বতা চৰাই

অসমীয়া ৱিকিপিডিয়াৰ পৰা
বটা চৰাই
(Common Quail)
সংৰক্ষণ স্থিতি
জীৱবৈজ্ঞানিক শ্ৰেণীবিভাজন
জগৎ/ৰাজ্য: Animalia
পৰ্ব: Chordata
শ্ৰেণী: Aves
বৰ্গ: Galliformes
পৰিয়াল: Phasianidae
উপপৰিয়াল: Perdicinae
গণ: Coturnix
প্ৰজাতি: C. coturnix
বৈজ্ঞানিক নাম
Coturnix coturnix
(Linnaeus, 1758)

বটা চৰাই (ইংৰাজী: Common Quail), বৈজ্ঞানিক নাম- Coturnix coturnix) Phasianidae পৰিয়ালৰ অন্তৰ্গত এটা সৰু আকাৰৰ চৰাই৷ ই বহুলভাৱে বিস্তৃত আৰু ইউৰোপৰ বিভিন্ন অংশত ইয়াক দেখিবলৈ পোৱা যায়৷

বটা চৰাইৰ মাত

বিৱৰণ[সম্পাদনা কৰক]

বতা চৰাই আকাৰত সৰু৷ ইয়াৰ দেহৰ দৈৰ্ঘ্য প্ৰায় ১৭ ছৈ: মি:৷ চকুৰ ওপৰ অংশত বগা আঁচ থাকে৷ মতা বতা চৰাইৰ গালত বগা দাগ থাকে যাৰ সহায়ত ইয়াক মাইকীজনীৰ পৰা পৃথক কৰিব পাৰি৷ পৰিভ্ৰমণৰ উপযোগীকৈ ইয়াৰ ডেউকা দীঘল৷

টেক্সন'মি[সম্পাদনা কৰক]

বতা চৰাইক পোন-প্ৰথমে লিনিয়াছে ১৭৫৮ চনত তেওঁৰ Systema naturae নামৰ গ্ৰন্থখনত উল্লেখ কৰিছিল আৰু বৈজ্ঞানিক নাম Tetrao coturnix ৰে ইয়াক অভিহিত কৰিছিল৷ [2]৷ পৰৱৰ্ত্তী কালত ইয়াৰ অন্য কেইবাটাও উপ-প্ৰজাতি চিনাক্ত কৰা হৈছে৷ এইবোৰ হ'ল-

  • C. c. coturnix-আফ্ৰিকা আৰু ভাৰতত পোৱা যায়
  • C. c. africana-আফ্ৰিকা ,
  • C. c. erlangeri - ইথিঅ'পিয়া
  • C. c. inopinata
  • C. c. conturbans ইত্যাদি৷

আচৰণ[সম্পাদনা কৰক]

বতা চৰাই এবিধ স্থলচৰ চৰাইৰ প্ৰজাতি৷ ই প্ৰধানকৈ গছৰ গুটি আৰু মাটিৰ পোক-পৰুৱা আদি খাই জীয়াই থাকে৷ খেতিৰ মাজত লুকাই থাকে বাবে ইয়াক দেখা পোৱা অত্যন্ত কঠিন হয়৷ আনকি খেদিলেও ই ভয় খাই উৰি যোৱাৰ সলনি পিছহুহুকি পলাইহে যায়৷ ইয়াৰ ষ্পষ্ট মাতটোৱেহে কোনো ঠাইত বতা চৰাইৰ অৱস্থিতিৰ বিষয়ে ক'ব পাৰে৷ বিশেষকৈ মতা চৰায়ে ৰাতিপুৱা আৰু গধুলিৰ ভাগত বাৰে বাৰে "wet-my-lips" বুলি মতা যেন শুনা যায়৷ ই বিশেষকৈ পৰিভ্ৰমণকাৰী চৰাই৷

বতা চৰায়ে ইউৰোপ আৰু এছিয়াৰ মুকলি পথাৰ আৰু ঘাঁহনি অঞ্চলত কণী পাৰে৷ ই মাটিত বাঁহ সাজে আৰু এবাৰত প্ৰায় ৬-১২ টাকৈ কণী পাৰিব পাৰে৷ ১৬-১৮ দিনৰ ভিতৰত কণী ফুটি পোৱালী জগে৷

ব্যৱহাৰ[সম্পাদনা কৰক]

বাইবেলৰ কাহিনী অনুযায়ী ভ্ৰমণকাৰী ইজৰেলাইটছ (Israelite) সকলে ঈশ্বৰক মাংসৰ বাবে অনুৰোধ কৰে আৰু ভগৱানে তেওঁলোকক পৰিভ্ৰমণকাৰী বতা চৰাইৰ এটা বৃহৎ জাক প্ৰদান কৰে৷ বৰ্তমান কালতো খাদ্যৰ বাবে বতা চৰাইৰ চিকাৰ কৰা হয়৷ শেহতীয়া ভাৱে এই চৰাইবিধৰ ইউৰোপ আৰু আমেৰিকাত প্ৰজননৰ সফলতাৰ বাবে দ্ৰুত বৃদ্ধি দেখা গৈছে৷

আলোকচিত্ৰ[সম্পাদনা কৰক]

তথ্য সংগ্ৰহ[সম্পাদনা কৰক]

  1. BirdLife International (2012). "Coturnix coturnix". IUCN Red List of Threatened Species. Version 2012.1. International Union for Conservation of Nature. http://www.iucnredlist.org/apps/redlist/details/100600194। আহৰণ কৰা হৈছে: 16 July 2012. 
  2. লেটিন Linnaeus, C (1758). Systema naturae per regna tria naturae, secundum classes, ordines, genera, species, cum characteribus, differentiis, synonymis, locis. Tomus I. Editio decima, reformata.. Holmiae. (Laurentii Salvii).. পৃষ্ঠা. 161. "T. pedibus nudis, corpore griseo-maculate, supercilií albis, rectricibus margine lunulaque ferruginea." 

বাহ্যিক সংযোগ[সম্পাদনা কৰক]