প্ৰতিভাৰ উৎস (গ্ৰন্থ)
 | এই প্ৰবন্ধটোৰ সত্যাপনযোগ্যতা প্ৰমাণ কৰিবলৈ অধিক তথ্য-উৎসৰ প্ৰয়োজন। অনুগ্ৰহ কৰি বিশ্বাসযোগ্য উৎসৰ উল্লেখ কৰি প্ৰবন্ধটো উন্নত কৰাত সহায় কৰক। কিয়নো তথ্যৰ উৎসৰ উল্লেখ নকৰা প্ৰবন্ধক লৈ প্ৰশ্ন উঠিব পাৰে। অনুগ্ৰহ কৰি আলোচনা পৃষ্ঠাতো এই সম্পৰ্কীয় কিবা তথ্যৰ বাবে চক ফুৰাব।
অধিক সহায়ৰ বাবে কাষৰ "[দেখুৱাওক]" লিংকটোত ক্লিক কৰক।
উদ্ধৃতিৰ প্ৰয়োজনীয়তা এইবাবেই যে ৱিকিপিডিয়াত ব্যক্তিগত গৱেষণালব্ধ তথ্য গ্ৰহণযোগ্য নহয়, যদিহে ই কোনো নিৰ্ভৰযোগ্য উৎসৰ পৰা আহৰণ কৰা নহয়। মনত ৰাখিব যে ভুল তথ্যৰ বাবে পঢ়ুৱৈৰ ক্ষতিসাধন হ'ব পাৰে। তথাপিতো অসমীয়া ৱিকিপিডিয়া সৰু বাবে অনেক ক্ষেত্ৰত ঢিলাই দিয়া হয় বা কেতিয়াবা কেতিয়াবা দায়িত্বশীল সম্পাদকসকলৰ চকুৰ পৰা সাৰি যায় - তেতিয়া আপুনিয়েই প্ৰথম শাৰীত {{Reimprove}} বা {{Verify}} বুলি লিখি দিয়ে যেন। আনহাতে (অফলাইন) আলোচনীৰ বা বাতৰি কাকতৰ পৰা সহায় লৈ লিখা এটা প্ৰবন্ধৰ উত্সৰ সত্যতা নিৰূপন কৰিবৰ বাবে গৰিষ্ঠ সংখ্যক পাঠকৰ উপায় নাথাকে। তদুপৰি এই প্ৰক্ৰিয়াৰে কিছুমান দুষ্টলোকে ভুল ৰেফাৰেঞ্চৰেও পাঠকক দিগভ্ৰান্ত কৰি তুলিব পাৰে। অনলাইন উত্সৰ পৰা উদ্ধৃতিবোৰ দিলে এনে অসুবিধা নহয়। তেনে ক্ষেত্ৰত কোনোবাই আপত্তি কৰিলেও সত্যতা নিৰূপন কৰিবলৈ একো অসুবিধা নহয়। উল্লেখযোগ্য যে ব্যক্তিগত ব্লগৰ পৰা ৱিকিত উদ্ধৃতি দিয়া নিষেধ। |
| প্ৰতিভাৰ উৎস | |
|---|---|
 | |
| লেখক | পংকজ জ্যোতি মহন্ত |
| প্ৰচ্ছদ শিল্পী | প্ৰাচুৰ্য প্ৰীতম শইকীয়া |
| দেশ | ভাৰত |
| ভাষা | অসমীয়া |
| বিষয় | শিক্ষামূলক, অনুপ্ৰেৰণামূলক |
| প্ৰকাৰ | প্ৰবন্ধ সংকলন |
| প্ৰকাশক | সঞ্জীৱন |
| প্ৰকাশ | নৱেম্বৰ, ২০১৭ |
| মিডিয়া প্ৰকাৰ | মুদ্ৰণ |
প্ৰতিভাৰ উৎস (ইংৰাজী: Pratibhar Utsho) এখন অনুপ্ৰেৰণামূলক প্ৰবন্ধৰ সংকলন। কিতাপখন লিখিছে গণিতচ'ৰাৰ প্ৰতিষ্ঠাপক সম্পাদকদ্বয়ৰ এজন পংকজ জ্যোতি মহন্তই। এইখন লেখকৰ প্ৰথমখন প্ৰকাশিত গ্ৰন্থ। সঞ্জীৱন প্ৰকাশনৰ পৰা, ২০১৭ চনৰ নৱেম্বৰ মাহত কিতাপখনৰ প্ৰথম সংস্কৰণ প্ৰকাশ পায়। গ্ৰন্থখনৰ মূল্য ১৩০ টকা। লেখকে গ্ৰন্থখন গণিত চ'ৰাৰ সহ প্ৰতিষ্ঠাপক মঞ্জিল প্ৰতীম শইকীয়ালৈ আগবঢ়াই এনেদৰে লিখিছে, "গণিত তথা বিজ্ঞান-প্ৰযুক্তি বিষয়ক দ্বিভাষিক অনলাইন আলোচনী 'গণিত চ'ৰা'ৰ সহ প্ৰতিষ্ঠাপক মঞ্জিল প্ৰতীম শইকীয়াৰ হাতত...।" [1]
বিৱৰণ
[সম্পাদনা কৰক]প্ৰতিভাৰ উৎস হৈছে কেইজনমান ব্যক্তিৰ অনুপ্ৰেৰণামূলক কাহিনীৰ সমষ্টি। বিভিন্ন বাধা আঁতৰাই অদম্য মনোবলেৰে জীৱনৰ বাট বোলা এনে কেইগৰাকীমানৰ বিষয়ে উল্লেখ কৰি পাতনিত লেখকে লিখিছে, "এনেধৰণৰ মানুহবোৰ, যিসকলে নিজত্বৰ চাপ ৰাখি থৈ যাব পাৰে; পুৰণি প্ৰথাৰ বোজাক অতিক্ৰমী স্থবিৰতা ভাঙি নতুন আৰ্হি গঢ়িব পাৰে- তেওঁলোকৰ কিছুমান আচৰণগত, স্বভাৱগত বৈশিষ্ট্য থাকে। মানুহৰ পৃথক পৃথক ৰাপ থকাৰ জৈৱিক কাৰণ আজিও ৰহস্য। কিন্তু সেই ৰাপসমূহ প্ৰয়োজন মতে বৰ্তাই ৰাখি কিবা এটা সমাধা কৰাৰ আঁৰৰ গুণসমূহ নিজেহে আয়ত্ত কৰিব লগা হয়। এনে কিছুমান কথা প্ৰতিভাৰ উৎসত চৰ্চা কৰা হৈছে। সকলো মানুহে যুগান্তকাৰী কাম কৰিব নোৱাৰে; কিন্তু এনে গুণ আয়ত্তৰ চেষ্টা কৰিলে সকলোৱেই নিজৰ কিছু অৱদান সমাজলৈ দি যাব পাৰে।" কিতাপখনৰ বেটুপাতৰ দ্বিতীয় পৃষ্ঠাত শান্তনু কৌশিক বৰুৱাই এনেদৰে লিখিছে,"আক্ষৰিক অৰ্থতে পংগুৰ গিৰি লংঘন! তদুপৰি আছে কেইবাজনো মহান বিজ্ঞানী, অভিযন্তা, গণিতজ্ঞ, কম্পিউটাৰ বিজ্ঞানী, অভিযাত্ৰী, সমাজ কৰ্মী আদিৰ জীৱন-কাহিনী; তেওঁলোকৰ সন্ধান-উদ্ভাৱন-আৱিষ্কাৰসমূহৰ কথা; কিহে তেওঁলোকক পৃথক কৰি তুলিলে সেই কথা। যিসকলৰ কেইবাজনেও এতিয়াও তেজ-মঙহৰ শৰীৰেৰে নিজ কৰ্মত ব্ৰতী হৈ আছে। নিজৰ সাধনাৰে তেওঁলোকে কেনেদৰে জগতখন সুন্দৰ হোৱাত সহায় কৰিছে, কেনেদৰে অজসৃজনক দিছে সুন্দৰ দৃষ্টিভংগী গ্ৰহণ কৰাৰ প্ৰেৰণা আৰু দিক্ নিৰ্দেশনা; তেওঁলোকৰ উদ্যম,সৃষ্টিশীলতা, নিজক অতিক্ৰম কৰাৰ সাহস, অদম্য দৃঢ়তা, নিজৰ সৃষ্টিৰ প্ৰভাৱ আৰু তাৰ অনবদ্য সৌন্দৰ্য উপভোগৰ দুৰ্বাৰ হেঁপাহ - এনে কিছু কাহিনী লিপিৱদ্ধ হৈছে প্ৰতিভাৰ উৎসত।" কিতাপখনত মুঠ ২১টা প্ৰবন্ধ আছে। প্ৰবন্ধসমূহ হ'ল[1]-
- দেবদাস আৰু ৰিচাৰ্ড ফিলিপছ ফাইনমেন
- ৰামানুজনৰ কেটোৰময় ক'লা কিলাকুটিটো
- এডমাণ্ড হিলাৰীঃ প্ৰথম ত্ৰি-মেৰু বিজয়ৰ খ্যাতিকো অতিক্ৰমী এজন সমাজসেৱী
- মাৰিয়াম মিৰ্জাখানিঃ ফিল্ডছ মেডেল বিজয়ী একমাত্ৰ মহিলা
- ছাৰ টিম বাৰ্ণাৰ্ছ-লীঃ নতুন যুগৰ গুটেনবাৰ্গ
- লিজ্জি ভেলাছকীজঃ 'আটাইতকৈ কুৎসিৎ' বুলি ঘৃণিত হৈয়ো যি অনুপ্ৰেৰণাৰ অক্ষয় উৎস
- জেছ কুইনঃ এভৰি হেৰুৱাইও উদ্যমী মডেল
- হিউ হাৰে সাজি লোৱা নিজৰ ভৰি দুখন
- এণ্টাৰ্কটিকাৰ সমীপত আৰ্নেষ্ট শ্বেকল্টনৰ অন্তিম নিশাকেইটা
- গণিতৰ মোৎজাৰ্টঃ টেৰেন্স টাও
- ইভাৰিষ্ট গেল্ওৱাই যদি জীয়াই থাকিবলৈ শিকিলেহেঁতেন
- জুবিন গাৰ্গঃ হতাশাৰ ঘোৰ তমসা ফালি আগবাঢ়ি অহা এছাটি ৰ'দ
- উদ্ধৱ ভৰালীঃ নিজৰ উদ্ভাৱনেৰে আৰ্তজনক সহায় কৰিব খোজা এজন মানুহ
- যাদৱ পায়েংঃ অকলেই এখন অৰণ্য সৃষ্টি কৰা মানুহজন
- অশ্ৰুসিক্ত এণ্ড্ৰু ৱাইলছ মূক হৈ ৰোৱা মুহূৰ্তটো
- দৃঢ়তা
- লুচি আৰু লুচিক আৱিষ্কাৰ কৰা বিজ্ঞানীজনৰ কিছু কাহিনী
- শ্বাহৰুখ খানৰ আন এটা পৰিচয়
- কৃত্ৰিম বুদ্ধিমত্তাৰ এজন জনক মাৰাভিন মিনস্কিৰ চিন্তাধাৰা
- বিষণ্ণতা, হতাশা, মানসিক চাপ আৰু মানসিক শক্তি
- এয়াই দেখোন সময় সৃষ্টিশীলতাৰ
লেখকৰ চমু পৰিচয়
[সম্পাদনা কৰক]লেখক পংকজ জ্যোতি মহন্ত এজন গণিতজ্ঞ আৰু গণিত আৰু বিজ্ঞান বিষয়ৰ দ্বিভাষিক ই-আলোচনী গণিত চ’ৰাৰ সহঃপ্ৰতিষ্ঠাপক আৰু এগৰাকী সম্পাদক। তেওঁ তেজপুৰ বিশ্ববিদ্যালয়ৰ পৰা গণিতত স্নাতকোত্তৰ ডিগ্ৰী লাভ কৰিছিল। গণিত-বিজ্ঞানৰ উপৰি বিভিন্ন সামাজিক আৰু সাম্প্ৰতিক সময়ৰ প্ৰসংগক লৈ তেওঁ কাকত, ই-আলোচনী আৰু ব্লগৰ জৰিয়তে নিয়মীয়াকৈ লেখা-মেলা কৰি আহিছে।[2]
তথ্যৰ উৎস
[সম্পাদনা কৰক]- ↑ 1.0 1.1 পংকজ জ্য়োতি মহন্ত (নৱেম্বৰ,২০১৭). প্ৰতিভাৰ উৎস. সঞ্জীৱন প্ৰকাশন.
- ↑ ALIPTA JENA (Wednesday, November 23, 2011). "Numbers spell fun on website - Gonitsora transforms maths". The Telegraph. http://www.telegraphindia.com/1111123/jsp/northeast/story_14780260.jsp। আহৰণ কৰা হৈছে: 2013-06-17.