ৰাইডাং বেত

অসমীয়া ৱিকিপিডিয়াৰ পৰা
Calamus (palm) rotang
বৈজ্ঞানিক শ্ৰেণীবিভাজন e
অধিজগৎ: সংকোষকেন্দ্ৰী
ৰাজ্য: Plantae
ক্লেড: Angiosperms
ক্লেড: Monocots
ক্লেড: Commelinids
গণ: Calamus (palm)
প্ৰজাতি: C. rotang
দ্বৈৰাশিক নামকৰণ
Calamus rotang
L.
সমাৰ্থক[1]
  • Calamus monoecus Roxb.
  • Calamus roxburghii Griff.
  • Calamus scipionum Lam.
  • Draco rotang Crantz
  • Palmijuncus monoecus (Roxb.) Kuntze
  • Rotang linnaei Baill.
  • Rotanga calamus Crantz

ৰাইডাং বেত (ইংৰাজী: Calamus rotang) ভাৰত, শ্ৰীলংকা আৰু ম্যানমাৰৰ থলুৱা এক বৃহৎ আকাৰৰ বেত জাতীয় উদ্ভিদ। ই এবিধ লতাজাতীয় উদ্ভিদ। ইয়াক আচবাব, খৰাহী, লাখুটি, ছাতিৰ নাল, মেজ, চকী আদি নিৰ্মাণ কৰিবলৈ ব্যৱহাৰ কৰা হয়। দক্ষিণ-পূৱ এছিয়াত এই উদ্ভিদ প্ৰচুৰ পৰিমানে পোৱা যায়।

বিস্তৃতি[সম্পাদনা কৰক]

ৰাইডাং বেত ভাৰত, শ্ৰীলংকা আৰু ম্যানমাৰৰ থলুৱা উদ্ভিদ৷ অসমত এই বেত প্ৰধানকৈ কাৰ্বি আংলং জিলাৰ ধনশিৰি আৰু দলদলি বনাঞ্চল আৰু ডিব্ৰুগড় জিলাৰ পানীডিহিং বনাঞ্চলত উৎপত্তি হয়৷[2]

বিৱৰণ[সম্পাদনা কৰক]

ৰাইডাং বেতৰ আঁকুহি কাইটযুক্ত হয়৷ সুবিধা অনুযায়ী লতাডালে পোনপটীয়াভাৱে আকাশমুৱা হৈ আঁকুহিৰ সহায়ত গছৰ ওপৰলৈ উঠি যায়৷ কোছা কোছে উৎপত্তি হোৱা শিপাৰ মুঢ়াত বিকশিত হোৱা পোখাবোৰ ক্ৰমে ডাঙৰ হৈ একোজোপা জোপোহা গছৰ আকৃতি ধাৰণ কৰে৷ বৌখাৰ সহায়ত পাতৰ ঠাৰি ধৰে আৰু এই ঠৰুৱাৰ আগলি অংশত ছিৰিলি ছিৰিলি পাতবোৰ বিকশিত হয়৷ ৰাইডাং বেতৰ গুৰি ভাগতকৈ লতাডালৰ আগভাগ ক্ৰমে মোটা হয়৷ [2]

ব্যৱহাৰ[সম্পাদনা কৰক]

ৰাইডাং বেত লাখুটি, লাঠি আদি তৈয়াৰ কৰিবলৈ ব্যৱহাৰ কৰা হয়৷ তাৰোপৰি এই বেতেৰে চকি,মেজ, খুঁটি আদিও সজা দেখা যায়৷এই বেতৰ আগলি ভাগে ধাৰণ কৰা কোমল বকটুৰ গাঁজ খাদ্য হিচাপেও খোৱা হয়৷[2]

চিত্ৰ সম্ভাৰ[সম্পাদনা কৰক]

তথ্য সংগ্ৰহ[সম্পাদনা কৰক]

  1. The Plant List, Calamus rotang
  2. 2.0 2.1 2.2 ফটিক চন্দ্ৰ গগৈ (ডিছেম্বৰ ২০০৭). অসমৰ উদ্ভিদ কোষ. অসম প্ৰকাশন পৰিষদ

বাহ্যিক সংযোগ[সম্পাদনা কৰক]