দ্ৰুপদ বৰগোঁহাই

অসমীয়া ৱিকিপিডিয়াৰ পৰা
Jump to navigation Jump to search
দ্ৰুপদ বৰগোঁহাই
Drupad Borgohain.png
ৰাজ্যসভাৰ সাংসদ
কাৰ্যকাল
৩ এপ্ৰিল ১৯৯৮ - ২ এপ্ৰিল ২০১৪
সমষ্টি অসম
ব্যক্তিগত তথ্য
জন্ম ৭ নৱেম্বৰ, ১৯৪১
শিৱসাগৰ, অসম, ভাৰত
মৃত্যু ১০ এপ্ৰিল, ২০১৯ (৭৭ বছৰ)
ৰাষ্ট্ৰীয়তা ভাৰতীয়
ৰাজনৈতিক দল ভাৰতীয় কমিউনিষ্ট পাৰ্টি
বাসস্থান শিৱসাগৰ
শিক্ষা শিৱসাগৰ মহাবিদ্যালয়, জয়সাগৰ
পেচা ৰাজনৈতিক নেতা

দ্ৰুপদ বৰগোঁহাই (ইংৰাজী: Drupad Borgogain) (৭ নৱেম্বৰ ১৯৪১ - ১০ এপ্ৰিল ২০১৯) ভাৰতীয় কমিউনিষ্ট পাৰ্টীৰ জ্যেষ্ঠ নেতা, অসম বিধানসভাৰ বিধায়ক, ৰাজ্যসভাৰ সাংসদ আৰু এগৰাকী শিক্ষক আছিল।[1]

জন্ম আৰু শিক্ষা[সম্পাদনা কৰক]

১৯৪১ চনৰ ৭ নবেম্বৰত দ্ৰুপদ বৰগোঁহাইৰ শিৱসাগৰৰ মাদুৰি গাঁৱত জন্ম হৈছিল। তেখেতৰ পিতৃৰ নাম আছিল মানিক বৰগোঁহাই আৰু মাতৃৰ নাম আছিল ৰূপেশ্বৰী বৰগোঁহাই। নাজিৰা হাইস্কুলৰ পৰা তেখেত প্ৰবেশিকা পৰীক্ষা আৰু শিৱসাগৰ কলেজৰ পৰা স্নাতক পৰীক্ষাত উত্তীৰ্ণ হয়।[1][2][3]

কৰ্মজীৱন[সম্পাদনা কৰক]

১৯৬০-৬১ চনলৈ মাদুৰি বহুমুখী মধ্য ইংৰাজী বিদ্যালয়ত তেখেতে শিক্ষকতা কৰিছিল।[1] তাৰ পাছত চকীমুখ মধ্য ইংৰাজী বিদ্যালয়ত যোগ দিছিল। এইখন বিদ্যালয়ত তেখেতে অক্টোবৰ ১৯৬১ৰ পৰা জানুৱাৰী ১৯৬৩লৈ শিক্ষকতা কৰিছিল। ইয়াৰ পিছত ১ ফ্ৰেব্ৰুৱাৰী ১৯৬৩ৰ পৰা ৩১ ডিচেম্বৰ ১৯৮২লৈ নাজিৰা উচ্চতৰ মাধ্যমিক বহুমুখী বিদ্যালয়ত কৰ্মজীৱন। বাওঁপন্থী ৰাজনীতিৰ প্ৰতি আকৰ্ষিত হৈ ১৯৬৩ৰ এপ্ৰিলত ভাৰতীয় কমিউনিষ্ট পাৰ্টিত যোগ দিছিল। তেখেত ১৯৯৮ ৰ ২০০৪ চনলৈ ৰাজ্যসভাৰ সাংসদ আছিল। ২০০৪ চনৰ যোৰহাট লোকসভা সমষ্টিত নিৰ্বাচনত অৱতীৰ্ণ হৈ পৰাজয় বৰণ কৰে যদিও ২০০৬ চনত নাজিৰা বিধান সভা সমষ্টিৰ পৰা কংগ্ৰেছৰ প্ৰয়াত মুখ্যমন্ত্ৰী হিতেশ্বৰ শইকীয়াৰ পত্নী, সেই সময়ৰ মন্ত্ৰী হেমপ্ৰভা শইকীয়াক হৰুৱাই বিধায়ক হয়৷[2] তেখেত অখিল ভাৰতীয় কিষাণ সভা অসম ৰাজ্যিক সমিটিৰ সভাপতিও আছিল।[3]

তেখেতে ১৯৬৫ৰ পৰা ১৯৭৮লৈ ভাৰতীয় কমিউনিষ্ট পাৰ্টিৰ যুৱ সংগঠন অল ইণ্ডিয়া য়ুথ ফেডাৰেচনৰ (AIYF) সৈতে সক্ৰিয় ভাবে জড়িত হৈ পৰে। ১৯৬৫ৰ পৰা ১৯৬৮ লৈ তেখেতে AIYFৰ অসম সমিটিৰ যুটীয়া সম্পাদক আৰু তাৰপিছত সভাপতিৰ দায়িত্ব পালন কৰিছিল।[3]

মৃত্যু[সম্পাদনা কৰক]

২০১৯ৰ ১০ এপ্ৰিলত ৭৭ বছৰ বয়সত ডিব্ৰুগড়ৰ এখন নাৰ্চিং হোমত বৰগোঁহাইৰ মৃত্যু হয়। তেখেতে দীৰ্ঘদিন ধৰি বৃক্কৰ অসুখত ভূগি আছিল।[3]

তথ্য সংগ্ৰহ[সম্পাদনা কৰক]