মকবুল ফিদা হুছেইন
| মকবুল ফিদা হুছেইন | |
|---|---|
 ইছলামিক আৰ্ট মিউজিয়াম, দোহাত এম এফ হুছেইন | |
| নাম | মকবুল ফিদা হুছেইন |
| জন্ম | ১৭ ছেপ্টেম্বৰ, ১৯১৫ পন্দৰপুৰ, বম্বে প্ৰেচিডেন্সি, ব্ৰিটিছ ভাৰত |
| মৃত্যু | ৯ জুন, ২০১১ (৯৫ বছৰ) লণ্ডন, ইংলেণ্ড, যুক্তৰাজ্য |
| দেশ |  ভাৰত (১৯২৫—২০১০)[1] কাটাৰ (২০১০—২০১১)[1] |
| পেচা | চিত্ৰকলা |
| প্ৰশিক্ষণ | ছাৰ জে জে স্কুল অফ আৰ্ট |
| বিপ্লৱ | বোম্বে প্ৰগতিশীল শিল্পী দল |
| বঁটা | পদ্মশ্ৰী (১৯৬৬) পদ্মভূষণ (১৯৭৩) পদ্মবিভূষণ (১৯৯১) |
মকবুল ফিদা হুছেইন (ইংৰাজী: Maqbool Fida Husain, চমুকৈ এম এফ হুছেইন, জন্ম: ১৭ ছেপ্টেম্বৰ, ১৯১৫, মৃত্যু: ৯ জুন, ২০১১) ভাৰতৰ এজন চিত্ৰশিল্পী আছিল। তেওঁ পৰিবৰ্তিত কিউবিষ্ট শৈলীত কৰা ৰঙীন চিত্ৰসমূহৰ বাবে জনাজাত।[2] তেওঁ বিংশ শতিকাৰ আন্তঃৰাষ্ট্ৰীয় ভাৱে স্বীকৃতি প্ৰাপ্ত ভাৰতীয় শিল্পীসকলৰ ভিতৰত অন্যতম আছিল।[2]
হুছেইনৰ কৰ্মৰাজি[সম্পাদনা কৰক]
মুম্বাইৰ ছাৰ জে জে স্কুল অৱ আৰ্টছত চিত্ৰশিল্পৰ আনুষ্ঠানিক প্ৰশিক্ষণ লোৱা হুছেইনে হিন্দী চিনেমা জগতত চিনেমাৰ পোষ্টাৰ আঁকি শিল্পী জীৱন আৰম্ভ কৰিছিল। স্বাধীনতাৰ পিছত বিগত শতিকাৰ ৪০ৰ দশকৰ শেষৰ ফালে তেওঁ বোম্বে প্ৰগতিবাদী শিল্পী গোটত যোগদান কৰে। ইউৰোপৰ বিভিন্ন দেশ, নিউয়ৰ্ক, টকিঅ' আদিৰ বিখ্যাত আৰ্ট গেলাৰীত এম এফ হুছেইনৰ চিত্ৰই হাজাৰ হাজাৰ কলামোদীক ৰসৰ সাগৰত বুৰ যোৱাত সহায় কৰিছিল। অংকনৰ জগতৰ লগতে তেওঁ কেমেৰাৰে ছবি অঁকাৰ বাবে চেষ্টা কৰিছিল। ১৯৬৭ চনত নিৰ্মাণ কৰা তেওঁৰ প্ৰথমখন চিনেমা থ্ৰু দ্য আইজ অব এ পেইণ্টাৰ-এ বাৰ্লিন চলচ্চিত্ৰ মহোৎসৱত 'গ'ল্ডেন বিয়েৰ বঁটা' লাভ কৰিছিল। পৰৱৰ্তী কালত তেওঁ টাবুক নায়িকাৰূপে লৈ মীনাক্ষী : এ টেল অৱ থ্ৰী চিটিজ আৰু মাধুৰীক নায়িকাৰূপে লৈ গজগামিনী নিৰ্মাণ কৰিছিল।
স্বীকৃতি আৰু সন্মান[সম্পাদনা কৰক]
কলাৰ জগতলৈ আগবঢ়োৱা অৱদানৰ স্বীকৃতিৰূপে হুছেইনক ১৯৬৬ চনত পদ্মশ্ৰী, ১৯৭৩ চনত পদ্মভূষণ আৰু ১৯৯১ চনত পদ্মবিভূষণ সন্মানেৰে বিভূষিত কৰা হয়।
হুছেইন আৰু বিতৰ্ক[সম্পাদনা কৰক]
১৯৮৬ চনত তেওঁক ৰাজ্যসভালৈ মনোনীত কৰা হয়। বিগত শতিকাৰ ৯০ৰ দশকত হিন্দু দেৱীক নগ্ন ৰূপত অংকন কৰাৰ বাবে হুছেইন বিতৰ্কৰ মাজত সোমাই পৰে। তাৰ পিছতে হিন্দু উগ্ৰবাদীৰ পৰা জীৱনৰ বাবে ভাবুকি অহাৰ কাৰণে হুছেইনে দেশ ত্যাগ কৰাৰ সিদ্ধান্ত লয়। তেওঁ ২০০৬ চনৰ পিছৰে পৰা ডুবাই আৰু লণ্ডনত থাকিবলৈ লয়। ২০১০ চনত তেওঁ কাটাৰৰ নাগৰিকত্বৰ বাবে আবেদন কৰে আৰু দেশখনে নাগৰিকত্ব প্ৰদান কৰে।[1]
তথ্য সংগ্ৰহ[সম্পাদনা কৰক]
- ↑ 1.0 1.1 1.2 Ram, N. (25 February 2010). "M.F. Husain gets Qatar nationality". The Hindu. http://www.thehindu.com/news/national/article113018.ece.
- ↑ 2.0 2.1 "M.F. Husain". Encyclopaedia Britannica. https://www.britannica.com/biography/M-F-Husain। আহৰণ কৰা হৈছে: 4 September 2018.
বাহ্যিক সংযোগ[সম্পাদনা কৰক]
 |
ৱিকিমিডিয়া কমন্সত মকবুল ফিদা হুছেইন সম্পৰ্কীয় মিডিয়া ফাইল আছে। |
- Husain's website
- মকবুল ফিদা হুছেইন সম্পৰ্কে ইণ্টাৰনেট মুভি ডাটাবেছত থকা তথ্য।
- Works by or about মকবুল ফিদা হুছেইন in libraries (WorldCat catalog)
- Collection of M.F. Husains's Good images
- MF Husain collected news and commentary from The Times of India
- Requiem for M.F. Husain, N. Ram, The Hindu, 10 June 2011
- মকবুল ফিদা হুছেইন সম্পৰ্কে সংগ্ৰহিত বাতৰি আৰু মন্তৱ্য দ্যা নিউয়ৰ্ক টাইমছৰ সৌজন্যত
- Slideshow, Financial Times
- Maqbool Fida Husain, India’s Most Famous Painter, Dies at 95 NYTimes.com
| সাধাৰণ | |
|---|---|
| ৰাষ্ট্ৰীয় পুথিভঁৰাল | |
| কলা গৱেষণা প্ৰতিষ্ঠান | |
| বৈজ্ঞানিক ডাটাবেচ | |
| অন্যান্য | |
