ভেলেউগুৰি ৰতনপুৰ
 | এই প্ৰবন্ধটোত কোনো কোনো স্থানত তথ্যসূত্ৰ বা প্ৰসংগৰ উল্লেখ প্ৰয়োজন। অনুগ্ৰহ কৰি বিশ্বাসযোগ্য উৎস দেখুৱাই এই প্ৰবন্ধটো উন্নত কৰাত সহায় কৰক। বিশ্বাসযোগ্য তথ্য উৎসৰ উল্লেখ নথকা প্ৰবন্ধৰ বিশ্বাসযোগ্যতা কমে আৰু অনেক ক্ষেত্ৰত ই ইয়াক বিশ্বাস কৰি লোৱা পঢ়ুৱৈৰ ক্ষতি সাধনো কৰিব পাৰে। সেয়ে তথ্য-উৎসৰ উল্লেখ নথকা প্ৰবন্ধক প্ৰত্যাহ্বান জনোৱা হ'ব পাৰে। আনহাতে পঢ়ুৱৈসকলেও প্ৰবন্ধটোত য’ত প্ৰয়োজন যেন দেখে সেই বাক্যৰ পাছত {{উদ্ধৃতিৰ প্ৰয়োজন}} বুলি লিখি ৰাখিও ৱিকিপিডিয়াত উৎসৰ উল্লেখৰ ক্ষেত্ৰত ৰাইজক সজাগ কৰিব পাৰে। |
ভেলেউগুৰি ৰতনপুৰ | |
|---|---|
গাঁও | |
| গাঁও |  ভাৰত |
| ৰাজ্য | অসম |
| জিলা | যোৰহাট |
ভেলেউগুৰি ৰতনপুৰ গাঁও যোৰহাট জিলাৰ মৰিয়নি সমষ্টিৰ অন্তৰ্গত নকছাৰি মৌজাত অৱস্থিত এখন গাঁও।
ইতিহাস
[সম্পাদনা কৰক]১৯৫০ চনৰ বৰভূঁইকঁপৰ ফলত বৰলুইতত পূৰ্বপুৰুষৰ মাটি-ভেটি লীন হোৱাত ষাঠী দশকৰ শেষৰফালে মাজুলীৰ পৰা কেইখনমান গাঁও চৰকাৰে বৰ্তমানৰ ঠাইলৈ আনি সংস্থাপন কৰিছিল। তাৰে এখন গাঁও হৈছে ভেলেউগুৰি ৰতনপুৰ। ইয়াৰ পূৰ্বে এই ঠাইখিনি বৰ্তমানৰ হোলোঙাপাৰ গিবন অভয়াৰণ্যৰ (তেতিয়াৰ হোলোঙাপাৰ সংৰক্ষিত বনাঞ্চল)ৰ ভিতৰৰ অঞ্চল আছিল।[উদ্ধৃতিৰ প্ৰয়োজন]
নামৰ উৎপত্তি
[সম্পাদনা কৰক]প্ৰথম সংস্থাপনৰ সময়ত এই ঠাইখিনি ভেলেউ গছেৰে ভৰি আছিল আৰু যিহেতু ইয়াৰ অধিকাংশ লোক মাজুলীৰ ৰতনপুৰ গাঁৱৰ পৰা অহা সেয়ে গাঁওখনৰ নাম ভেলেউগুৰি ৰতনপুৰ হয়। [উদ্ধৃতিৰ প্ৰয়োজন]
ভৌগোলিক বিৱৰণ
[সম্পাদনা কৰক]ভৌগোলিকভাৱে ভেলেউগুৰি ৰতনপুৰ গাঁওখন 26.70°N 94.45°E স্থানাংকত অৱস্থিত। এই ঠাইখন মৰিয়নি ৰে'লৱে জংচনৰ পৰা ৭ কিমি দূৰত্বত অৱস্থিত। বুৰঞ্জী প্ৰসিদ্ধ ধোদৰ আলি গাঁওখনৰ মাজেৰে পাৰ হৈ গৈছে।
যাতায়াত ব্যৱস্থা
[সম্পাদনা কৰক]এই গাঁওখন বুৰঞ্জীপ্ৰসিদ্ধ ধোদৰ আলিৰে সংযোগ হৈ আছে। যাতায়াতৰ ব্যৱস্থা হিচাপে ইয়ালৈ মৰিয়নিৰ পৰা বিভিন্ন সৰু-ডাঙৰ বাহন চলি থাকে। নকছাৰি ৰেলৱে ষ্টেচনলৈ ৪কি মি দূৰত্ব। তদুপৰি ৭ কি.মি. দূৰত মৰিয়নি ৰেলৱে জংচন আছে। ইয়াৰ নিকটতম বিমানবন্দৰ হৈছে যোৰহাট বিমান বন্দৰ, যি যোৰহাট চহৰৰ সমীপৱৰ্তী ৰৰৈয়াত অৱস্থিত।
জনবসতিৰ জীৱিকা
[সম্পাদনা কৰক]ইয়াৰ লোকসকলৰ মুখ্য জীৱিকা কৃষি। চৰকাৰী জীৱিকাৰ উপৰিও ইয়াতে বহুটো ইটা উদ্যোগ গঢ়ি উঠিছে। গাঁৱৰ যুৱচাম সেই উদ্যোগত সংস্থাপিত হৈছে।
ৰাজনীতি
[সম্পাদনা কৰক]ভেলেউগুৰি ৰতনপুৰ গাঁওখন ১০১ নং মৰিয়নী বিধান সভা সমষ্টি তথা ১৪ নং যোৰহাট লোকসভা সমষ্টিৰ অন্তৰ্গত।
শিক্ষা
[সম্পাদনা কৰক]গাঁওখনত দুখন প্ৰাথমিক বিদ্যালয়, এখন মধ্য ইংৰাজী বিদ্যালয় আৰু এখন উচ্চতৰ মাধ্যমিক বিদ্যালয় আছে। উচ্চ শিক্ষাৰ বাবে ছাত্ৰ ছাত্ৰীসকল সমীপতে থকা নকছাৰি জ্যেষ্ঠ মাধ্যমিক বিদ্যালয়, নকছাৰি মহাবিদ্যালয় তথা মৰিয়নি মহাবিদ্যালয়লৈ যায়। তদুপৰি ছাত্ৰ ছাত্ৰীসকল অন্য ঠাইলৈও যোৱা দেখা যায়।