গৌৰৱ গগৈ

গৌৰৱ গগৈ
লোকসভাৰ সাংসদ যোৰহাট (লোকসভা সমষ্টি)
পদাধিকাৰ
কাৰ্যভাৰ গ্ৰহণ ২৪ জুন,২০২৪
পূৰ্বসূৰী	তপন কুমাৰ গগৈ
লোকসভাৰ সাংসদ কলিয়াবৰ (লোকসভা সমষ্টি)
কাৰ্যকাল ১ ছেপ্তেম্বৰ ২০১৪ – ৫ জুন,২০২৪
পূৰ্বসূৰী	দীপ গগৈ
ব্যক্তিগত তথ্য
জন্ম	৪ ছেপ্টেম্বৰ, ১৯৮২ (৪৩ বছৰ) দিল্লী, ভাৰত
ৰাজনৈতিক দল	ভাৰতীয় জাতীয় কংগ্ৰেছ
দাম্পত্যসঙ্গী	এলিজাবেথ কলবাৰ্ণ গগৈ
মাতৃ	ডলি গগৈ
পিতৃ	তৰুণ গগৈ
শিক্ষা	বি.টেক. বৈদ্যুতিক আৰু যোগাযোগ অভিযান্ত্ৰিকী (B.Tech. in Electronics and Communication Engineering) (ইন্দ্ৰপ্ৰস্থ বিশ্ববিদ্যালয়, দিল্লীৰ পৰা) ৰাজহুৱা প্ৰশাসনত স্নাতকোত্তৰ (Master of Public Administration) (নিউয়ৰ্ক বিশ্ববিদ্যালয়ৰ পৰা)
শিক্ষানুষ্ঠান	নিউয়ৰ্ক বিশ্ববিদ্যালয়, ইন্দ্ৰপ্ৰস্থ বিশ্ববিদ্যালয়, দিল্লী
২ জানুৱাৰী, ২০১২-ৰ তথ্য

গৌৰৱ গগৈ (ইংৰাজী: Gaurav Gogoi; জন্ম: ৪ ছেপ্টেম্বৰ ১৯৮২) ভাৰতীয় জাতীয় কংগ্ৰেছৰ এজন ৰাজনীতিবিদ, লোকসভাৰ সাংসদ তথা অসম প্ৰদেশ কংগ্ৰেছৰ ৰাজ্যিক সভাপতি। ২০২০ চনৰ পৰা তেওঁ লোকসভাত ভাৰতীয় জাতীয় কংগ্ৰেছৰ উপ-নেতা হিচাপে কাৰ্যনিৰ্বাহ কৰি আছে।তেওঁ লোকসভাত ২০১৪ চনৰ পৰা ২০২৪ চনলৈ কলিয়াবৰ সমষ্টিক প্ৰতিনিধিত্ব কৰে আৰু ২০২৪ চনত ১৮ নং যোৰহাট সমষ্টিৰ পৰা লোকসভালৈ মনোনীত হয়। গগৈ অসমৰ প্ৰাক্তন মুখ্যমন্ত্ৰী তৰুণ গগৈৰ পুত্ৰ।  

প্ৰাৰম্ভিক জীৱন

গৌৰৱ গগৈৰ জন্ম হয় ১৯৮২ চনৰ ৪ ছেপ্তেম্বৰত দিল্লীত। তেওঁৰ পিতৃ তৰুণ গগৈয়ে ২০০১ চনৰ পৰা ২০১৬ চনলৈ অসমৰ মুখ্যমন্ত্ৰী ৰূপে কাৰ্য্যনিৰ্বাহ কৰিছিল। গগৈয়ে দিল্লীৰ ছেন্ট কলম্বাছ স্কুলৰ পৰা স্কুলীয়া শিক্ষা গ্ৰহণ কৰি ইন্দ্ৰপ্ৰস্থ বিশ্ববিদ্যালয়ৰ পৰা বি টেক ডিগ্ৰী লাভ কৰে। তাৰ পিছত তেওঁ আমেৰিকা যুক্তৰাষ্ট্ৰৰ নিউয়ৰ্ক বিশ্ববিদ্যালয়ৰ পৰা প্ৰশাসনিক শিক্ষা গ্ৰহণ কৰে।

ৰাজনৈতিক জীৱন

গগৈ ২০১৪ চনৰ মাৰ্চত কংগ্ৰেছ দলৰ পৰা কলিয়াবৰ (লোকসভা সমষ্টি)ৰ পৰা লোকসভালৈ মনোনীত হয় । পুনৰবাৰ ২০১৯ চনত একে সমষ্টিৰ পৰা দ্বিতীয় বাৰৰ বাবে লোকসভালৈ তেওঁ নিৰ্বাচিত হয় আৰু ২০২৪ চনলৈকে কাৰ্যনিৰ্বাহ কৰে।২০২৪ চনৰ দেশৰ সাধাৰণ নিৰ্বাচনত তেওঁ যোৰহাট সমষ্টিৰ পৰা মনোনয়ন দাখিল কৰে আৰু বিজেপিৰ তদানীন্তন সাংসদ তপন গগৈৰ বিৰুদ্ধে বিজয় সাব্যস্ত কৰে।