অসম গণ পৰিষদ (প্ৰগতিশীল)

অসমীয়া ৱিকিপিডিয়াৰ পৰা
Jump to navigation Jump to search

অসম গণ পৰিষদ (প্ৰগতিশীল), (চমুকৈ অগপ(প্ৰ)), ভাৰতঅসম ৰাজ্যৰ এটা আঞ্চলিক ৰাজনৈতিক দল আছিল। ২০০৫ চনত দল বিৰোধী কাৰ্যকলাপৰ বাবে অসম গণ পৰিষদৰ পৰা বহিস্কৃত হোৱাৰ পিছত প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ নেতৃত্বত এই দলটো গঠন হৈছিল।

২০০৬ চনৰ অসম বিধানসভা নিৰ্বাচনত দলটোৱে মাত্ৰ এখন হে আসন লাভ কৰিবলৈ সক্ষম হয় আৰু নিৰ্বাচিত প্ৰাৰ্থীজন আছিল প্ৰফুল্ল কুমাৰ মহন্ত নিজেই। ২০০৮ চনত দলটো পুনৰ অসম গণ পৰিষদৰ সৈতে চামিল হয়। সদৌ অসম ছাত্ৰ সন্থাৰ নেতৃত্বত অসমলৈ হোৱা অবৈধ বাংলাদেশী বিতাড়নৰ বাবে চলা ছবছৰীয়া অসম আন্দোলনৰ ফলশ্ৰুতিত অসম গণ পৰিষদ দলৰ জন্ম হৈছিল। ১৯৮৫ চনৰ ১৩-১৪ অক্টোবৰত গোলাঘাটত হোৱা এক জাতীয় সমাবেশত অসম গণ পৰিষদ নামৰ এটা আঞ্চলিক ৰাজনৈতিক দল গঠনৰ সিদ্ধান্ত লোৱা হৈছিল আৰু ১৪ অক্টোবৰ তাৰিখে দলটো আনুস্থানিক ভাৱে জন্ম হৈছিল। দলটো গঠনৰ সময়ত বিভিন্ন জাতীয় সংগঠন- অসম সাহিত্য সভা, দুটা আঞ্চলিক দল - অসম জাতীয়তাবাদী দল আৰু পূৰ্বাঞ্চলীয় লোক পৰিষদ, সদৌ অসম কৰ্মচাৰী পৰিষদ, অসম জাতীয়তাবাদী যুৱ ছাত্ৰ পৰিষদ, সদৌ অসম কেন্দ্ৰীয় আৰু অৰ্ধ-কেন্দ্ৰীয় কৰ্মচাৰী সংস্থা, অসম যুৱক সমাজ আদিৰ প্ৰতিনিধিয়ে ঠাই পাইছিল। [1]


তথ্য উৎস[সম্পাদনা কৰক]