কমাৰবন্ধা আলি

অসমীয়া ৱিকিপিডিয়াৰ পৰা
Jump to navigation Jump to search

কমাৰবন্ধা আলি হৈছে গোলাঘাট জিলাৰ অন্তৰ্গত এক ঐতিহ্যমণ্ডিত অঞ্চল। ইতিহাস প্ৰসিদ্ধ ধোদৰ আলিক যোৰহাট নগৰৰে স্ংযোগ কৰা কমাৰবন্ধা আলিয়ে চুই যোৱা বৃহৎ অঞ্চলটিয়ে সামৰি লয়, প্ৰখ্যাত দক্ষিণহেঙেৰা বজাৰ, দোলাষৰীয়া বজাৰ, বৰজান চাহ বাগিচা, শালিকীহাট আৰু কমাৰবন্ধা তিনি আলি ।

ভৌগোলিক অৱস্থিতি[সম্পাদনা কৰক]

কমাৰবন্ধা আলি গোলাঘাট চহৰ উত্তৰ-পুব প্ৰান্তত অৱস্থিত। অঞ্চলটিৰ প্ৰাণকেন্দ্ৰস্বৰূপ কমাৰবন্ধা তিনিআলিলৈ গোলাঘাট চহৰৰ দূৰত্ব ৮ কি:মি:।আনহাতে কমাৰবন্ধা তিনিআলিৰ পৰা তিতাবৰ চহৰলৈ ১২ কি:মি: আৰু যোৰহাট নগৰলৈ ৩০ কি:মি:।

উল্লেখযোগ্য স্থান[সম্পাদনা কৰক]

  • কমাৰবন্ধা উচ্চতৰ মাধ্যমিক বিদ্যালয়: চকুত লগা আন্ত:গাঠঁনিৰে ১৯৪৭ চনতে প্ৰতিষ্ঠা হোৱা এই বিদ্যালয়ে অঞ্চলটোৰ বিদ্যায়তনিক আৰু বৌদ্ধিক আৱহাৱাৰ স্বকীয়তাক প্ৰতিনিধিত্ব কৰে । এই বিদ্যালয়ৰ বহুতো প্ৰাক্তন ছাত্ৰ-ছাত্ৰী শিক্ষা, বিজ্ঞান, চিকিৎসা, গৱেষণা, ব্যৱস্থাপনা, পৰিৱেশ্য কলা অধ্যয়ন, মিডিয়া, কম্পিউটাৰ ইঞ্জিনিয়াৰিং আদি ভিন্ন ক্ষেত্ৰত দেশ-বিদেশত কৰ্মৰত । বিদ্যালয়ৰ মুখপত্ৰৰ নাম- পৰাগ । বৰ্তমানৰ অধ্যক্ষৰ নাম- শ্ৰী লোকেন্দ্ৰনাথ বৰা।
  • কমাৰবন্ধা মহাবিদ্যালয়: কমাৰবন্ধা তিনিআলিৰ পৰা উত্তৰ দিশত ২ কি: মি: দূৰত অৱস্থিত এখন UGC (2f and 12B) স্বীকৃতিপ্ৰাপ্ত ৰাজহুৱা উচ্চ-শিক্ষানুষ্ঠান । ডিব্ৰুগড় বিশ্ববিদ্যালয়ৰ অধীনত কলা শাখাৰ বিভিন্ন বিষয়ত উচ্চমানৰ সৈতে স্নাতক পাঠ্যক্ৰমৰ সুবিধা থকা মহবিদ্যালয়খনৰ পৰা কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ অধীনতো দুৰস্থ শিক্ষাৰ পাঠ্যক্ৰম গ্ৰহণ কৰিব পাৰি।
  • জয়হিন্দ পুথিভঁৰাল আৰু ক্লাৱ: সোণালী জয়ন্তী বৰ্ষ অতিক্ৰম কৰা এই অনুষ্ঠানটি অঞ্চলটিৰ এক আপুৰুগীয়া সম্পদ । অঞ্চলটিৰ যুৱচামে নিয়মিতভাৱে অনুষ্ঠিত কৰা বিভিন্ন শৈক্ষিক- সাংস্কৃতিক কাৰ্যসুচীয়ে অঞ্চলটিৰ গৰিমা দূৰ দূৰণিলৈকে কঢ়িয়াই নিব পাৰিছে ।
  • আঠখেলীয়া বৰনামঘৰ: কমাৰবন্ধা তিনিআলিৰ পৰা দক্ষিণ দিশত প্ৰায় ৭ কি: মি: দূৰত (শালিকীহাটৰ পৰা নাটিদূৰত) অৱস্থিত মহাপুৰূষীয়া নামঘৰ। বৰ্তমান অসমৰ ভিন্ন প্ৰান্তৰ ভক্তিপ্ৰাণ ৰাইজৰ আগমন ঘটে ।