বাল গঙ্গাধৰ তিলক

লোকমান্য বাল গঙ্গাধৰ তিলক
Bal Gangadhar Tilak
জন্ম	২৩ জুলাই, ১৮৫৬ ৰত্নগিৰী, মহাৰাষ্ট্ৰ, ভাৰত
মৃত্যু	১ আগষ্ট, ১৯২০ (৬৪ বছৰ) ব'ম্বে, ভাৰত
পেচা	শিক্ষক, ৰাজনৈতিক নেতা, সাংবাদিক, উকীল, স্বাধীনতা সংগ্ৰামী
ৰাজনৈতিক দল	ভাৰতীয় জাতীয় কংগ্ৰেছ
ৰাজনৈতিক আন্দোলন	ভাৰতৰ স্বাধীনতা আন্দোলন
দাম্পত্যসঙ্গী	সত্যভামাবাই তিলক
সন্তান	শ্ৰীধৰ বলৱন্ত তিলক, বিশ্বনাথ বলৱন্ত তিলক, ৰামভাও বলৱন্ত তিলক

বাল গঙ্গাধৰ তিলক (মাৰাঠী: बाळ गंगाधर टिळक, বা লোকমান্য তিলক, জুলাই ২৩, ১৮৫৬ - আগষ্ট ১, ১৯২০) এগৰাকী ভাৰতীয়, শিক্ষক, সাংবাদিক, উকীল, সমাজ সংস্কাৰক তথা ভাৰতীয় স্বাধীনতা আন্দোলনৰে জড়িত সক্ৰিয় ব্যক্তি। তেওঁৰ জন্মগত নাম কেশৱ গঙ্গাধৰ তিলক। তেওঁ লাল-বাল-পাল ত্ৰিমূৰ্তিৰ এজন। তিলক ভাৰতীয় স্বাধীনতা আন্দোলনৰ প্ৰথমজন প্ৰতিনিধি। ব্ৰিটিছ ঔপনিবেশিক প্ৰাধিকাৰীয়ে তেওঁক 'ভাৰতীয় অশান্তিৰ পিতৃ ' বুলি পৰিচিতি প্ৰদান কৰে। ভাৰতীয় লোক সকলে তেওঁক তেওঁলোকৰ প্ৰতিনিধি হিচাপে নিৰ্বাচিত কৰাৰ হেতু তেওঁক 'লোকমান্য' উপাধি প্ৰদান কৰা হয়।