বিজ্ঞান অথবা কোৱান্টাম তত্ত্ব হিচাপেও জনা যায়। প্ৰাথমিক ভাৱে ই পাৰমাণৱিক আৰু আণৱিক স্তৰত (যাক সাধাৰণতে কোৱান্টাম পৰিসৰ হিচাপেও জনা যায়) ধ্ৰুপদী বলবিজ্ঞান ৰ পৰা বিচ্যুতি দেখুৱায়। কোৱান্টাম বলবিজ্ঞানৰ উচ্চস্তৰীয় বিষয়সমূহত এই আচৰণসমূহৰ কিছুমান মেক্ৰ'স্ক'পিক (macroscopic) আৰু অতি উচ্চ বা নিম্ন শক্তি অথবা উষ্ণতাৰ পৰিসৰত হে দেখা যায়। জাৰ্মান বিজ্ঞানী ম্যাক্স প্লাংকৰ দ্বাৰা "কোৱান্টাম বলবিজ্ঞান" নামকৰণ হৈছিল। (পৰ্যবেক্ষণত দেখা গৈছিল যে, কিছুমান ভৌতিক ৰাশি "বিছিন্ন পৰিমাণ" বা "কোৱান্টা"ৰ জৰিয়তেহে সলনি হ'ব পাৰে; এই "কোৱান্টা" শব্দৰ পৰাই "কোৱান্টাম বলবিজ্ঞান" নাম উদ্ভূত।) কোৱান্টাম বলবিজ্ঞান কণিকাবাদ হৈছে পদার্থ আৰু পোহৰৰ আচৰণ আৰু ইয়াৰ পুংখানুপুংখ বৰ্ণনা আৰু বিশেষভাবে ইয়াৰ বৰ্ণনা আণবিক পৰিসৰত।বস্তুবোৰে অতি ক্ষুদ্র পৰিসৰত আমি সাধাৰণতে দেখা বস্তুবোৰৰ দৰে আচৰণ নকৰে।তাহাতি তৰংগৰ দৰে আচৰণ নকৰে,তাহাতি কণিকাৰ দৰে আচৰণ নকৰে,তাহাতি ডাৱৰৰ দৰে আচৰণ নকৰে,তাহাতি বিলিয়ার্ড বলৰ দৰেও আচৰণ নকৰে,স্প্ৰিংৰ ওজনবোৰৰ দৰেও তাহাতি আচৰণ নকৰে,আচলতে আমি দেখা কোনো বস্তুৰ দৰেই তাহাতি আচৰণ নকৰে।