ঋতুপৰ্ণ ঘোষ

অসমীয়া ৱিকিপিডিয়াৰ পৰা
Jump to navigation Jump to search
ঋতুপৰ্ণ ঘোষ

২০১০ চনত ঋতুপৰ্ণ ঘোষ
জন্ম ৩১ আগষ্ট, ১৯৬৩
কলকাতা, পশ্চিমবংগ, ভাৰত
মৃত্যু ৩০ মে', ২০১৩ (৪৯ বছৰ)
কলকাতা, পশ্চিমবংগ, ভাৰত
ৰাষ্ট্ৰীয়তা ভাৰতীয়
অন্য নাম ঋতু
পেচা পৰিচালক, অভিনেতা, লেখক, গীতিকাৰ
সক্ৰিয় হৈ থকা সময় ১৯৯২–২০১৩

ঋতুপৰ্ণ ঘোষ আছিল ভাৰতৰ এক চলচ্চিত্ৰ পৰিচালক, অভিনেতা, লেখক আৰু গীতিকাৰ। ঋতুপূৰ্ণ ঘোষৰ জন্ম হয় ৩১ আগষ্ট ১৯৬৩ চনত কলকাতাত। ১২ খন ৰাষ্ট্ৰীয় চলচ্চিত্ৰ বঁটাৰ লগতে বহুত আন্তঃৰাষ্ট্ৰীয় পুৰস্কাৰ অৰ্জন কৰা ঋতুপৰ্ণ ঘোষৰ জীৱন ইমান সহজ নাছিল। ঊনিশে এপ্ৰিল, হিৰেৰ আংটি, দহন, অন্তহীন অপেক্ষা ইত্যাদি ঋতুপৰ্ণ ঘোষে পৰিচালনা কৰা বোলছবিৰ ভিতৰত অন্যতম। যাদবপুৰ বিশ্ববিদ্যালয়ৰ পৰা অৰ্থনীতি বিষয়ত স্নাতক ডিগ্ৰী লাভ কৰি বিজ্ঞাপন কোম্পানীৰ ক্ৰিয়েটিভ্ আৰ্টিস্ট হিচাপত কৰ্মজীৱনৰ আৰম্ভনি কৰে। তেওঁৰ প্ৰথম ছবি 'ঊনিশে এপ্ৰিল' ১৯৯৪ চনত মুক্তি লাভ কৰে। তেওঁৰ ছবিৰ বিষয়বস্তু আছিল বৈধব্য, লৈঙ্গিক অসমতা আৰু অবিচাৰ, বৈকল্পিক যৌন আকাংক্ষা আদি। তেওঁৰ বোলছবি 'চিত্ৰাঙ্গদা: দ্য ক্ৰাউনিং উইছ'-ক আংশিকৰূপত তেওঁৰ আত্মজীৱনী বুলি কোৱা হয়। ঋতুপৰ্ণ ঘোষৰ ৩০ মে' ২০১৩ তাৰিখে দেহাৱসান ঘটে।